యాంకర్ సుమ.. ఈ పేరు బుల్లితెర వర్గాల్లోనే కాదు, సినిమా ఇండస్ట్రీలోనూ ఓ ధీమా. ఆమె ఏ ప్రోగ్రామ్ చేసిన బంపర్ హిట్టే. హోస్ట్ చేసి కార్యక్రమం ఏదైనా ఏళ్లకు ఏళ్లు నడవాల్సిందే.. ఇక పెద్ద సినిమా ఫంక్షన్లకు సుమ యాంకర్‌గా ఉండాలనేది స్టార్ల అందరి కండిషన్ అంటే ఆమె క్రేజ్ ఏ రేంజ్‌లో ఉందో అర్థం చేసుకోవచ్చు. అయితే ఒక్కో టైంలో ఒక్కొక్కరి హవా నడుస్తుంటుంది. కాని సుమ హవా గత 15 ఏళ్లుగా కొనసాగుతూనే ఉంది. ఇక ఆమె భర్త రాజీవ్ కనకాల కూడా టీవీ సీరియల్స్‌లోనే కాకుండా సినిమాల్లోనూ ప్రాధాన్యత ఉన్న పాత్రల్లో నటిస్తూ.. ప్రతినాయకుడిగానూ మెప్పిస్తున్నారు. సుమారు 22 ఏళ్లు అన్యోన్య దంపతులుగా ఉన్న ఈ ఇద్దరూ ఇటీవలే విడాకులు తీసుకున్నారే వార్త సోషల్ మీడియాలో వైరల్ అవుతోంది. సుమారు నాలుగేళ్లుగా ఈ ఇద్దరూ ఎవరికి వారే అన్నట్టుగా ఉంటున్నారని వేరు వేరుగానే జీవిస్తున్నారంటూ మీడియా కథనాలు వచ్చాయి. అయితే వీటిపై ఈ ఇద్దరూ స్పందించాల్సి ఉండగా.. యూట్యూబ్‌లో వీరికి సంబంధించిన వీడియో ఒకటి వైరల్ అవుతోంది. ఈ ఇద్దరూ కలిసి ఓ మీడియా ఇంటర్వ్యూకి హాజరైన సందర్భంలో సుమను ఉద్దేశించి రాజీవ్ కనకాల సరదా వ్యాఖ్యలు చేశారు. ఇది పాత వీడియో అయినప్పటికీ ప్రస్తుతం ట్రెండ్ అవుతుంది. ఇందులో సుమకి వచ్చే లవ్ అండ్ మ్యారేజ్ ప్రపోజల్స్‌పై రాజీవ్ మాట్లాడుతూ.. ‘సుమకి మామూలు క్రేజ్ లేదు.. రెండు తెలుగు రాష్ట్రాల్లో బీభత్సమైన ఫ్యాన్స్ ఉన్నారు. ఇప్పటికీ ఆమెకు ఐ లవ్ యూ, పెళ్లి చేసుకుంటా అంటూ చాలా మెసేజ్‌లు పెడుతుంటారు. నువ్ ఇప్పుడు ఊ.. అను ఇప్పటికైనా పెళ్లి చేసుకుంటా.. రాజీవ్ నువ్ లక్కీ’ అంటూ మెసేజ్‌లు పెడతారు అంటూ నవ్వుతూ తన భార్య గురించి చెప్పుకొచ్చారు రాజీవ్ కనకాల. ఇక సుమ కల్పించుకుని ఈ విషయాలు నాకు తెలియవు కాని.. నాకైతే ఎలాంటి మెసేజ్‌లు వస్తాయ్ అంటే.. పిల్లోడు అన్నం తినడం లేదు.. ఒకసారి మిమ్మల్ని చూపించమన్నాడు’, ‘మా అత్తగారికి చాలా సీరియస్‌గా ఉంది.. మీరు ఒక్కసారి వచ్చి చూస్తే ఆవిడ మామూలు మనిషి అవుతారు’ ఇలాంటి హార్ట్ టచ్చింగ్ మెసేజ్‌లు బోలెడు వస్తుంటాయి’ అని చెప్పుకొచ్చారు సుమ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2xisfVj
No comments:
Post a Comment