స్వయంకృషితో ఎదిగి ప్రతిభావంతుడైన నటుడిగా తెలుగు ప్రేక్షకుకుల మన్ననలు అందుకుంటోన్న నేచురల్ స్టార్ నాని 37వ ఏట అడుగుపెట్టారు. గంటా నవీన్ బాబు అలియాస్ నాని ఈరోజు (ఫిబ్రవరి 24న) తన పుట్టినరోజును జరుపుకుంటున్నారు. ఈ ప్రత్యేకమైన రోజున నాని స్నేహితులు, శ్రేయోభిలాషులు, అభిమానులు, సినీ ప్రముఖులు ఆయనకు పుట్టినరోజు శుభాకాంక్షలు తెలుపుతున్నారు. ప్రస్తుతం ట్విట్టర్ నాని పుట్టినరోజు శుభాకాంక్షల ట్వీట్లతో నిండిపోతోంది. చాలా మంది సెలబ్రిటీలు ట్విట్టర్ ద్వారా నానీకి పుట్టినరోజు శుభాకాంక్షలు తెలుపుతూ మెసేజ్‌లు పోస్ట్ చేస్తున్నారు. కీర్తి సురేష్, నివేదా థామస్, సునీల్, ఆది పినిశెట్టి, శ్రీవిష్ణు, రీతూ వర్మ, కార్తికేయ, సత్యదేవ్, రాశీ ఖన్నా, వెన్నెల కిషోర్, తమన్, దర్శకుడు శివ నిర్వాణ, నిర్మాత సూర్యదేవర నాగవంశీ, బండ్ల గణేష్.. ఇలా చాలా మంది సెలబ్రిటీలు ట్విట్టర్ ద్వారా నానీకి పుట్టినరోజు శుభాకాంక్షలు చెప్పారు. నటుడు సునీల్ అయితే ‘తమ్ముడు నాని’ అని సంబోధించారు. ఇదిలా ఉంటే, నాని హీరోగా నటించిన ‘టక్ జగదీష్’ సినిమా విడుదలకు సిద్ధమవుతోంది. శివ నిర్వాణ దర్శకత్వంలో రూపొందుతోన్న ఈ సినిమా ఏప్రిల్ 23న ప్రేక్షకుల ముందుకు వస్తోంది. నేడు నాని పుట్టినరోజు సందర్భంగా నిన్న ‘టక్ జగదీష్’ టీజర్‌ను విడుదల చేశారు. ఈ టీజర్ విశేషంగా ఆకట్టుకుంటోంది. అన్ని హంగులతో కూడిన పూర్తి కుటుంబ కథాచిత్రంగా ‘టక్ జగదీష్’ రూపొందిందని టీజర్ చూస్తే అర్థమవుతోంది. ముఖ్యంగా నాని చాలా అందంగా కనిపిస్తున్నారు. ఆయన సరసన రీతూ వర్మ, ఐశ్వర్య రాజేష్ హీరోయిన్లుగా నటించారు. నాజ‌ర్, జ‌గ‌ప‌తిబాబు, రావు ర‌మేష్‌, వీకే న‌రేష్‌, డానియ‌ల్ బాలాజీ, తిరువీర్, రోహిణి, దేవ‌ద‌ర్శిని, ప్రవీణ్ ముఖ్య పాత్రలు పోషించిన ఈ చిత్రానికి తమన్ సంగీతం సమకూర్చారు. ప్రసాద్ మూరెళ్ల సినిమాటోగ్రఫీ అందించారు. మాస్టర్ వెంకట్ కంపోజ్ చేసిన ఫైట్స్ టీజర్‌లో చాలా అట్రాక్టివ్‌గా కనిపిస్తున్నాయి. ఇక వెండితెరపై బ్లాక్ బస్టరే. ఈ సినిమాను షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది నిర్మిస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3bvSrMs
No comments:
Post a Comment