కింగ్ హీరోగా అషిషోర్ సాల్మన్ దర్శకత్వంలో మ్యాట్నీ ఎంటర్టైన్మెంట్ బ్యానర్పై నిరంజన్రెడ్డి, అన్వేష్ రెడ్డి నిర్మించిన చిత్రం ‘వైల్ డాగ్’. ఈ ఏప్రిల్ 2న ఈ సినిమా గ్రాండ్గా రిలీజ్ అయి సక్సెస్ సాధించింది. ఈ చిత్రంలో సయామి ఖేర్, దియా మీర్జా, మయాంక్ పరాక్, ప్రకాష్ సుదర్శన్ తదితరులు కీలకపాత్రలు పోషించారు. ఎన్కౌంటర్ స్పెషలిస్ట్ ఏసీపీ విజయ్ వర్మ పాత్రలో నాగార్జున నటనపై సర్వత్రా ప్రశంసలు దక్కుతున్నాయి. ఈ నేపథ్యంలో తాజాగా సక్సెస్ మీట్ నిర్వహించింది చిత్రయూనిట్. ఈ కార్యక్రమానికి మెగాస్టార్ ముఖ్య అతిథిగా విచ్చేశారు. ఈ సందర్భంగా చిరంజీవి మాట్లాడుతూ ఇలా మీ అందరితో మీట్ కావడం చాలా ఆనందంగా ఉందని పేర్కొంటూ మూవీపై ప్రశంసలు గుప్పించారు. ''మంచి విషయాలు జరుగుతున్నపుడు పది మందితో పంచుకోవడంలో ఉండే ఆనందం అంతా ఇంతా కాదు. ఈ సినిమా చూడగానే నాకు అదే అనిపించింది. మనమంతా గర్వపడే గొప్ప సినిమా ఇది. ఈ సినిమా రావడానికి ముందు నా నిర్మాత కొన్ని విషయాలు చెప్పాడు కానీ.. నాకు పెద్ద క్యూరియాసిటీ లేదు. గోకుల్ చాట్.. ఒక వాస్తవ కథను తెరకెక్కిస్తున్నారు.. సాంగ్స్ ఉండవు, రొమాంటిక్ సీన్స్ ఉండవు.. నాగ్ సినిమా అంటే ఇవన్నీ ఊహిస్తాం కానీ అవేవీ ఉండవు కాబట్టి డ్రైగా ఉంటుందని అనుకున్నా. కానీ ఈ సినిమా చూసేటప్పుడు ఆద్యంతం ఉత్కంఠగా అనిపించింది. చివరకు ఇంటర్వెల్ కూడా ఆపకుండా చూశానంటే ఈ సినిమాపై నా ఇంట్రెస్ట్ చివరిదాకా ఎంతలా ఉందో అర్థం చేసుకోవచ్చు. వెంటనే నాగ్కి ఫోన్ చేసి ఈ సినిమాను ఎందుకు లో- ప్రొఫైల్లో ఉంచారు. ఎందుకు తక్కువ మాట్లాడారని అడిగా. సీట్ ఎడ్జ్లో కూర్చొని ఈ సినిమా చూశానని చెప్పడం అతిశయోక్తి కాదు వాస్తవం. వైల్డ్ డాగ్ సినిమా చూసిన ఆడియన్స్ గుడ్ రెస్పాన్స్ ఇచ్చారు, బాగా ఆదరించారు. వాళ్లందరికీ చిత్రయూనిట్తో పాటు నేను కూడా థాంక్స్ చెప్పడానికే ఈ ప్రెస్ మీట్ ఏర్పాటు చేయించా. వాస్తవ ఘటనలకు దగ్గరగా ఈ సినిమాను చాలా సహజంగా తీశారు. ప్రయోగాత్మక సినిమాలు చేసే నాగార్జున ఇలాంటి సినిమా చేయడం చాలా గర్వంగా ఫీల్ అయ్యా. ఎస్, తెలుగు వాళ్లుగా ఇలాంటి సినిమాలు తీయగలం ఎన్ని నిరూపించిన సినిమా ఈ 'వైల్డ్ డాగ్'. ఇంటర్నేషనల్ స్టాండర్డ్స్లో ఉన్న వార్ సీన్స్, గన్ ఫైట్స్ బాగా నచ్చాయి. నాగ్ అనేసరికి రొమాంటిక్ సీన్స్, ఫైట్స్ ఉంటాయని ప్రేక్షకులు భావిస్తారని అనుకున్నా కానీ నేటితరం ప్రేక్షకులు ఇలాంటి సినిమాలు కూడా ఆదరిస్తారని అర్థమైంది. ఇలాంటి మార్పు కోరుకుంటున్న ప్రేక్షకులకు నిజంగా సెల్యూట్ చేయాలి. ఇలాంటి కొత్త కథలను ఆదరించిన ప్రేక్షకులకు ధన్యవాదాలు'' అన్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2PySWhH
No comments:
Post a Comment