‘జాతిరత్నాలు’ వచ్చేస్తున్నారు.. ఎట్టకేలకు విడుదల తేదీ ఖరారు!

నవీన్ పొలిశెట్టి, రాహుల్ రామకృష్ణ, ప్రియదర్శి ప్రధాన పాత్రలు పోషించిన కామెడీ ఎంటర్‌టైనర్ ‘జాతిరత్నాలు’. అనుదీప్ కేవీ దర్శకత్వం వహించారు. స్వప్న సినిమా బ్యానర్‌పై నాగ్ అశ్విన్ నిర్మించారు. ఫరియా అబ్దుల్లా హీరోయిన్‌గా నటించారు. టైటిల్‌తోనే ఈ సినిమా అందరినీ ఆకర్షించింది. వైజయంతీ మూవీస్ లాంటి ప్రతిష్టాత్మక సంస్థ నుంచి వస్తోన్న సినిమా కావడంతో అంచనాలు కూడా ఏర్పడ్డాయి. అయితే, ఈ సినిమా మొదలై ఏడాదికి పైగానే అవుతోంది. దీంతో చాలా మంది దీని గురించి మరిచిపోయారు. అయితే, ‘జాతిరత్నాలు’ సినిమాను ప్రేక్షకుల్లోకి తీసుకెళ్లే ప్రయత్నం చేస్తున్నారు దర్శక నిర్మాతలు. సినిమాపై ప్రేక్షకులకు ఆసక్తిని పెంచడానికి విడుదల తేదీని ప్రకటించారు. సినిమా విడుదల తేదీని ప్రకటిస్తూ ఒక మోషన్ పోస్టర్‌ను విడుదల చేశారు. మహా శివరాత్రి సందర్భంగా మార్చి 11న ‘జాతిరత్నాలు’ థియేటర్లలోకి రానున్నారు. ‘‘ఇంట్లో కాదు థియేటర్స్‌లో చూసుకుందాం.. రండి నవ్వుకుందాం’’ అంటూ వినూత్నంగా ప్రచారాన్ని మొదలుపెట్టారు. అంతేకాదు, మోషన్ పోస్టర్ కాన్సెప్ట్ కూడా చాలా కొత్తగా ఉంది. ‘‘ఏంది? సినిమా రిలీజు ఉన్నదా లేదా.. ఇక మీతోనే పెట్టుకుంటరా’’ అంటూ ‘జాతిరత్నాలు’ రిలీజ్ గురించి తెలంగాణ యాసలో ఇద్దరు వ్యక్తుల మధ్య డిస్కషన్‌ను ఈ మోషన్ పోస్టర్‌లో వినిపించారు. ‘‘షూటింగ్ స్టార్ట్ అయినప్పుడు పెళ్లి చేసుకున్నా.. ఇప్పుడు నా కొడుకు అడుగుతాండు రిలీజ్ ఎప్పుడు అని’’ అని ఓ వ్యక్తే చెప్పే డైలాగ్ ఈ మోషన్ పోస్టర్‌కే హైలైట్. మొత్తం మీద ఈ మోషన్ పోస్టర్‌తో ప్రేక్షకుల అటెన్షన్‌ను తమవైపు తిప్పుకోగలిగింది స్వప్న సినిమా. ఈ సినిమాకు రథన్ సంగీతం సమకూర్చారు. ఇప్పటికే విడుదలైన తొలి పాట ‘చిట్టి’కి మంచి స్పందన వస్తోంది. సిద్ధం మనోహర్ సినిమాటోగ్రఫీ అందించిన ఈ చిత్రానికి అభినవ్ రెడ్డి దండ ఎడిటర్. ‘ఏజెంట్ సాయి శ్రీనివాస్ ఆత్రేయ’ లాంటి హిట్ సినిమా తరవాత నవీన్ పొలిశెట్టి నుంచి వస్తోన్న మరో ఆసక్తికర చిత్రమింది. ఈ చిత్రంలో ఇంకా మురళీ శర్మ, వీకే నరేష్, బ్రహ్మాజీ, తనికెళ్ల భరణి, వెన్నెల కిషోర్ తదితరులు నటించారు

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3p9r54a