హైదరాబాద్లోని లుంబిని పార్క్, గోకుల్ ఛాట్ల వద్ద జరిగిన భారీ పేలుళ్లు యావత్ దేశాన్ని భయభ్రాంతులకు గురి చేశాయి. ఉగ్రవాదుల పాల్పడిన ఈ ఘాతుకం వల్ల ఎందరో ప్రాణాలు కోల్పోయారు. ఈ అవానవీయ ఘటన తర్వాత జరిగిన ఓ మిలటరి ఆపరేషన్ ఆధారంగా చిత్రం ‘వైల్డ్డాగ్’. అహిషోర్ సాల్మాన్ దర్శకత్వంలో తెరకెక్కిన ఈ సినిమాలో దియా మీర్జా, సయామీఖేర్, అలీ రెజా ప్రధాన పాత్రల్లో నటించారు. ఈ నెల 2వ తేదీన విడుదలైన ఈ చిత్రం ప్రేక్షకులను ఆకట్టుకుంది. ముఖ్యంగా ఈ సినిమాలో యాక్షన్ సన్నివేశాలు హైలైట్గా నిలిచాయి. అయితే ఈ సినిమా ప్రేక్షకులను ఆకట్టుకున్నప్పటికీ.. కలెక్షన్ల పరంగా నిరాశపరిచింది. తాజాగా ఈ సినిమా ప్రముఖ ఓటీటీ ప్లాట్ఫామ్ నెట్ఫ్లిక్స్లో విడుదలైంది. బుల్లితెరపై ఈ సినిమాకు విశేషమైన స్పందన లభిస్తోంది. తెలుగులో ఈ సినిమా నెం.1 స్థానంలో ట్రెండింగ్లో ఉండగా.. తమిళంలో టాప్-5లో ట్రెండింగ్లో ఉంది. మరోవైపు మలయాళ, కన్నడ భాషల ప్రేక్షకులను ఈ సినిమా ఆకట్టుకుంటుంది. ఈ సందర్భంగా నటి సయామీతో కలిసి నాగార్జున నెట్ఫ్లిక్స్కి ఓ ప్రత్యేక ఇంటర్వ్యూ ఇచ్చారు. ముఖ్యంగా ఈ సినిమాలో యాక్షన్ సన్నివేశాలు ఎలా చిత్రీకరించారనే విషయాన్ని ఆయన వెల్లడించారు. ఈ సందర్భంగా రోహ్తంగ్ పాస్లో షూటింగ్ చేస్తున్న సమయంలో అక్కడి చలి కారణంగా తన చేతులు వణికిన విషయాన్ని నాగార్జున ప్రస్థావించారు. ‘‘రోహ్తంగ్ పాస్ సమీపంలో మేము షూటింగ్ చేస్తున్నాము. ఆ సమయంలో నేను గ్లోవ్స్ కూడా ధరించలేదు. దాంతో నా చేతులు ఎర్రగా మారిపోయేవి. నాకు బాగా గుర్తుంది, కెమెరామెన్ వచ్చి.. సార్ మీ చేతులు వణుకుతున్నాయి. గన్ని గట్టిగా పట్టుకోండి అని చెప్పేవాడు’’ అని నాగార్జున చెప్పారు. ఇక కొండలపై జారి యాక్షన్ చేసే సమయంలో తనకు కొన్ని గాయాలు అయిన విషయాన్ని కూడా ఆయన చెప్పారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2QrVD57
No comments:
Post a Comment