ప్రతిభావంతుడైన న‌టుడిగా పేరు తెచ్చుకొని, వైవిధ్యమైన కథలను ఎంచుకుంటూ ముందుకు సాగుతున్నారు సత్యదేవ్. ఆయ‌న హీరోగా గోపీగ‌ణేష్ ప‌ట్టాభి ద‌ర్శక‌త్వంలో తెర‌కెక్కనున్న చిత్రం ‘గాడ్సే’. సి.కె. స్క్రీన్స్ బ్యాన‌ర్‌పై నిర్మాత సి. క‌ళ్యాణ్ ఈ చిత్రాన్ని నిర్మిస్తున్నారు. నాజ‌ర్‌, బ్రహ్మాజీ, ఆదిత్య మీన‌న్‌, కిశోర్ కీల‌క పాత్రధారులు. సత్యదేవ్, గోపీగ‌ణేష్ ప‌ట్టాభి కాంబినేష‌న్‌లో ఇదివ‌ర‌కు వ‌చ్చిన ‘బ్లఫ్ మాస్టర్’ చిత్రం ఇటు ప్రేక్షకుల ఆద‌ర‌ణ‌ను, అటు విమ‌ర్శకుల ప్రశంస‌ల‌ను అమితంగా పొందింది. అలాంటి క్లాసిక్ మూవీ తర్వాత ఈసారి వారు యాక్షన్ థ్రిల్లర్ ‘గాడ్సే’తో అల‌రించేందుకు రెడీ అవుతున్నారు. ఈ మూవీలో సత్యదేవ్ చాలా ప‌వ‌ర్‌ఫుల్ రోల్ చేయ‌నున్నట్లు చిత్ర బృందం విడుద‌ల చేసిన టైటిల్ పోస్టర్ ద్వారా తెలుస్తోంది. గ‌న్స్‌తో, ఇంటెన్స్ లుక్స్‌తో ఆయ‌న క‌నిపిస్తున్నారు. టైటిల్ డిజైన్‌లోనూ బుల్లెట్ క‌నిపిస్తుండ‌టం బ‌ట్టి యాక్షన్‌కు ఈ మూవీలో కొద‌వ ఉండ‌ద‌ని ఊహించ‌వ‌చ్చు. ఇప్పటివ‌ర‌కూ చేయ‌ని భిన్న త‌ర‌హా క్యారెక్టర్‌లో ‘గాడ్సే’గా సత్యదేవ్ ప్రేక్షకుల ముందుకు రాబోతున్నారు. ‘గాడ్సే’ టైటిల్ పోస్టర్‌ను ట్విట్టర్ ద్వారా అభిమానులతో పంచుకున్నారు. ‘బ్లఫ్ మాస్టర్’ డైరెక్టర్ గోపీగణేష్‌తో మరోసారి కలిసి పనిచేస్తుండటం చాలా సంతోషంగా ఉందని సత్యదేవ్ పేర్కొన్నారు. ఈ సారి ‘గాడ్సే’ అనే యాక్షన్ ప్యాక్డ్ థ్రిల్లర్‌తో వస్తు్న్నామని తెలిపారు. షూటింగ్ త్వరలోనే ప్రారంభమవుతుందని వెల్లడించారు. కాగా, ఈ చిత్రానికి ద‌ర్శక‌త్వంతో పాటు క‌థ, స్క్రీన్‌ప్లే, డైలాగ్స్‌ను కూడా గోపీగ‌ణేష్ ప‌ట్టాభి అందిస్తున్నారు. సి.వి. రావు స‌హ నిర్మాత‌గా వ్యవహరిస్తున్నారు. త్వర‌లో హీరోయిన్ పేరుతో పాటు ఇత‌ర వివ‌రాల‌ను వెల్లడించ‌నున్నారు. ఇంకా ఈ చిత్రంలో నాజ‌ర్‌, బ్రహ్మాజీ, ఆదిత్య మీన‌న్‌, కిశోర్ ముఖ్య పాత్రలు పోషిస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3nahYyu
No comments:
Post a Comment