మల్టీటాలెంటెడ్ ఈ మధ్యకాలంలో ఏదోఒక కారణంగా నిత్యం వార్తల్లో నిలుస్తోంది. పవన్ కళ్యాణ్‌తో డివోర్స్ తీసుకున్నాక తన పిల్లలిద్దరూ అకీరా, ఆద్యలతో కలిసి పూణేలో ఉంటున్న ఆమె రీసెంట్‌గా తిరిగి సినిమాల వంక చూస్తోంది. ఇందుకోసం మళ్ళీ హైదరాబాద్‌కి మకాం మార్చేసింది. ఈ మేరకు నిత్యం సోషల్ మీడియాలో యాక్టివ్‌గా ఉంటూ ఎప్పటికప్పుడు తన ఫ్యూచర్ ప్రాజెక్ట్స్ విశేషాలతో పాటు వ్యక్తిగత విషయాలను అభిమానులతో పంచుకుంటోంది. ఈ నేపథ్యంలోనే తాజాగా ఆమె షేర్ చేసిన ఓ వీడియో పలు అనుమానాలకు తెరలేపింది. తెగ సిగ్గుపడుతూ, ఎంతో ఆనందంగా నవ్వుతూ ఓ సెల్ఫీ వీడియో తీసుకుని దాన్ని తన ఇన్స్‌స్టాగ్రామ్ ఖాతాలో పోస్ట్ చేస్తూ ఆ నవ్వుకు కారణం ఏంటో త్వరలోనే చెబుతానని పేర్కొని.. ఆ విషయాన్ని హాట్ టాపిక్ చేసేసింది రేణు. ఆమె పక్కనే ఆద్య కూడా యమ హుషారుగా నవ్వుతూ డాన్స్ చేస్తూ కనిపించింది. దీంతో వీళ్ళిద్దరూ ఇంతలా ఆనందపడటానికి కారణం ఏమై ఉంటుందనే దానిపై జనాల్లో చర్చలు ముదిరాయి. గత కొన్ని నెలలుగా రేణు దేశాయ్ రెండో పెళ్లి గురించి ఎన్నో రూమర్స్ షికారు చేస్తున్న సంగతి తెలిసిందే. మరోవైపు ఆమె కూడా స్వయంగా తన రెండో పెళ్లి గురించి అప్పట్లో ఓపెన్ అయింది. దీంతో రేణు దేశాయ్ తన రెండో పెళ్లి డేట్ ఫిక్సయిందని చెప్పడానికే ఇలా సస్పెన్స్ క్రియేట్ చేసిందంటూ కామెంట్ చేస్తున్నారు నెటిజన్లు. ఏదేమైనా రేణు ముసిముసి నవ్వులు జనాన్నియమ అట్రాక్ట్ చేయడంతో ఈ వీడియో నెట్టింట వైరల్‌గా మారింది. ఇదిలాఉంటే ఇటీవలే రేణు దేశాయ్ తన కూతురు 'ఆద్య' పేరుతో ఓ వెబ్ సిరీస్ ప్రారంభించిన సంగతి మనందరికీ తెలుసు. మహిళా సాధికారత నేపథ్యంలో రూపొందిస్తున్న ఈ వెబ్ సిరీస్‌ని మొత్తం 12 ఎపిసోడ్లుగా ప్రేక్షకుల ముందుకు తీసుకురానుంది రేణు. ఈ వెబ్ సిరీస్‌తో యువ ప్రతిభాశాలి ఎంఆర్. కృష్ణ మామిడాల దర్శకుడిగా పరిచయమవుతున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2WDgjqc
No comments:
Post a Comment