దాదాపు తొమ్మిది నెలల విరామం తరవాత మళ్లీ రెండు తెలుగు రాష్ట్రాల్లోని సినిమా థియేటర్లు కళకళలాడుతున్నాయి. సుప్రీమ్ హీరో సాయి ధరమ్ తేజ్ ‘సోలో’గా రావడంతో థియేటర్ల వద్ద సందడి మొదలైంది. కరోనా వైరస్ నేపథ్యంలో ప్రభుత్వ నిబంధనలను అనుసరిస్తూ, జాగ్రత్తలు పాటిస్తూ 50 శాతం కెపాసిటీతో తెలుగు రాష్ట్రాల్లోని చాలా థియేటర్లు తెరుచుకున్నాయి. ఇప్పటికే ఆంధ్రప్రదేశ్లో కొన్ని చోట్ల ‘సోలో బ్రతుకే సో బెటర్’ బెనిఫిట్ షోలు కూడా మొదలయ్యాయి. లాక్డౌన్ తరవాత విడుదలైన పెద్ద సినిమా ‘సోలో బ్రతుకే సో బెటర్’ కావడంతో మంచి బజ్ క్రియేట్ అయ్యింది. మరోవైపు విదేశాల్లోనూ ‘సోలో బ్రతుకే సో బెటర్’ సందడి చేస్తోంది. యూఎస్, దుబాయ్లో ఇప్పటికే తొలి షో పడిపోయింది. అక్కడ సినిమా చూసినవాళ్లు ట్విట్టర్ ద్వారా తమ అభిప్రాయాలను వెల్లడిస్తున్నారు. ప్రస్తుతానికి అయితే పాజిటివ్ రిపోర్ట్స్ వస్తున్నాయి. సినిమా డీసెంట్ హిట్ అని అంటున్నారు. ఫస్టాఫ్ యావరేజ్గా ఉన్నప్పటికీ సెకండాఫ్ మాత్రం అదిరిపోయిందని టాక్. ఫస్టాఫ్లో సాయితేజ్, సత్య మధ్య వచ్చే కామెడీ సీన్స్ బాగున్నాయని ట్వీట్లు చేస్తున్నారు. వెన్నెల కిషోర్ సీన్స్ యావరేజ్గా ఉన్నాయట. ఎమోషనల్ సీన్స్లో రావు రమేష్ ఎప్పటిలానే అద్భుతంగా నటించారట. ఇంటర్వెల్ బ్యాంగ్లో నభా నటేష్ ఎంట్రీ కూడా అదిరిపోయిందని అంటున్నారు. ఇక సెకండాఫ్ మాత్రం బాగా ఎంటర్టైన్ చేస్తుందని విదేశాల నుంచి వస్తోన్న టాక్. నభా నటేష్ ఎంట్రీతో సినిమా ఫ్లో మరో స్థాయికి వెళ్లిందని చెబుతున్నారు. సోలో బ్రతుకును కాస్త మింగిల్ చేసి తేజు ఓ ఇంటివాడు అయిపోవడంతో సినిమా ముగుస్తుంది. మొత్తం మీద 9 నెలల విరామం తరవాత తెలుగు ప్రేక్షకులకు ఒక మంచి సినిమాను సాయి ధరమ్ తేజ్ అందించారని అంటున్నారు. ‘హిట్టు బొమ్మ’ అని మెగా ఫ్యాన్స్ సంబరపడిపోతున్నారు. అయితే, మరికొంత మంది ఫస్టాఫే బాగుందని, సెకండాఫ్ యావరేజ్గా ఉందని ట్వీట్లు చేస్తున్నారు. ఈరోజు కాస్త గడిచిపోతే తెలుగు రాష్ట్రాల్లో ‘సోలో’ సంగతేంటి అనేది తెలిసిపోతుంది. ఏదేమైనా ‘సోలో’గా వచ్చిన సాయితేజ్కు విజయం దక్కడం ఖాయం. తొలి సినిమాతో దర్శకుడు సుబ్బు ఒక మంచి విజయాన్ని అందుకున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3nSf9mL
No comments:
Post a Comment