ప్రాణాల్ని నిలబెట్టండి... మెగాస్టార్ చిరంజీవి పిలుపు

కరోనా మహమ్మారి విస్తరిస్తున్న వేళ మెగాస్టార్ చిరంజీవి అభిమానులకు పిలుపునిచ్చారు. ఆదివారం రక్తదానం చేసిన ఆయన... అందర్నీ కూడా రక్తం దానం చేయాలని కోరారు. అలా చేస్తే అనేకమంది ప్రాణాల్ని నిలబెట్టిన వారవుతారన్నారు. అది ఇచ్చే సంతృప్తి అంత ఇంత కాదన్నారు చిరు. లాక్ డౌన్ సమస్యతో ఎక్కడికక్కడ రక్త నిల్వలు తగ్గిపోతున్నాయి. దీంతో పలువురు రోగులు తీవ్ర అవస్థలు పడుతున్నారు. అంతేకాకుండా ఎమర్జెన్సీ కేసుల్లో రక్తం అందకుండా పోతుందని అటు డాక్టర్లు ఆందోళన చెందుతున్నారు. ఇప్పటికే ఈ వార్తల్ని మీడియా ప్రసారం చేసిందిజ తాజాగా తగ్గుతున్న రక్త నిల్వలపై స్పందించిన చిరంజీవి.. తన ఇంటికి దగ్గర్లో ఉన్న చిరంజీవి బ్లడ్ బ్యాంకు వద్దకు వెళ్లి బ్లడ్ డోనేషన్ చేశారు. హైదరాబాద్ జూబ్లీహిల్స్ లోని చిరంజీవి బ్లడ్ బ్యాంక్ కి ఆదివారం ఉదయం స్వయంగా వచ్చి రక్తదానం ఇచ్చారు. చిరుతో పాటు.. హీరో శ్రీకాంత్, ఆయన కుమారుడు రాకేష్ సైతం రక్తాన్ని దానం చేశారు. రక్తం అవసరం పడేవారికి లాక్ డౌన్ పెను సమస్యాత్మకంగా మారింది. బ్లడ్ బ్యాంక్స్ లో రక్త నిల్వలు అడుగంటడంతో ఆస్పత్రి వర్గాల్లోనూ తీవ్ర ఆందోళన వ్యక్తమవుతోంది. అయితే ఈ పరిస్థితి నుంచి బయటపడేందుకు ప్రజలు అభిమానులు విరివిగా రక్తదానం చేయాలని అందుకు సమీప బ్లడ్ బ్యాంక్స్ కి వెళ్లాలని మెగాస్టార్ చిరంజీవి పిలుపునిచ్చారు. చిరంజీవితో సహా హీరో శ్రీకాంత్- రోషన్, శ్రీమిత్ర చౌదరి.. వారి వారసులు తేజ్ నివాస్, తేజ్ గోవింద్, బెనర్జీ, నటుడు భూపాల్, గోవిందరావు, విజయ్, సురేష్ కొండేటి తదితరులు రక్తదానం చేసిన వారిలో ఉన్నారు. ఈ సందర్భంగా మెగాస్టార్ లాక్ డౌన్ వేళ రక్త దాతల సంఖ్య గణనీయంగా తగ్గిందన్నారు. రక్తం ఇచ్చేవారు లేక కొరత ఎక్కువగా ఉంది. పేషెంట్స్ చాలా ఇబ్బందులు పడుతున్నారు. తలసేమియా-క్యాన్సర్ వ్యాధిగ్రస్తులు.. బైపాస్ సర్జరీ - హార్ట్ రోగులు.. ప్రమాదాలకు గురైన వారు.. ఎనీమియా వంటి సమస్యలు ఉన్నవారు తీవ్ర ఇబ్బందులు పడుతున్నారు. ఇలాంటి సమయంలో రక్తం లేక ఇబ్బంది పడుతున్న వారిని ఆదుకునేందుకు ప్రజలు అభిమానులు ముందుకు రావాలన్నారు. . మీకు సమీపంలో ఉన్న బ్లడ్ బ్యాంక్స్ కి రక్తదానం చేయలని పిలుపునిచ్చారు. లాక్ డౌన్ వేళ కూడా రక్తదానం చేయోచ్చన్నారు. పోలీసుల నుంచి కూడా ఎలాంటి ఇబ్బంది ఉండదన్నారు. పోలీసులు కూడా ఈ విషయంలో సహకరిస్తారన్నారు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/34LTVy4