వెండితెర మీదకు వచ్చిరాగానే పరువాలతో పరేషాన్ చేసేసింది . పంజాబీ సినిమా 'చెన్నమేరియా'తో సినీ గడపతొక్కిన ఈ భామ.. ఆ తరువాత RX100 సినిమాతో టాలీవుడ్‌కి పరిచయమై తొలి సినిమాతోనే తెలుగు ప్రేక్షకుల హృదయాలను కొల్లగొట్టింది. ఈ సినిమాలో యంగ్ హీరో కార్తికేయతో ఆమె చేసిన రొమాన్స్, అందాల ఆరబోత యమ కిక్కిచ్చింది. ఆ వెంటనే తేజ దర్శకత్వంలో వచ్చిన 'సీత' సినిమాలో ఐటెం సాంగ్ చేసి తనలోని టాలెంట్ అంతా బయటపెట్టేసింది పాయల్. దీంతో ఆమెకు వరుస అవకాశాలు తలుపుతట్టాయి. అలా అనతికాలంలోనే టాలీవుడ్ హీరోయిన్లలో తనకంటూ ప్రత్యేక గుర్తింపు తెచ్చుకున్న ఆమె ప్రస్తుతం తన హోమ్ క్వారంటైన్ సమయాన్ని సరదాగా గడుపుతోంది. సోషల్ మీడియాలో యాక్టివ్‌గా ఉంటూ సరికొత్తగా ఆలోచించి అందాల విందు చేస్తోంది. మొన్ననే 'పిల్లో ఛాలెంజ్' అంటూ సెగలు రేపే పిక్ షేర్ చేసిన ఈ ముద్దుగుమ్మ, తాజాగా అభిమానులతో ఆన్‌లైన్ చాట్ చేస్తూ డేటింగ్ సంగతులపై ఆసక్తికరంగా స్పందించింది. RX100 సినిమాలో కార్తికేయతో కెమిస్ట్రీ చూసిన ఆడియన్స్ ఆమెను కార్తికేయతో మీ రిలేషన్ ఏంటి? ఆయనతో డేటింగ్ చేసే అవకాశం వస్తే ఏం చేస్తారని అడిగారు. దీనికి బదులిచ్చిన పాయల్.. కార్తికేయ తనకు మంచి స్నేహితుడు మాత్రమే అని చెప్పింది. మా మధ్య ఉన్న ఆ స్నేహం చాలని చెప్పుకొచ్చింది. తెలుగు హీరోల్లో విజయ్ దేవరకొండతో సినిమా చేసే ఛాన్స్ కోసం ఎదురుచూస్తున్నానని చెప్పింది పాయల్. అలాగే రజినీకాంత్‌తో అవకాశం వస్తే చేయాలనుందని మనసులో మాట బయటపెట్టింది. తాను డబ్బు కంటే ప్రేమకే ఎక్కువ విలువిస్తానని, అందరితో స్నేహంగా ఉండటంలో ఉన్న సరదాయే వేరని పాయల్ రాజ్‌పుత్ తెలిపింది. అలాగే క్రికెటర్లలో తనకు విరాట్ కోహ్లీ అంటే ఇష్టమని చెప్పింది. ప్రస్తుతం పాయల్.. 5W అనే విలక్షణ కథాంశంలో నటిస్తోంది. ఇటీవలే ఈ మూవీ ఫస్ట్‌లుక్ పోస్టర్ విడుదల చేసి సినిమాపై హైప్ క్రియేట్ చేశారు మేకర్స్. 5W అంటే ఎవరు? ఏమిటి? ఎప్పుడు? ఎక్కడ? ఎందుకు? అని చెప్పి సినిమాపై ఆసక్తి రేకెత్తించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2Se1ngC
No comments:
Post a Comment