నిన్నటి ప్రీ రిలీజ్ ఈవెంట్లో పవర్ స్టార్ సుదీర్ఘ ప్రసంగం చేశారు. పొలిటికల్ స్పీచ్లు ఇచ్చీ.. ఇచ్చీ పవన్ కళ్యాణ్ రాటు తేలిపోవడంతో ఆదివారం నాటి ప్రీ రిలీజ్ ఈవెంట్లో దాదాపు 35 నిమిషాల పాటు అనర్గళంగా ప్రసంగం చేశారు. కేవలం సినిమా విషయాలే కాకుండా.. రాజకీయాలు, పదవులు, ఫ్యాన్స్, ఫ్యామిలీ ఇలా అన్ని విషయాలపై మాట్లాడుతూ ఫ్యాన్స్లో ఉత్సాహం నింపారు. ఈ సందర్భంగా వకీల్ సాబ్ సినిమా స్త్రీ శక్తి, వాళ్ల విలువలు, హక్కులు, రక్షణకు సంబంధించినదని తెలియజేస్తూ మహిళల గురించి అద్భుతమైన స్చీచ్ ఇచ్చారు. ‘స్త్రీ మూర్తులందరికీ వకీల్ సాబ్ అంకితం.. వకీల్ సాబ్ సినిమా స్త్రీ శక్తికి ముఖ్యంగా నేను పూజించే ఆదిశక్తికి గౌరవ సూచికంగా భావిస్తున్నా. నేను అక్క చెల్లెల్ల మధ్య పెరిగాను. వదిన, చిన్నమ్మ, అత్తలు, అమ్మ ..ఇలా నా జీవితం చుట్టూ ఆడపడుచులు నన్ను గుండెల్లోపెట్టుకుని చూసుకునేవారు. అందుకే నా చిత్రాల్లో మహిళలకు గౌరవమైన పాత్రలు ఉంటాయి. ఈ వకీల్ సాబ్ సినిమా మా ఇంట్లో ఆడపడుచులకు, స్త్రీ మూర్తులకు, ఇక్కడున్న వారికి, టీవీల్లో చూస్తున్న మహిళలకు, తల్లులకు, ఆడబిడ్డలకు మా తరుపున ఇస్తున్న గౌరవం. మీ త్యాగాలకు మేము ఇస్తున్న చిన్న రీపే వకీల్ సాబ్ సినిమా. ఆడపిల్ల బయటకెళ్తే జర భద్రం బిడ్డా అని చెబుతుంటారు. వేరే ప్రాంతాలకు షూటింగ్ లకు వెళ్తే అక్కడ మా యూనిట్ లోని ఆడ పిల్లలను ఏడిపించేవారు. అప్పుడు నేను కర్రపట్టుకుని వెళ్లేవాడిని. నా చుట్టూ ఉన్న ఆడబిడ్డలను కాపాడుకోలేకపోతే నేనేం హీరోను అనిపించేది. ఆడ బిడ్డల మాన ప్రాణ సంరక్షణ ఈ సమాజానికి చాలా ముఖ్యం. అప్పుడే జై భారత మాతాకి జై అనే నినాదానికి అర్థం. స్త్రీ లేనిదే సృష్టి లేదు. అలాంటి స్త్రీని కాపాడుకోలేకపోతే ఎలా. ముగ్గురు వర్కింగ్ వుమెన్ ఒక ఇబ్బందిలో పడితే వాళ్లను ఆదుకునే లాయర్ క్యారెక్టర్ నేను నటించడం అదృష్టంగా భావిస్తున్నా’ అంటూ మహిళల గురించి స్పీచ్ ఇచ్చారు పవన్ కళ్యాణ్. అయితే అక్క, అమ్మ, చెల్లి, వదిన అంటూ ప్రస్తావించారు కానీ.. భర్తలో సగ భాగమైన భార్య గురించి పవన్ కళ్యాణ్ ఎక్కడా మాట్లాడకపోవడంతో.. ఆయన ముగ్గురు భార్యల గురించి ప్రస్తావిస్తూ ఎప్పటిలాగే పవన్ కళ్యాణ్ని ట్రోల్ చేయడం మొదలుపెట్టారు కొంతమంది. పెళ్లై 11 ఏళ్లు కాపురం చేసిన తరువాత.. తనకి తెలియకుండా వేరే మహిళతో బిడ్డను కన్నాడంటూ గతంలో పవన్ కళ్యాణ్ని ఉద్దేశించి ఆయన మాజీ భార్య రేణు దేశాయ్ మాట్లాడిన వీడియోను షేర్ చేస్తూ పవన్ కళ్యాణ్ని ట్రోల్ చేస్తున్నారు. మహిళల