ఇటీవల 'చెక్' సినిమాతో కాస్త నిరాశ చెందిన యంగ్ హీరో నితిన్ నిన్న (మార్చి 26) రొమాంటిక్ లవ్ స్టోరీ 'రంగ్ దే' సినిమాతో ప్రేక్షకుల ముందుకొచ్చారు. సితార ఎంటర్టైన్మైంట్స్ బ్యానర్‌పై వెంకీ అట్లూరి దర్శకత్వంలో రూపొందిన ఈ సినిమాలో కీర్తి సురేష్ హీరోయిన్‌గా నటించింది. ఇద్దరి మధ్య ఇగోను ప్రధానంగా ఫోకస్ చేస్తూ తెరకెక్కించిన ఈ సినిమా తొలిరోజు చెప్పుకోదగిన కలెక్షన్స్ రాబట్టింది. రిలీజ్‌కు ముందు విడుదలైన అప్‌డేట్స్ మంచి ఓపెనింగ్స్ ఇచ్చాయి. ప్రపంచవ్యాప్తంగా దాదాపు 800 థియేటర్లలో విడుదలైన ఈ సినిమా అన్ని ఏరియాల్లోనూ విశేష స్పందన తెచ్చుకుంది. ఫలితంగా రెండు తెలుగు రాష్ట్రాల్లో కలిపి తొలిరోజుకు గాను 4.65 కోట్ల రూపాయల కలెక్షన్స్ వసూలయ్యాయి. 23.90 కోట్ల మేర ప్రీ రిలీజ్ బిజినెస్ జరిపిన రంగ్ దే మూవీ ప్రేక్షకుల అంచనాలను రీచ్ అయ్యిందనే టాక్ మాత్రం వచ్చింది. ఏరియా వైజ్ కలెక్షన్ రిపోర్ట్ చూస్తే.. నైజాం:.1.54 కోట్లు ఈస్ట్ గోదావరి: 52 లక్షలు వెస్ట్ గోదావరి: 31 లక్షలు కృష్ణా: 21 లక్షలు నెల్లూరు: 24 లక్షలు వైజాగ్: 56 లక్షలు గుంటూరు: 67 లక్షలు సీడెడ్: 60 లక్షలు మొత్తంగా చూస్తే 4.65 కోట్ల షేర్ 6.71 కోట్ల గ్రాస్ వచ్చింది. బ్రేక్ ఈవెన్ టార్గెట్ 24.50 కోట్లుగా పెట్టుకొని రంగంలోకి దిగిన రంగ్ దే.. మొదటి రోజు ప్రపంచ వ్యాప్తంగా అన్ని ఏరియాల్లో కలిపి 5.43 కోట్ల నెట్ వసూళ్లు రాబట్టింది. దీంతో ఈ చిత్రం క్లీన్ హిట్‌గా నిలవాలంటే మరో 19 కోట్లకు పైగా కలెక్ట్ చేయాల్సి ఉంది. సో.. చూడాలి మరి ఈ వీకెండ్ సినిమాకు ఎంతమేర కలిసొస్తుందనేది!.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3cu0A5L
No comments:
Post a Comment