కామెడీ హీరోగా తెలుగు ప్రేక్షకులకు 'కితకితలు' పెడుతూనే అప్పుడప్పుడూ సీరియస్ కథలు, విలక్షణ పాత్రలతో ప్రేక్షకుల ముందుకొస్తున్నారు . గతంలో ''గమ్యం, ప్రాణం'' లాంటి కాన్సెప్ట్ ఓరియెంటెడ్ సినిమాల్లో నటించి సత్తా చాటిన ఆయన, ఇప్పుడు 'నాంది' అంటూ మరో డిఫరెంట్ కథను ప్రేక్షకుల ముందుకు తీసుకొచ్చారు. ఈ చిత్రంలో న్యూడ్గా నటించారు నరేష్. అంతేగాక తన ప్రతిభ మొత్తాన్ని వెలికితీశారని విన్నాం. సెన్సార్ నుంచి U/A సర్టిఫికెట్ పొందిన ఈ సినిమా నేడు (ఫిబ్రవరి 19) ప్రపంచవ్యాప్తంగా విడుదల కానుంది. ఈ నేపథ్యంలో ఇప్పటికే ఓవర్సీస్ ఆడియన్స్ చేస్తున్న ట్వీట్స్ని బట్టి సినిమా ఎలా ఉందంటే.. నరేష్కి ఇది కమ్బ్యాక్ మూవీ అవుతుందని, ఫస్టాఫ్ కాస్త బోర్గా అనిపించినా సెకండాఫ్ థ్రిల్ చేసిందని అంటున్నారు సినిమా చూసిన ఆడియన్స్. అందరూ ఊహించినట్లుగానే నరేష్ యాక్టింగ్పై పాజిటివ్ కామెంట్స్ వస్తున్నాయి. నరేష్ కుమ్మేశాడు అనే ట్వీట్స్ కనిపిస్తున్నాయి. మరికాసేపట్లో 'సమయం' పేజీలో 'నాంది' సినిమాపై పూర్తి రివ్యూ అందించబోతున్నాం. అల్లరి నరేష్ కెరీర్లో 57వ సినిమాగా రాబోతున్న ఈ 'నాంది' సినిమా ద్వారా విజయ్ కనకమేడల దర్శకుడిగా పరిచయం అవుతున్నారు. ఎస్వి2 ఎంటర్టైన్మెంట్ బ్యానర్పై సతీష్ వేగేశ్న నిర్మించారు. ఈ చిత్రంలో వరలక్ష్మీ శరత్కుమార్, ప్రియదర్శి, దేవీప్రసాద్, వినయ్ వర్మ, సి.ఎల్.నరసింహారావు, శ్రీకాంత్ అయ్యంగార్ ఇతర ముఖ్యపాత్రల్లో కనిపించనున్నారు. సూపర్ స్టార్ మహేష్ బాబు చేతులమీదుగా 'నాంది' ట్రైలర్ రిలీజ్ చేసి సినిమాపై ఉన్న అంచనాలను అమాంతం పెంచేశారు. చేయని నేరం (హత్య) వల్ల శిక్ష అనుభవిస్తున్న నరేష్.. ఆ కేసు నుంచి ఎలా బయటపడ్డాడు. అందుకు కారణాలేంటి? అనే పాయింట్ తీసుకొని ఈ సినిమా రూపొందించారు. 'ఇక్కడి చట్టాలు చేతకానివాడిపై వాడటానికేరా.. పవర్లో ఉన్నోన్ని ఏం పీకలేవు' అని ట్రైలర్లో వినిపించిన డైలాగ్ సినిమాపై ఆసక్తి రేకెత్తించింది. 'నాంది' సినిమా విడుదల సమయంలో కూడా తోటి యాక్టర్స్ సపోర్ట్ నరేష్కి లభించింది. హీరో నాని, సాయి ధరమ్ తేజ్, యాంకర్ ప్రదీప్, డైరెక్టర్ గోపీచంద్ మలినేని తదితరులు నరేష్కి ఆల్ ది బెస్ట్ చెప్పారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2ON7469
No comments:
Post a Comment