అక్కినేని నాగార్జున టైటిల్ రోల్ పోషిస్తోన్న చిత్రం ‘వైల్డ్ డాగ్’. మ్యాట్నీ ఎంటర్టైన్మెంట్ బ్యానర్పై రూపొందిన 6వ చిత్రం ఇది. యథార్థ ఘటనలను ఆధారం చేసుకొని రాసిన కథతో అహిషోర్ సాల్మన్ దర్శకత్వం వహించిన ఈ చిత్రంలో ఏసీపీ విజయ్ వర్మ పాత్రలో నాగార్జున కనిపించనున్నారు. ఏప్రిల్ 2న ఈ సినిమాని గ్రాండ్గా రిలీజ్ చేయడానికి సన్నాహాలు చేస్తున్నారు. ఇప్పటివరకూ సినిమాలోని ప్రధాన పాత్రధారులను పరిచయం చేస్తూ పోస్టర్లను మాత్రమే చిత్ర బృందం విడుదల చేసింది. అవి ఆడియెన్స్లో సినిమాపై మంచి క్యూరియాసిటీని క్రియేట్ చేశాయి. ఇప్పుడు ఈ సినిమా దేని గురించనే విషయాన్ని వెల్లడించే థియేట్రికల్ ట్రైలర్ను విడుదల చేయనున్నట్లు నిర్మాతలు ప్రకటించారు. నిర్మాణ సంస్థ మ్యాట్నీ ఎంటర్టైన్మెంట్ అధికారిక ట్విట్టర్ హ్యాండిల్ ద్వారా మార్చి 12 సాయంత్రం 4:05 గంటలకు ట్రైలర్ను విడుదల చేస్తున్నట్లు ప్రకటించారు. దీనికి సంబంధించి ఓ పోస్టర్ను కూడా షేర్ చేశారు. నాగార్జున జోడీగా బాలీవుడ్ తార దియా మీర్జా నటించిన ఈ మూవీలో మరో బాలీవుడ్ నటి సయామీ ఖేర్ ఓ కీలక పాత్ర పోషించారు. మ్యాట్నీ ఎంటర్టైన్మెంట్ బ్యానర్పై నిరంజన్ రెడ్డి, అన్వేష్ రెడ్డి నిర్మించిన ఈ చిత్రానికి కిరణ్ కుమార్ డైలాగ్స్ రాయగా, షానీల్ డియో సినిమాటోగ్రఫీ అందించారు. తమన్ నేపథ్య సంగీతం సమకూర్చారు. డేవిడ్ ఇస్మలోన్ యాక్షన్ డైరెక్టర్. శ్రావణ్ కటికనేని ఎడిటర్. ఈ చిత్రంలో అతుల్ కులకర్ణి, ఆలీ రెజా, బిలాల్ హుస్సేన్, ప్రకాష్ సుదర్శన్, మయాంక్ ప్రకాష్, రుద్ర ప్రదీప్, అనీష్ కురువిళ్ళ, కెసి శంకర్, షవ్వార్ అలీ, అవిజిత్ దత్ ఇతర ముఖ్య పాత్రల్లో నటించారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2OwgmDm
No comments:
Post a Comment