స్టేజ్ ఎక్కినా, సోషల్ మీడియాలో పోస్ట్ పెట్టినా అందరి దృష్టిని ఆకర్షిస్తాడు. బండ్ల గణేష్ మాటల ప్రవాహంలో ఎవ్వరైనా సరే కొట్టుకుపోవాల్సిందే. అలాంటి బండ్ల గణేష్ చేసే ట్వీట్లు సైతం వైరల్ అవుతుంటాయి. ఒక్కోసారి ఆయన వేసే ట్వీట్లలో తప్పులు దొర్లుతుంటాయి. ఆ తప్పులను సరి చేసుకుంటూ ట్వీట్లు డిలీట్ చేసి మరో ట్వీట్ వేస్తుంటారు. అలా పదే పదే తప్పులు దొర్లడం, ట్వీట్లు డిలీట్ చేసి మళ్లీ మళ్లీ వేస్తుండటం పరిపాటే. తాజాగా బండ్ల గణేష్ మరోసారి తప్పు చేసి నెటిజన్లకు దొరికిపోయాడు. బండ్ల గణేష్ ట్విట్టర్లో యాక్టివ్గా ఉంటారన్న విషయం తెలిసిందే. ఎప్పుడూ ఏదో ఒక అంశం మీద ట్వీట్లు పెడుతూనే ఉంటారు. అప్పుడప్పుడు కాస్త ఇంగ్లీష్ పరిజ్ఞానం కూడా చూపిస్తుంటారు. కానీ అందులో అన్నీ తప్పులే ఉంటాయి. పైగా సోషల్ మీడియాను ఎలా వాడాలో ఆ సాంకేతిక పరిజ్ఞానం కూడా అంతగా బండ్ల గణేష్కు తెలియదు. అలాంటి బండ్లన్నను తాజాగా అందరూ ఏకిపారేస్తున్నారు. తాను ఇన్ స్టాలోకి అడుగుపెడుతున్నట్టు బండ్ల గణేష్ ప్రకటించారు. ఇక్కడి వరకు అంతా బాగానే ఉంది. కానీ ఆ ఎంట్రీకి సంబంధించి ట్విట్టర్లో పెట్టిన పోస్ట్ వివాదానికి కేంద్రంగా మారింది. ఇన్ స్టాలోకి ఎంట్రీ ఇస్తున్నా నా ఐడీ ఇదే అంటూ పోస్ట్ చేసిన బండ్లన్న ఇన్ స్టాకు సంబంధించిన లింక్ పెట్టడం మరిచిపోయాడు. అలా మరిచిపోయిన వాడు అలానే ఉండక రెండు సార్లు ట్వీట్లను డిలీట్ చేశారు. మళ్లీ మూడో సారి వేసిన ట్వీట్లోనూ అదే తప్పు దొర్లింది. ఇన్ స్టాగ్రాం అకౌంట్కు సంబంధించిన లింక్ షేర్ చేయకుండా కేవలం పేరు మాత్రమే షేర్ చేశారు. అయితే ఇదే విషయంలో బండ్ల గణేష్ను నెటిజన్లు ఏకిపారేస్తున్నారు. అసలేం చేస్తున్నావ్ అన్నా? అక్కడ ఇన్ స్టా లింగ్ ఏది.. ఎందుకు డిలీట్ చేస్తున్నావ్.. మళ్లీ ఎందుకు ట్వీట్లు పెడుతున్నావ్ అంటూ రకరకాలుగా కామెంట్లు పెడుతున్నారు. మొత్తానికి ఇన్ స్టాలోకి అడుగుపెట్టిన బండ్ల గణేష్ మొదటి పోస్ట్ వేసి భక్తుడనిపించుకున్నాడు. పవన్ కళ్యాణ్ వ్యసనం అంటూ ఓ పోస్ట్ చేశారు. దీనిపై పవన్ కళ్యాణ్ ఫ్యాన్స్ ఫుల్ ఖుషీ అవుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3gzb8CY
No comments:
Post a Comment