గురించి ఇంత గొప్పగా మాట్లాడుతున్న పవన్ కళ్యాణ్పై సెటైర్లు వేస్తూ.. రేణూ దేశాయ్ చెప్పిన సంచలన విషయాలను షేర్ చేస్తున్నారు. ఈ వీడియోలో రేణు దేశాయ్ మాట్లాడుతూ.. పవన్ కళ్యాణ్ని నేను విడాకులు కోరలేదని.. ఆయనే విడాకులు కావాలని కోరారని చెప్పింది. ‘విడాకులు తీసుకున్న తరువాత ఇద్దరు పిల్లల్ని పెంచడం అంటే చిన్న విషయం కాదు.. చాలా నరకం ఉంటుంది.. పిల్లలు పెద్దవాళ్లు అయ్యారు. ఎన్నో కష్టాలు భరించిన తరువాత సుఖం వస్తుందని అనుకుంటారు. అలా సుఖం వస్తుందనే కష్టాలు భరిస్తూ వచ్చాను. లేట్ నైట్స్ ఉన్నా.. లేట్ నైట్ షూటింగ్లు చేసి.. పొలిటికల్ మీటింగ్లు ఉన్నా.. ఆ కష్టాల్ని భరించిన తరువాత కూడా మళ్లీ కష్టం వచ్చింది. నా తప్పు లేకుండా కష్టం వచ్చింది. మీ ఇద్దరిలో ఎవరు మొదటిగా విడాకులు కోసం అడిగారని చాలామంది అడిగారు. పెళ్లి ఫిక్స్ అయినతరువాత ఆ వ్యక్తికి భార్యను మాత్రమే కాదు.. ఆ ఇంటికి కోడల్ని కూడా. అందుకు వాళ్లు నన్ను అడిగారు.. నిజాలు ఏంటన్నవి వాళ్లకి తెలుసు. కానీ నీ తప్పు లేనప్పుడు ఇవన్నీ ఎందుకు భరిస్తున్నావ్ అని అడిగారు. వాళ్లకి కూడా డౌట్ వచ్చింది. అందుకే ఇప్పుడు చెప్తున్నా.. పవన్ కళ్యాణ్ గారిని నేను విడాకులు అడగలేదు.. ఇది ఆయనకు తెలుసు.. నాకు తెలుసు.. దేవుడికి తెలుసు. ఆయనే విడాకులు కావాలని అన్నారు. ఆయన విడాకులు అడిగిన తరువాత నేను కోప్పడ్డాను.. విడిపోవాలని అనుకున్నప్పుడు ప్రతి భార్య భర్తల మధ్య జరిగే డిస్కషన్ మా మధ్య కూడా జరిగింది. పవన్ కళ్యాణ్ మహిళా ఫ్యాన్స్ని నేను అడుగుతున్నా.. మీరే ఆయన భార్య స్థానంలో ఉండి ఉంటే.. మీకు కూడా ఇలాగే చేసి ఉంటే.. 11 ఏళ్ల పెళ్లి తరువాత.. మీకు తెలియకుండా వేరే అమ్మాయితో మరో బేబీని కని ఉంటే.. అప్పుడ మీ పరిస్థితి ఏంటో చెప్పిండి. ఇవన్నీ డీటెయిల్డ్గా చెప్తే మళ్లీ లేనిపోనివి వస్తుంటాయి. ఆయన పొలిటికల్ జర్నీ స్టార్ట్ చేశారు కాబట్టి.. వాటి జోలికి వెళ్లదల్చుకోలేదు’ అని పవన్ కళ్యాణ్ని ఉద్దేశించి.. ఆయనతో విడిపోవడానికి గల కారణాలు తెలియజేస్తూ అప్పట్లో షాకింగ్ విషయాలను బయటపెట్టింది రేణూ దేశాయ్. మొత్తంగా పవన్ కళ్యాణ్ వకీల్ సాబ్ ప్రీ రిలీజ్లో మహిళల గురించి అద్భుతమైన స్పీచ్ ఇవ్వడం.. దానికి కౌంటర్గా పవన్కి నిజంగానే మహిళలపై ఎంత గౌరవం ఉందో రేణు దేశాయ్ మాటలు వింటే తెలుస్తుందని ఈ వీడియోను షేర్ చేస్తున్నారు పవన్ కళ్యాణ్ని ద్వేషించే కొంతమంది నెటిజన్లు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3uqtEkq
No comments:
Post a Comment