రాజకీయాల కోసం సినిమాల నుంచి సుదీర్ఘ విరామం తీసుకున్న పవర్ స్టార్ పవన్ కళ్యాణ్ రీఎంట్రీ ఇస్తున్న చిత్రం ‘వకీల్ సాబ్’. హిందీలో సూపర్ హిట్ సాధించిన ‘పింక్’ సినిమా రీమేక్గా ఈ చిత్రాన్ని రూపొందించారు. ఇప్పటికే విడుదలైన ఈ సినిమా టీజర్, ట్రైలర్ సినిమాపై అంచనాలను తారాస్థాయికి పెంచేశాయి. చాలాకాలం తర్వాత తమ అభిమాన నటుడిని వెండితెరపై చూసేందుకు పవన్ అభిమానులు ఎంతో ఉత్సుకతతో ఎదురు చూస్తున్నారు. ఈ క్రమంలో తమకు తోచిన స్థాయిలో ఈ సినిమాను ప్రమోట్ చేస్తున్నారు. తాజాగా పవన్ కళ్యాణ్ వీరాభిమాని అయినా కమెడియన్ షకలక శంకర్ తన స్టైల్లో వకీల్సాబ్ ప్రమోషన్ చేశాడు. భారతదేశ సినీ చరిత్రలోనే తొలిసారిగా వకీల్ సాబ్ ట్రైలర్ని ‘లాయర్సాబ్’ అనే పేరుతో ఓ కవర్ ట్రైలర్ రూపొందించి సోషల్మీడియాలో విడుదల చేశాడు. ఈ వకీల్సాబ్ ట్రైలర్లో ఉన్న డైలాగ్లలో స్వల్ప మార్పులు చేసి.. అద్భుతంగా ట్రైలర్ని చిత్రీకరించారు. ఇక షకలక శంకర్.. పవన్ కళ్యాణ్ బాడీ లాంగ్వేజీని ట్రైలర్లో యాధాతథంగా దించేశాడు. ఇక ట్రైలర్ చివర్లో పవన్పై తనకున్న అభిమానాన్ని శంకర్ మరోసారి చాటుకున్నాడు. పవన్పై తనకున్న అభిమానంతోనే ఈ వీడియో చేయించినట్లు తెలియాడు. ‘ఈ ప్రపంచంలో స్వచ్ఛమైన ప్రేమ అమ్మది.. అమ్మ తర్వాత అంత స్వచ్ఛమైన ప్రేమ అభిమానులదే. ఒక్కసారి హీరోని ఇష్టపడితే.. ఆ హీరో హిట్లలో ఉన్నా.. ఫ్లాపుల్లో ఉన్నా.. తెర మీద ఉన్నా.. తెర వెనుక ఉన్నా చచ్చే వరకూ గుండెల్లో పెట్టుకొని పూజించేవాళ్లేరా అభిమానులంటే’ అంటూ శంకర్ చివర్లో చెప్పిన డైలాగ్ ఈ ట్రైలర్కి హైలైట్గా నిలిచింది. మరి షకలక శంకర్ ‘లాయర్సాబ్’ ట్రైలర్ని మీరూ ఓ లుక్కేయండి..
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3woTuY7
No comments:
Post a Comment