న్యాచురల్ స్టార్ సినిమా అంటేనే మినిమమ్ ఎంటర్టైన్మెంట్ ఉంటుంది. గత ఏడాది ‘వి’ సినిమాతో నాని ప్రేక్షకుల ముందుకు వచ్చాడు. నాని కెరీర్లో 25వ సినిమాగా తెరకెక్కిన ఈ సినిమా కరోనా కారణంగా థియేటర్లో విడుదల కాకుండా.. ఓటీటీలో విడుదలైంది. అయినప్పటికీ.. ప్రేక్షకుల నుంచి మంచి ఆదరణ లభించింది. ఈ సినిమాలో నెగెటివ్ రోల్ చేసిన నాని.. విమర్శకుల ప్రశంసలు అందుకున్నాడు. ఈ సినిమా తర్వాత త్వరలో నాని ‘టక్ జగదీష్’ సినిమాతో ప్రేక్షకులను పలకరించనున్నాడు. శివ నిర్వాణ దర్శకత్వంలో ఫ్యామిలీ ఎంటర్టైనర్గా రూపొందిన ఈ సినిమాలో నాని సరసన రీతూ వర్మ హీరోయిన్గా నటిస్తోంది. ఇప్పటికే విడుదలైన సినిమా టీజర్ ప్రేక్షకులను విశేషంగా ఆకట్టుకుంది. అయితే రెండో దశలో కరోనా విస్తృతంగా వ్యాప్తి చెందుతున్న నేపథ్యంలో ఈ సినిమా విడుదలను వాయిదా వేశారు. అయితే నాని.. ఈ సినిమా తర్వాత మరో రెండు సినిమాలు సైన్ చేశాడు. ఒకటి రాహుల్ సాంకృత్యన్ దర్శకత్వంలో తెరకెక్కుతున్న ‘శ్యామ్ సింగరాయ్’. ఈ సినిమాలో సాయి పల్లవి, కృతి శెట్టి, మడోనా సెబాస్టిన్ హీరోయిన్లుగా నటిస్తున్నారు. ఆ తర్వాత వివేక్ ఆత్రేయ దర్శకత్వంలో ‘అంటే సుందరానికి..’ అనే సినిమా కూడా చేస్తున్నాడు నాని. ఈ సినిమా ద్వారా నజ్రియా తెలుగు తెరకి హీరోయిన్గా పరిచయం కానుంది. అయితే ప్రస్తుతం కోవిడ్ పరిస్థితుల్లో షూటింగ్లు చేయడానికి అంతా జంకుతున్నారు. అయితే నాని మాత్రం షూటింగ్ల విషయంలో ఏ మాత్రం వెనకడుగు వేయడం లేదట. తగిన జాగ్రత్తలు తీసుకుంటూ.. ఈ రెండు సినిమాల షూటింగ్లలో నాని పాల్గొంటున్నాడట. అంతేకాక.. ఏకకాలంలో ఈ సినిమా షూటింగ్లను పూర్తి చేయాలనే యోచనలో నాని ఉన్నట్లు తెలుస్తోంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3nhh6K0
No comments:
Post a Comment