పవర్స్టార్ హీరోగా, వేణు శ్రీరామ్ దర్శకత్వంలో తెరకెక్కుతున్న చిత్రం ‘’. హిందీలో బాలీవుడ్ మెగాస్టార్ అమితాబ్ బచ్చన్ నటించిన ‘పింక్’ రీమేక్గా ఈ సినిమా శృతి హాసన్ హీరోయిన్గా నటిస్తుండగా.. నివేదా థామస్, అంజలి, అనన్య, ప్రకాశ్ రాజ్లు ప్రధాన పాత్రలు పోషిస్తున్నారు. బోణీ కపూర్, దిల్ రాజు నిర్మాతలుగా వ్యవహరిస్తున్న ఈ సినిమాకు ఎస్ఎస్ థమన్ సంగీతం అందిస్తున్నారు. ఈ సినిమా ఏప్రిల్ 9వ తేదీన ప్రపంచవ్యాప్తంగా విడుదల కానుంది. ఈ సినిమా ప్రీ రిలీజ్ ఈవెంట్ని ఈ రోజు (ఏప్రిల్ 4న) శిల్పకళా వేదికగా జరిగింది. ఈ ఈవెంట్లో హీరో పవర్స్టార్ పవన్కళ్యాణ్ మాట్లాడుతూ.. ‘‘నేను సినిమా ఫంక్షన్కి వచ్చి చాలా సంవత్సరాలు అయిపోయింది. బండ్ల గణేశ్లా నేను మాట్లాడలేను. ఈ మూడు సంవత్సరాలు నేను సినిమా చేయలేదు అనే భావన నాకు కలగలేదు. ఎందుకంటే నా గుండె మన దేశం కోసం, మీ కోసం కొట్టుకుంటుంది ఆ కారణంగానే నేను సినిమాలకు దూరమయ్యానని అనిపించలేదు. అలాగే నేను సినిమా పరిశ్రమకి వచ్చి 24 ఏళ్లు అయ్యాయనే విషయం కూడా నాకు తెలియలేదు. తెలుగు చిత్ర పరిశ్రమలో ఒక మహోన్నతమైన స్థానం సంపాదించుకున్న నిర్మాత దిల్రాజుతో సినిమా చేయడం నా అదృష్టంగా భావిస్తున్నాను. ఎందుకంటే.. నాకు కలలు కనే వ్యక్తులంటే ఎంతో ఇష్టం ఎప్పటికైనా ఏదో సాధిస్తాను. ఓ స్థాయికి వెళ్తాను అనే వ్యక్తి ఆయన. ఆయన కేవలం పోస్టర్ నా సినిమా ‘తొలిప్రేమ’ని కొనడానికి ముందుకొచ్చారు. విజయం ఎక్కడ ఉంటే దాన్ని అందుకొనే వ్యక్తి దిల్ రాజు. ఆయనతో సినిమా చేయాలని ఎప్పటి నుంచో అనుకున్నాను. కానీ, ఇన్నేళ్లకు ఆ కోరిక తీరింది. ఇక వేణు శ్రీరామ్ గురించి మాట్లాడుతూ.. తాను ఓ టైలర్ కొడుకునని చెప్పారు. నా తండ్రి ఓ పోలీస్ కానిస్టేబుల్.. ఆ స్థాయి నుంచే పైకొచ్చాము మేము. కాబట్టి మాకు ఏ వృత్తి ఎక్కువ కాదు.. ఏ వృత్తి తక్కువ కాదు. వేణు శ్రీరామ్ కూడా చాలా చిన్నస్థాయి నుంచి ఎదిగిన వ్యక్తి. అలాంటి వ్యక్తి సినిమా చేయడం అంటే అవకాశం నేనో లేక ఇంకెవరో ఇచ్చేది కాదు.. స్వశక్తితో తను సంపాదించుకుంది. ఇలాంటి దర్శకుడి దగ్గర నటించడం నేను అదృష్టంగా భావిస్తున్నాను. నాకు ఎప్పటినుంచో లాయర్ అనే వృత్తిపై ఎంతో గౌరవం ఉంటుంది. అలాంటి ఓ పాత్రలో నటించే అవకాశం నాకు ఈ ‘వకీల్సాబ్’ అనే చిత్రం ద్వారా లభించింది. మీకు నా మీద ఎలాంటి అభిమానం ఉందో నాకు అంత అభిమానం నాకు అమితాబ్ బచ్చన్పై ఉంటుంది. అలాంటి గొప్ప వ్యక్తి చేసిన పాత్ర నేను చేస్తానని కలలో కూడా అనుకోలేదు. ఈ వకీల్సాబ్ సినిమా నేను పూజింజే ఆదిశక్తికి, ఇక్కడకు వచినా, వేదికపై ఉన్నా, టీవీల్లో వీక్షిస్తున్న అందరికీ.. మేము ఇచ్చే గౌరవం. ఈ సినిమాలో ఓ నిస్సహాయ స్థితిలో చిక్కుకున్న ఓ ముగ్గురు అమ్మాయిలను ఆదుకొనే ఓ లాయర్గా చేయడం నేను అదృష్టంగా భావిస్తున్నాను. ఆ ముగ్గురు అమ్మాయిలుగా అంజలి, అనన్య, నివేదా థామస్లు అద్భుతంగా నటించారు. అన్ని సినిమాల్లో చేసినట్టుగా ఏదో రెండు డైలాగ్లు చెప్పి కట్ అనేలా ఈ సినిమాలో నటించలేదు. అన్ని సినిమాల కంటే ఈ సినిమాలో నేను కాస్త ఎక్కువగానే కష్టపడ్డాను. ఈ సినిమాలో ప్రతివాద లాయర్గా ప్రకాశరాజ్ నటించడం మరింత వన్నెను చేకూర్చింది. నా పర్పార్మెన్స్ ఈ సినిమాలో బాగుందంటే అందుకు కారణం ప్రకాశ్రాజ్. థమన్ కూడా ఈ సినిమాకి చాలా చక్కని సంగీతం అందించాడు. ఇంతమంది ఇష్టపడి తమ ప్రేమంతా ధారపోసిన ఈ సినిమా జనాల గుండెల్లోకి వెళ్తుందనే నమ్మకం నాకు ఉంది’’ అని పవన్ కళ్యాణ్ అన్నారు. ఒక చివరిగా ‘కోర్టులో వాదించడం తెలుసు.. కోర్టు తీసి కొట్టడం తెలుసు’ అనే డైలాగ్తో పవన్ తన ప్రసంగాన్ని ముగించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3cLdLPM
No comments:
Post a Comment