తెలుగు సినిమా ఇప్పుడు ప్రాంతీయ హద్దులను చెరేపేసింది. ఎందుకంటే ఏ ప్రాంతీయ భాషలో రూపొందని పాన్ ఇండియా సినిమాలు తెలుగులోనూ రూపొందుతుండటం విశేషం. అలాగే ఇప్పుడు మన నిర్మాతలు బాలీవుడ్లోనూ అడుగు పెట్టేసి అక్కడి హీరోలతో స్ట్రయిట్ సినిమాలను కూడా నిర్మించేస్తున్నారు. ఇప్పుడు మరో అడుగు ముందుకేసి అంతర్జాతీయ సినిమాలను కూడా నిర్మించడానికి మన టాలీవుడ్ నిర్మాతలు రెడీ కావటం విశేషం. అంతర్జాతీయ సినిమాలు చేయడం కొత్తేమీ కాదు. కానీ ఓ పేరున్న నిర్మాణ సంస్థ ఇంటర్నేషనల్ ప్రాజెక్ట్లో ఇన్వాల్వ్ అయ్యిందంటే దాని లుక్ మారిపోతుంద. ఇప్పుడలా.. ఓ తెలుగు నిర్మాణ సంస్థ ఇంటర్నేషనల్ ప్రాజెక్ట్ చేయడానికి ముందడుగు వేసింది. ఆ నిర్మాణ సంస్థ ఏదో కాదు, సితార ఎంటర్టైన్మెంట్స్. వివరాల్లోకెళ్తే.. ప్రస్తుతం పవన్ కళ్యాణ్తో భీమ్లానాయక్ సినిమా చేస్తున్న సితార ఎంటర్టైన్మెంట్స్ దాని అధినేత సూర్యదేవర నాగవంశీ తామర అనే ఇంటర్నేషనల్ సినిమా చేయబోతున్నారు. ఈ విషయాన్ని సదరు నిర్మాణ సంస్థే అధికారికంగా ప్రకటించింది కూడా. ఇప్పటి వరకు రాని ఇండో ఫ్రెంచ్ కాంబినేషన్లో ఈ సినిమాను రూపొందించనున్నట్లు తెలియజేశారు. అంటే ఇండియన్, ఫ్రెంచ్కు సంబంధించిన నటీనటులు, టెక్నీషియన్స్ ఈ సినిమాకు పనిచేయబోతున్నారు. ఇప్పటికే ఈ సినిమాకు భీమ్లా నాయక్ సినిమాకు సినిమాటోగ్రఫీ అందించిన రవి. కె.చంద్రన్ విజువల్స్తో మాయాజాలం చేయడానికి సిద్ధమైపోయారు. ఇతర వివరాలను త్వరలోనే తెలియజేస్తామని వారు తెలిపారు. టైటిల్ బట్టి చూస్తుంటే ఇది ఓ మహిళా ప్రధానమైన సినిమా అని తెలుస్తుంది. అసలు ఇందులో లీడ్ రోల్, ఇతర మెయిన్ రోల్స్ ఎవరు చేస్తారు.. డైరెక్టర్ ఎవరు చేయబోతున్నారు? అనే అంశాలపై తెలియని ఆసక్తి నెలకొంది. సితార ఎంటర్టైన్మెంట్స్ సంస్థ అధినేత సూర్యదేవర నాగవంశీ కంటెంట్ బేస్డ్ మూవీలను ఎంకరేజ్ చేయడానికి నిర్మాణ సంస్థను స్టార్ట్ చేశారు. బాబు బంగారం, శైలజారెడ్డి అల్లుడు, భీష్మ, రంగ్ దే,జెర్సీ వంటి చిత్రాలను నిర్మించారు. ఇప్పుడు పవన్ కళ్యాణ్తో మలయాళంలో విజయవంతమైన చిత్రం అయ్యప్పనుమ్ కోశియుమ్ సినిమాను తెలుగులో భీమ్లా నాయక్గా తెరకెక్కిస్తున్నారు. ఇందులో రానా దగ్గుబాటి మరో కీలక పాత్రలో నటిస్తున్న సంగతి తెలిసిందే. వచ్చే ఏడాది సంక్రాంతికి జనవరి 12న ఈ సినిమా విడుదలవుతుంది. అలాగే మరో వైపు అల్లు అర్జున్, త్రివిక్రమ్ శ్రీనివాస్ కాంబినేషన్లో మరో సినిమాను చేయడానికి కూడా సన్నాహాలు జరుగుతున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3wiMtsd
No comments:
Post a Comment