కరోనా వైరస్ విషయంలో చిరంజీవి ముందు నుంచి స్పందిస్తూనే ఉన్నారు. కరోనాపై తన వంతుగా ప్రజలకు, అభిమానులకు అవగాహన కల్పిస్తున్నారు. లాక్ డౌన్ను సమర్థిస్తూ... ప్రజలంతా ఇళ్లకే ఉండాలని పిలుపునిచ్చారు. అంతేకాకుండా సినీ కార్మికుల కోసం లాక్ డౌన్ వేళ అండగా ఉండేందు ఛారిటీని కూడా ఏర్పాటు చేశారు. తాజాగా చిరు దేశంలో రక్త నిల్వలు తగ్గుతున్నాయన్న విషయంపై కూడా స్పందించారు. తనవంతుగా బ్లడ్ బ్యాంకుకు వెళ్లి రక్తదానం చేశారు. ముఖానికి మాస్క్ తగిలించుకొని తన ఇంటికి సమీపంలో ఉన్న చిరంజీవి బ్లడ్ బ్యాంకుకు వెళ్లారు. అక్కడ రక్తాన్ని డొనేట్ చేశారు. లాక్ డౌన్ ఎఫెక్ట్ అన్నింటిపైనే తీవ్రంగా పడుతోంది. ముఖ్యంగా ఎక్కడికక్కడ నిషేదాజ్ఞలు ఉండటంతో ప్రజలు ఎవరూ బయటకు రావడం లేదు. కరోనా కట్టప్రభుత్వాల నిర్ణయంతో కరోనాతో లాక్ డౌన్ ప్రభావం బ్లడ్ బ్యాంకుల మీద పడింది. దేశ వ్యాప్తంగా కూడా అనేక చోట్ల రక్తం దొరకడం లేదు. రక్త దాతలు సైతం ఇంటికే పరిమితం అయిపోవడం వల్ల ఎక్కడా రక్తం దొరకడం లేదు. ముఖ్యంగా తలసిమియా వ్యాధిగ్రస్తులకు నిరంతరం బ్లడ్ అందాల్సి ఉండగా.. రక్తం దొరకక క్లిష్ఠ పరిస్థితిని ఎదుర్కొంటున్నారు. మారుమూల గ్రామాల నుంచి వచ్చిన ఎందరో ఆపరేషన్లు జరగక ఎమర్జెన్సీ పరిస్థితుల్లో ఉన్నారు. రక్తం లభ్యం కాక డాక్టర్లు ఆపరేషన్లు వాయిదా వేస్తున్నారు. తాజాగా నేచురల్ స్టార్ నాని సైతం ముందుకొచ్చి రక్త దానం చేయాలని పిలుపు నిచ్చాడు. ఎన్టీఆర్ మెమోరియల్ ట్రస్ట్ బ్లడ్ బ్యాంకులో ఆయన రక్త దానం చేశాడు. నాని పిలుపుతో మెగాస్టార్ స్పందించారు. ఇవాళ ఆయన రక్త దానం చేశారు. చిరంజీవి బ్లడ్ బ్యాంక్ ఆవరణలో రక్త దానం చేసారు. ఈ ఆపత్కాలంలో రక్తం అవసరమున్న వారికి తోడుగా ఆయన తన వంతుగా రక్తదానం చేసి ఆదర్శంగా నిలిచారు. గివ్ బ్లడ్ సేవ్ లైఫ్... నినాదంతో చిరంజీవి బ్లడ్ బ్యాంక్ నిరంతరం సేవలందిస్తున్న సంగతి తెలిసిందే. అయితే ప్రస్తుతం బ్లడ్ బ్యాంకులకు రక్త దాతల కొరత తీవ్రంగా వేధిస్తోంది. పరిస్థితి తీవ్రతను తెలియజేస్తూ.. ఇదే విషయంపై చిరంజీవి యువత అధ్యక్షుడు రమణం స్వామినాయుడు రక్త దాతల్ని అభ్యర్థించారు. పోలీస్ వారి సహకారంతో చిరంజీవి బ్లడ్ బ్యాంక్ కి విచ్చేసి రక్తదానం చేయండి. మీ సమీపంలోని ఏదైనా బ్లడ్ బ్యాంక్ కి వెళ్లి రక్తదానం చేయాలని కోరారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2zdFKGx
No comments:
Post a Comment