రొటీన్కి భిన్నంగా సినిమాలు చేస్తూ నేటితరం యువతను బుట్టలో వేసుకున్న '' ఛాలెంజ్ లోనూ తనదైన పంథా కొనసాగించాడు. సెలబ్రిటీలంతా ఇంటి పని, వంట పని చేస్తూ వీడియోలు పోస్ట్ చేస్తే మనోడు మాత్రం అందుకు భిన్నంగా తన ''డే యాక్టీవిటీ'' అంతా షూట్ చేసి డిఫరెంట్ వీడియో తయారు చేశాడు. ఆ వీడియోను ట్వీట్ చేస్తూ మాలీవుడ్ హీరో దుల్కర్ సల్మాన్కి తన సవాల్ విసిరాడు రౌడీ స్టార్. ఈ లాక్డౌన్ సమయంలో ఇంట్లోని ఆడవాళ్ళకు సాయపడుతూ 'రియల్ మెన్' అనిపించుకోవాలని అర్జున్ రెడ్డి డైరెక్టర్ సందీప్ రెడ్డి వంగా ఈ ఛాలెంజ్ ప్రారంభించాడు. మొదటగానే రాజమౌళిని టార్గెట్ చేయడంతో అది కాస్త టాలీవుడ్ ఇండస్ట్రీని అమాంతం చుట్టేసింది. ఈ క్రమంలో రీసెంట్గా కొరటాల శివ తన వీడియో పోస్ట్ చేస్తూ విజయ్ దేవరకొండకు సవాల్ విసిరారు. దీనిపై వెంటనే రియాక్ట్ అయిన విజయ్.. ''ఇంట్లో నన్ను ఇంకా రియల్ మ్యాన్లా చూడటం లేదు. పిల్లల మాదిరిగానే ట్రీట్ చేస్తున్నారు. అయినా ఈ లాక్డౌన్ లోపే నా వీడియో అందిస్తా'' అని పేర్కొన్నాడు. అన్నట్లుగానే వీడియోతో అందరి ముందుకొచ్చిన రౌడీ విజయ్.. మరోసారి తన మార్క్ చూపించాడు. ఈ లాక్డౌన్ రోజులను తాను ఎలా గడుపుతున్నానో ఈ వీడియో ద్వారా అందరి ముందుంచాడు. మామూలు రోజుల్లో రోజుకు 6 గంటలు మాత్రమే నిద్రపోయే వాడినని, ఇప్పుడు మాత్రం రోజుకు తొమ్మిదిన్నర గంటలు హాయిగా పడుకుంటున్నానని పేర్కొంటూ ఆ క్లిప్పింగ్స్ చూపించాడు. అలాగే అప్పటి వైన్ బాటిల్స్ ఇప్పుడు వాటర్ బాటిల్స్ అయ్యాయని చెబుతూ అలా కూడా ఆకట్టుకున్నాడు. రోజంతా ఉండే ఖాళీ సమయంలో వీడియో గేమ్స్ ఆడటం, ఐస్ క్రీం తయారు చేయడం, ఇంట్లోని వాళ్ళతో కలిసి ఇన్ డోర్ గేమ్స్ ఆడుతూ ఆ ఐస్ క్రీం తినడం లాంటివి చేస్తున్నానని పేర్కొంటూ, ఆ వీడియోను తన తమ్ముడు ఆనంద్ దేవరకొండ కెమెరాలో బందించాడని చెప్పాడు విజయ్ దేవరకొండ. ఇక మనోడి యవ్వారం చూసి అబ్బో! మామూలుగా లేదే.. అంటున్నారు నెటిజన్స్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YaNe7L
No comments:
Post a Comment