Friday, 26 March 2021

Varun Tej: రామ్ చరణ్ బర్త్ డే.. రాజమౌళి కంటే ముందుగానే వరుణ్ తేజ్ ట్రీట్.. మెగా లోకంలో సంబరాలు

ఓ స్టార్ హీరో పుట్టినరోజు వస్తుందంటే చాలు బర్త్ డే సీడీపీలు, ఆయన గ్రేట్‌నెస్ తెలిపేలా మోషన్ పోస్టర్స్ హల్చల్ చేయడం ఈ రోజుల్లో కామన్ అయిపోయింది. ఇక సదరు హీరో నటిస్తున్న సినిమా నుంచి సర్‌ప్రైజింగ్ అప్‌డేట్ ఇవ్వడం అయితే మరీ నాచురల్ అయింది. ఈ నేపథ్యంలోనే రేపు (మార్చి 27) మెగా పవర్ స్టార్ సందర్భంగా నేటి నుంచే సోషల్ మీడియా షేక్ అవుతోంది. చెర్రీ బర్త్ డే పురస్కరించుకొని రాజమౌళి కంటే ముందుగానే స్పెషల్ ట్రీట్ ఇచ్చారు. ఈ మేరకు ఆయన పోస్ట్ చేసిన వీడియో నెట్టింట వైరల్‌గా మారింది. మెగా అభిమానుల కోసం రీసెంట్‌గా సాయిధరమ్‌ తేజ్‌ రిలీజ్‌ చేసిన కామన్‌ డీపీ పెద్దగా ఆకర్షించకపోగా దానిపై పలు విమర్శలు కూడా వచ్చాయి. అయితే ఆ చేదు అనుభవాన్ని మరిపిస్తూ తాజాగా చెర్రీకి సంబంధించిన ఓ మోషన్‌ పోస్టర్‌ బయటకు వదిలారు మెగా ప్రిన్స్ వరుణ్ తేజ్. ఈ షార్ట్ వీడియోలో.. గుర్రంపై స్వారీ చేస్తూ నిప్పుల మధ్యలో నుంచి దూకుతున్న సింహంలా రామ్ చరణ్ కనిపిస్తుండటం, నిప్పునే ప్రధానంగా ఎంచుకొని ఈ వీడియో రూపొందించడంతో మెగా ఫ్యాన్స్ ఫిదా అవుతున్నారు. మరోవైపు చెర్రీ బర్త్ డే సందర్భంగా మూవీ నుంచి ఓ స్పెషల్ సర్‌ప్రైజ్ రెడీ చేస్తున్నట్లు ఇప్పటికే అఫీషియల్ ప్రకటన చేశారు దర్శకధీరుడు రాజమౌళి. చెర్రీ బర్త్ డే కంటే ముందుగానే సెలబ్రేషన్స్ స్టార్ట్ అని పేర్కొంటూ RRR నుంచి రామరాజుగా రామ్ చరణ్ కొత్త అవతారం చూపించబోతున్నామని తెలిపారు. నేటి సాయంత్రం 4 గంటలకు ఈ అప్డేట్ ఉంటుందని చెప్పారు. అయితే జక్కన్న కంటే ముందే వరుణ్ తేజ్ ఇలా స్పెషల్ ట్రీట్ ఇవ్వడం మెగా లోకంలో సంబరాలను రెట్టింపు చేసింది.


from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31lnrdq

No comments:

Post a Comment

'Difficult To Trust Yunus Govt In Dhaka'

'It was the hostility of the Yunus regime that made India careful and wary of dealing with them.' from rediff Top Interviews https...