ఒకానొక సమయంలో వెండితెరపై ఓ వెలుగు వెలిగి కోట్లాది మంది గుండెల్లో స్థిరమైన గూడు కట్టుకుంది సావిత్రి. మహానటిగా కెమెరా ముందు ప్రతిభ చాటింది. ఇక రీసెంట్గా హీరోయిన్ కీర్తి సురేష్ పాత్ర పోషించి నేటితరం వెండితెర మహానటి అని నిరూపించుకుంది. ఈ నేపథ్యంలోనే బుల్లితెరపై కూడా మహానటి ఉందని, ఆమెనే అని అంటున్నారు ప్రేక్షకులు. ఏకంగా సావిత్రితో ఆమెను పోలుస్తూ ఓ వీడియో రెడీ చేశారు. తాజాగా ఆ వీడియోను సోషల్ మీడియాలో షేర్ చేస్తూ ఉబ్బి తబ్బిబ్బయింది ప్రేమి విశ్వనాథ్. సీరియల్ ద్వారా అందరి ఇంటి మనిషిగా మారింది వంటలక్క. ఆమె అసలు పేరు ప్రేమి విశ్వనాథ్. మలయాళీ నటి అయినప్పటికీ తనదైన నటనతో తెలుగు ప్రేక్షకులకు బాగా దగ్గరైంది. చిన్నితెరపై వంటలక్క కనిపిస్తే చాలు చిన్నాపెద్దా అంతా టీవీలకు అతుక్కుపోతుంటారు. మొన్నామధ్య హైదరాబాద్లో వరదలు వచ్చిన సమయంలో ఇంటినిండా వరద వచ్చి చేరినా వంటలక్క కార్తీకదీపం సీరియల్ చూస్తూ ఆశ్చర్యపరిచింది ఓ ఫ్యామిలీ. వంటలక్క ఫాలోయింగ్ గురించి చెప్పడానికి ఇంతకన్నా మంచి ఉదాహరణ లేదు. ఇక మహిళా మణులైతే వంటలక్క అభినయానికి ఫిదా అయి చూసిన ఎపిసోడ్స్ మళ్ళీ మళ్ళీ చేస్తుంటారని చెప్పడంలో అతిశయోక్తి లేదు. అయితే ఆమె నటనకు ఆకర్షితులైన అభిమానులు మహానటి సావిత్రితో ఆమెను పోలుస్తూ ఓ వీడియో రూపొందించారు. సావిత్రి, వంటలక్క ఫొటోలను పక్కపక్కనే పెట్టి అనుష్క 'అరుంధతి' సినిమాలోని ''నా పేరు పెట్టండి.. నేనే మళ్ళీ పుట్టానని నమ్మండి, నాకిచ్చిన గౌరవమే తనకీ ఇవ్వండి'' అనే డైలాగ్ జత చేసి వీడియో రెడీ చేశారు. ఈ ఇంట్రెస్టింగ్ వీడియోను తన ఇన్స్స్టాగ్రామ్ ఖాతా ద్వారా పంచుకున్న వంటలక్క.. థాంక్యూ సో మచ్ ఫర్ క్రియేషన్. ఆమె నటనలో కొంచెం చేసినా.. నా జన్మ ధన్యం అని తెలిపుతూ ఆనందం వ్యక్తం చేసింది. దీంతో ఈ వీడియో ప్రస్తుతం సోషల్ మీడియాలో వైరల్గా మారింది. రియల్లీ బుల్లితెర సావిత్రి వంటలక్కనే అంటూ కామెంట్స్ చేస్తున్నారు నెటిజన్లు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3rRnhWU
No comments:
Post a Comment