కరోనా కట్టడిలో భాగంగా విధించిన లాక్డౌన్ కారణంగా గత 45 రోజులుగా దేశవ్యాప్తంగా మద్యం షాపులు మూత పడ్డాయి. దీంతో మందు బాబులకు సుక్క దొరకక తిక్క తిక్క చేసిన వీడియోలు ఎన్నో చూశాం. అయితే మూడో విడత లాక్డౌన్లో మాత్రం మద్యం ప్రియులకు ఊరటనిచ్చే నిర్ణయం తీనుకుంది కేంద్ర ప్రభుత్వం. కొన్ని షరతులు విధించి మద్యం షాపులు తెరచే వెసులుబాటు కల్పించింది. అన్ని మద్యం షాపుల వద్ద సామాజిక దూరం పాటించేలా చర్యలు తీసుకుంటూ మద్యం అమ్మకాలు ప్రారంభించుకోవచ్చని రాష్ర్ట ప్రభుత్వాలను ఆదేశించింది కేంద్రం. దీంతో కొన్ని రాష్ట్రాల్లో నిన్న (సోమవారం) మద్యం షాపులు తెరుచుకున్నాయి. అయితే ఇన్ని రోజులు మందు దొరకక ఎప్పుడెప్పుడా అని ఎదురుచూసిన మందు బాబులంతా ఒక్కసారిగా రోడెక్కడంతో అన్ని షాపుల వద్ద బారీ క్యూ లైన్లు వెలిశాయి. ఈ నేపథ్యంలో ఆ క్యూ లైన్ల తాలూకు వీడియోలు, ఫొటోలు సోషల్ మీడియాలో వైరల్ అయ్యాయి. అయితే అందులోంచి ఓ ఫొటోను తన ట్విట్టర్ ఖాతాలో పోస్ట్ చేసిన వర్మ.. తనదైన కోణంలో కామెంట్ చేశారు. వర్మ షేర్ చేసిన ఈ ఫొటోలో మహిళలు మద్యం షాపుల వద్ద క్యూ లైన్లో కనిపిస్తున్నారు. ‘‘చూడండి మద్యం షాపుల వద్ద ఎవరు క్యూలో ఉన్నారో. అవును పాపం తాగే పురుషుల నుంచి మహిళలను రక్షించడం చాలా ముఖ్యం’’ అంటూ చురక లాంటి కామెంట్ వదిలారు . దీంతో ఈ ట్వీట్ రచ్చ ప్రారంభమైంది. అయితే వర్మ ట్వీట్ చూసిన బాలీవుడ్ సింగర్ కాస్త ఘాటుగానే రియాక్ట్ అయింది. ‘‘డియర్ మిస్టర్ ఆర్జీవీ. మీరు చేసిన ఈ ట్వీట్ ఎందుకు సెక్సిజం, మీ తప్పుడు నైతికత విలువలకు అర్థంగా నిలుస్తోంది. మహిళలకు, పురుషుల మాదిరిగా మద్యం కొనుగోలు, మద్యం సేవించే హక్కు ఉందనే విషయాన్ని గమనించండి. అయితే మద్యం సేవించాక హింసాత్మకంగా ప్రవర్తించే హక్కు మాత్రం ఎవ్వరికీ లేదు’’ అంటూ ఆర్జీవీకి గట్టి కౌంటర్ వేసింది. దీంతో ఈ ఇష్యూపై చర్చలు ముదిరాయి. మరోవైపు ఈ సమయంలో మద్యం షాపులు తిరిగి ప్రారంభించడానికి ప్రభుత్వం ఇచ్చిన అనుమతి సరికాదంటూ బాలీవుడ్ రచయిత జావేద్ అక్తర్, నటి మలైకా అరోరా, రవీణా టాండన్లు ట్వీట్ చేశారు. ఇప్పటికే మహిళలపై గృహ హింస కేసులు పెరుగుతున్నాయని, ప్రభుత్వం మద్యం దుకాణాల తెరిస్తే ఇది మరింత తీవ్రతరం అయ్యే అవకాశం ఉందని వారు పేర్కొన్నారు. దీనికి కౌంటర్ గానే వర్మ ఆ ఫొటో షేర్ చేసి అలా స్పందించి ఉంటారని కొందరు అభిప్రాయపడుతున్నారు. ఏదిఏమైనా వర్మ మరోసారి ఈ రకంగా వివాదాలకు తెరలేపారనే చెప్పుకోవచ్చు. Also Read:
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2xEQP32
No comments:
Post a Comment