పవర్ స్టార్ , దర్శకుడు వేణు శ్రీరామ్ కాంబినేషన్లో త్వరలో విడుదలకాబోతున్న చిత్రం ‘’. హిందీలో సూపర్హిట్ సాధించిన ‘పింక్’ సినిమా రీమేక్గా ఈ సినిమాని రూపొందించారు. ఈ సినిమాలో పవన్ సరసన శృతిహాసన్ నటిస్తుండగా.. నివేదా థామస్, అంజలి, అనన్య ప్రధాన పాత్రల్లో నటించారు. ఈ సినిమా ప్రీ రిలీజ్ ఈవెంట్ ఈరోజు (ఏప్రిల్ 4న) శిల్పకళా వేదికగా జరిగింది. ఈ సందర్భంగా నిర్మాత మాట్లాడుతూ.. ‘‘పవన్కళ్యాణ్తో ఎమోషనల్ అటాచ్మెంట్ ఒక డిస్ట్రిబ్యూటర్గా 'తొలి ప్రేమ' రిలీజ్ అయినప్పుడు చూశాను. అది మాకు కేవలం రెండో సినిమానే. అప్పుడప్పుడు షూటింగ్ వద్దకు వెళ్లినప్పుడు డైరక్టర్, ఆర్ట్ డైరెక్టర్లను కలిసేవాడిని. కానీ కళ్యాణ్ని కలిసే అవకాశం రాలేదు. సినిమా రిలీజ్ తర్వాత వారానికి ఒకరైనా ఆయన్ని కలిసేవాడిని. తొలిప్రేమ 100 డేస్ ఫంక్షన్ తర్వాత అనిపించింది.. ఎప్పటికైనా ప్రొడ్యూసర్ అయితే పవన్కళ్యాణ్తో సినిమా చేయాలనే కోరిక కలిగింది. అప్పటి నుంచి చాలా సందర్భాల్లో ఆయన్ని కలిసినప్పుడు.. ఆయనతో ఎప్పుడు సినిమా తీసే అవకాశం వస్తుందా అని అనిపించేది. అయితే పవన్కళ్యాణ్ రాజకీయాల్లోకి వెళ్తున్నానని.. ఇక సినిమాలు చేయను అని చెప్పడంతో నా కోరిక.. కోరికగానే మిగిలిపోతుందా అని బాధపడ్డాను. తెలుగు సినిమా ఇండస్ట్రీలో అందరు స్టార్ హీరోలతో సినిమా చేశాము. ఒక్క పవన్ కళ్యాణ్తో తప్ప. ఆ కోరిక ఇప్పుడు ఇలా పింక్ రీమేక్ ద్వారా నెరవేరింది. ఈ సినిమా మేము చేయడానికి కారణమైన.. పింక్ రచయితలు, దర్శకులకు, బోణీ కపూర్కి ప్రత్యేక ధన్యవాదాలు. ఎందుకంటే తమిళ్లో అజిత్తో ఆయన ఈ సినిమా నిర్మించారు. ఆ సినిమా చూస్తున్నంత సేపు నాకు అజిత్.. పవన్ కళ్యాణ్లానే కనిపించారు. దర్శకుడు హరీశ్ శంకర్ కూడా అదే మాట అన్నాడు. సినిమా తమిళ్లో సూపర్ హిట్ అయింది. కానీ, ఆ తర్వాత పవన్కళ్యాణ్ని కలిసే అవకాశం రాలేదు. అయితే ఓ సందర్భంలో త్రివిక్రమ్తో ఈ విషయాన్ని పంచుకున్నాను. వెంటనే త్రివిక్రమ్ అపాయింట్మెంట్ తీసుకొని పవన్కళ్యాణ్ని వెళ్లి కలవమన్నారు. ఈ సందర్భంగా ఆయనకి థ్యాంక్స్. ఆ తర్వాత దర్శకుడు ఎవరని త్రివిక్రమ్, నేను రెండు మూడు పేర్లు అనుకున్నాం. కానీ, నాకు ఎవరితోనూ సంతృప్తిగా లేదు. కొన్ని ఐడియాలు షేర్ చేసుకున్న తర్వాత నాకు వేణు ఈ ప్రాజెక్టుకి కరెక్టని అనిపించింది. ఆ తర్వాత అతన్ని ఆఫీసు పిలిచి అతనికి అవకాశం ఇచ్చాను. అతను ఎంతో సంతోషంగా స్క్రీప్ట్ పనులు ప్రారంభించాడు. అందుకోసం అతనికి థ్యాంక్స్. వీళ్లందరూ లేకుంటే కళ్యాణ్తో సినిమా తీయాలనే మా కల నెరవేరేది కాదు. మీకు ట్రైలర్ లాంచ్ రోజు చెప్పాను.. ఇది కేవలం బ్రేక్ ఫాస్ట్ మాత్రమే.. లంచ్ డిన్నర్ ముందుంది అని. కాబట్టి అందరం కలిసి పండగ చేసుకొనే రోజు, కాలర్లు ఎగరేసుకొని తిరిగే రోజు దగ్గర్లోనే ఉంది. ఇక చివరిగా పవర్స్టార్ పవన్కళ్యాణ్ గురించి చెప్పాలంటే.. ఆయనతో ఎప్పుడు దగ్గర నుంచి పరిచయం లేదు. కానీ సినిమా అయిపోయిన తర్వాత ఆయన చెప్పిన మాటలు నేను జీవితాంతం గుర్తు పెట్టుకుంటాను’’. అని అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3rOPJb0
No comments:
Post a Comment