Sarkaru Vaari Paata: సూప‌ర్‌స్టార్ మహేశ్ హీరోగా ప‌ర‌శురామ్ ద‌ర్శ‌క‌త్వంలో రూపొందుతున్న చిత్రం ‘సర్కారువారిపాట’. ఇప్పటికే సినిమా 60 నుంచి 70 శాతం వరకు చిత్రీకరణను జరుకుంది. మిగిలిన చిత్రీకరణను వీలైనంత త్వ‌ర‌గా పూర్తి చేయాల‌ని చిత్ర యూనిట్ ప్లాన్ చేసింది. అందులో భాగంగా ఇప్పటికే ఓ ప్లాన్ త‌యారు చేసుకుంది. తాజా స‌మాచారం మేర‌కు, త‌దుప‌రిషెడ్యూల్‌ను స్పెయిన్‌లో చిత్రీక‌రించాల‌ని యూనిట్ భావిస్తుంది. వచ్చేవారం చిత్ర యూనిట్ స్పెయిన్‌కు వెళ్ల‌నుంద‌ని టాక్ వినిపిస్తోంది. స్పెయిన్‌లో పాట‌ల‌తో పాటు కొన్ని కీల‌కమైన స‌న్నివేశాల‌ను చిత్రీక‌రించబోతున్నారు. బ్యాంకుల‌ను మోసం చేసిన ఆర్థిక నేర‌గాడిని ప‌ట్టుకునే వ్య‌క్తిగా మహేశ్ క‌నిపించ‌నున్నారు. క‌మ‌ర్షియ‌ల్ అంశాల‌ను మేళ‌వించి ‘సర్కారువారిపాట’ చిత్రాన్ని ప‌రశురాం తెర‌కెక్కిస్తున్నాడు. ఈ సినిమా కోసం మహేశ్ సరైన లుక్‌లో క‌నిపించ‌బోతున్నారు. మహేశ్ లుక్‌కు సంబంధించిన టీజ‌ర్ కూడా విడుద‌లైంది. మహేశ్ చాలా యంగ్ అండ్ ఎన‌ర్జిటిక్‌గా క‌నిపిస్తున్నారు. కీర్తిసురేశ్ హీరోయిన్‌గా న‌టిస్తుంది. ఇప్పటికే దుబాయ్‌, హైద‌రాబాద్‌లో షెడ్యూల్స్ పూర్త‌య్యాయి. మైత్రీ మూవీ మేక‌ర్స్‌, 14 రీల్స్ ప్ల‌స్‌, జీఎంబీ ఎంట‌ర్‌టైన్‌మెంట్స్ ప‌తాకాల‌పై న‌వీన్ ఎర్నేని, య‌ల‌మంచిలి ర‌విశంక‌ర్‌, రామ్ ఆచంట, గోపీఆచంట ఈ చిత్రాన్ని నిర్మిస్తున్నారు. సినిమా కోసం మహేశ్ అభిమానులు ఎంతో ఆస‌క్తిగా ఎదురుచూస్తున్నారు. స‌రిలేరు నీకెవ్వ‌రు త‌ర్వాత మహేశ్ చేస్తున్న సినిమా ఇది. ఈ సినిమా త‌ర్వాత రాజ‌మౌళి ద‌ర్శ‌క‌త్వంలో మహేశ్ సినిమా చేయ‌బోతున్న సంగ‌తి తెలిసిందే.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3AIjwal
No comments:
Post a Comment