అరియానా, .. ఈ పేర్లు వింటే చాలు అప్పట్లో జరిగిన సీన్ మెదడులో అలా మెదులుతుంటుంది. గతంలో అరియానాతో ఓ ఇంటర్వ్యూలో పాల్గొన్న రామ్ గోపాల్ వర్మ.. మీకు ఏ అమ్మాయిని చూస్తే వావ్! అనిపిస్తుంది అని అడిగితే 'నువ్వే' అని సమాధానం ఇచ్చి షాకిచ్చిన సంగతి తెలిసిందే. అంతేకాదు నిన్ను బికినీలో నిన్ను చూడాలని ఉందని కెమెరా ముందే ఓపెన్‌గా చెప్పడంతో పేరు ఒక్కసారిగా వార్తల్లో మారుమోగింది. ఆ ఒక్క సీన్ ఆమెను బిగ్ బాస్ షో దాకా తీసుకెళ్లిందని చెప్పడంలో అతిశయోక్తి లేదు. ఇక బిగ్ బాస్ సీజన్ 4లో అరియానా చేసిన రచ్చ అయితే అంతా ఇంతా కాదు. బోల్డ్ బ్యూటీగా బుల్లితెర ప్రేక్షకులను ఎంతగానో ఎంటర్‌టైన్ చేసి ఇచ్చిన పాపులారిటీకి రెక్కలు తొడిగింది. తనదైన మాటతీరు, ఆటపాటలతో ప్రతి ఒక్కరి చూపును ఆకర్షించింది. అరియానా కనిపిస్తే చాలు కెమెరా కళ్ళే కాదు ఆడియన్స్ కళ్ళు కూడా ఆమె మీదే పడేవి. ముక్కుసూటి మాటలతో ఫైనల్ రేస్‌ దాకా వచ్చి చివరకు నాలుగో స్థానంతో హౌస్ నుంచి బయటకొచ్చింది అరియానా. ఇక అప్పటినుంచి పలు పార్టీల్లో అటెండ్ అవుతూ ఎంజాయ్ చేస్తున్న ఈ ముద్దుగుమ్మ.. ఎన్నో సందర్భాల్లో తనకు లైఫ్ ఇచ్చిన ఆర్జీవీ గురించి మాట్లాడింది. మరోవైపు ఆర్జీవీ కూడా అరియానాతో సినిమా తీయడం పక్కా అంటూ పలు కామెంట్స్ చేశారు. ఈ నేపథ్యంలో ఇప్పుడు అరియానా ఆర్జీవీని కలవడం, అది కూడా గోవా లాంటి రొమాంటిక్ ప్రదేశంలో కావడంతో ఇదీ కిక్కంటే అంటున్నారు జనం. యాంకర్ శ్రీముఖితో కలిసి గోవా టూర్ వేసింది అరియానా. వీళ్ళతో పాటు విష్ణుప్రియ, అవినాష్‌లు గోవా చేరుకున్నారు. గత మూడు రోజులుగా ఈ గ్యాంగ్ గోవాలో రచ్చ చేస్తోంది. ఈ నేపథ్యంలో పనిలో పనిగా తన ఫేవరేట్ రామ్ గోపాల్ వర్మను కలిసిందట అరియానా. 'నాతో విలువైన సమయం గడిపినందుకు థ్యాంక్యూ సర్' అని పేర్కొంటూ ఈ విషయాన్ని తన సోషల్ మీడియా ఖాతా ద్వారా వెల్లడించిన అరియానా, వర్మతో దిగిన పిక్స్ షేర్ చేసింది. దీంతో ఈ ఫొటోలు నెట్టింట వైరల్ అవుతున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YSCtGb
No comments:
Post a Comment