సీనియర్ హీరో కొత్త సినిమాను అఫీషియల్‌గా అనౌన్స్ చేశారు. ఈ రోజు (ఫిబ్రవరి 4) రాజశేఖర్ పుట్టినరోజు సందర్భంగా ఆయనకు ప్రత్యేకంగా పుట్టినరోజు శుభాకాంక్షలు తెలుపుతూ ఈ కొత్త సినిమా టైటిల్, ఫస్ట్‌లుక్ షేర్ చేశారు. 'శేఖర్' పేరుతో ఈ సినిమా రిలీజ్ కానుందని పేర్కొంటూ తెల్ల గెడ్డంతో రఫ్‌లుక్‌లో ఉన్న రాజశేఖర్ ఫొటోను ఫస్ట్‌లుక్‌గా విడుదల చేశారు. ఇది సగం ఫొటోనే అయినా ఈ లుక్ సినిమాపై ఆసక్తి రేకెత్తించేలా ఉంది. విలక్షణ పాత్రలతో సాగిపోతున్న రాజశేఖర్ కెరీర్‌లో 91వ సినిమాగా ఈ 'శేఖర్' మూవీ ప్రేక్షకుల ముందుకు రానుంది. తమ్మారెడ్డి భరద్వాజ సమర్పణలో లక్ష్య ప్రొడక్షన్స్, పెగాసస్ సినీ కార్పొరేషన్ సంస్థలు ఈ సినిమాను నిర్మిస్తున్నాయి. మరికొద్ది రోజుల్లో ఈ మూవీ షూటింగ్ ప్రారంభం కానుందని తెలుస్తోంది. ఈ చిత్రానికి లలిత్ దర్శకత్వం వహించనుండగా.. అనూప్ రుబెన్స్ బాణీలు కట్టబోతున్నారు. ఇందులో రాజశేఖర్ విశ్రాంత పోలీస్ అధికారిగా కనిపించనున్నట్లు సమాచారం. టాలీవుడ్ ఇండస్ట్రీలో ఎలాంటి పాత్ర అయినా పోషించగల సత్తా ఉన్న నటుడిగా రాజశేఖర్ గుర్తింపు తెచ్చుకున్నారు. యాంగ్రీ స్టార్‌గా తెలుగు ప్రేక్షకుల మన్ననలు పొందుతున్న ఆయన ఇటీవలే 'గరుడవేగ' సినిమాతో సక్సెస్ అందుకున్నారు. ఇక ఇప్పుడు తన లోని సగం పేరు 'శేఖర్'తో అలరించడానికి రెడీ అవుతున్నారు. మరికొద్ది రోజుల్లో ఈ చిత్రానికి సంబంధించిన మరిన్ని వివరాలు తెలియనున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2MQnF8c
No comments:
Post a Comment