షాకిచ్చిన జక్కన్న.. RRR ట్రైల‌ర్ వాయిదా .. నిరాశలో నంద‌మూరి, మెగాభిమానులు..!

ఎంటైర్ ఇండియన్ సినీ ఇండ‌స్ట్రీ ఎంతో ఆస‌క్తిగా ఎదురుచూస్తున్న చిత్రం RRR. ద‌ర్శ‌క‌ధీరుడు రాజ‌మౌళి తెరకెక్కిస్తోన్న ఈ చిత్రంలో యంగ్ టైగ‌ర్ ఎన్టీఆర్‌, మెగాప‌వ‌ర్‌స్టార్ రామ్‌చ‌ర‌ణ్ హీరోలుగా న‌టిస్తున్నారు. ఈ సినిమా ట్రైల‌ర్‌ను డిసెంబ‌ర్ 3న విడుద‌ల చేయ‌బోతున్న‌ట్లు నిర్మాత‌లు ప్ర‌క‌టించిన సంగ‌తి తెలిసిందే. దీంతో నంద‌మూరి, మెగాభిమానులు ఎంతో ఎగ్జ‌యిట్‌మెంట్‌తో ఎదురుచూడ‌టం ప్రారంభించారు. అయితే యూనిట్ అందరికీ మరోసారి షాక్ ఇచ్చింది. ట్రైలర్ డేట్‌ను వాయిదా వేస్తున్నట్లు మేకర్స్ ప్రకటించారు. అందుకు కారణం ఎంటనేది చిత్ర యూనిట్ తెలియజేయలేదు. అయితే సినీ వ‌ర్గాల్లో వినిపిస్తోన్న వార్త‌ల మేర‌కు RRR ట్రైల‌ర్ ఇంకా రెడీ కాలేద‌ట‌. అనుకున్న ఔట్‌పుట్ వ‌చ్చే వర‌కు జ‌క్క‌న్న కాంప్ర‌మైజ్ కాడు. కాబ‌ట్టి ట్రైల‌ర్ విడుద‌ల ఆల‌స్య‌మైనా ప‌ర్లేదు. కానీ మంచి ట్రైల‌ర్‌ను క‌ట్ చేయాల‌ని RRR టీమ్ ప్లాన్ చేసింద‌ట‌. ఈ కార‌ణంగా ట్రైల‌ర్‌ను పోస్ట్ పోన్ చేసింది. దీంతో RRR ప్రేమికులు, నందమూరి, మెగాభిమానులు ఒక్కసారిగా నిరాశకు లోనయ్యారు. కానీ ఈ వెయిటింగ్‌కు తగ్గ ఫలితం ఉంటుందని చిత్ర యూనిట్ సభ్యులు చెబుతున్నారు. ప్రీ ఇండిపెండెన్స్ 1920 బ్యాక్‌డ్రాప్‌తో తెర‌కెక్కుతోన్న RRR సినిమాలో తెలంగాణ గోండు వీరుడు కొమురం భీమ్‌గా ఎన్టీఆర్‌, మ‌న్యం వీరుడు అల్లూరి సీతారామ‌రాజుగా రామ్‌చ‌ర‌ణ్ క‌నిపిస్తోన్న సంగ‌తి తెలిసిందే. చ‌రిత్ర‌లో క‌లుసుకోని ఇద్ద‌రు పోరాట యోధులు క‌లుసుకుని బ్రిటీష్ వారిని ఎదిరిస్తే ఎలా ఉంటుందో అనే ఫిక్ష‌న‌ల్ క‌థాంశంతో సినిమా రూపొందింది. టాలీవుడ్ అగ్ర హీరోలు ఎన్టీఆర్, రామ్ చ‌ర‌ణ్‌లు న‌టిస్తుండ‌టంతో పాటు బాలీవుడ్ స్టార్స్ ఆలియా భ‌ట్‌, అజ‌య్ దేవ‌గ‌ణ్‌, హాలీవుడ్ స్టార్స్ రే స్టీవెన్ స‌న్‌, అలిస‌న్ డూడి, ఒలివియా మోరిస్ న‌టించ‌డం కూడా నటించారు. సినిమా సెన్సార్ కార్య‌క్ర‌మాల‌ను పూర్తి చేసుకుని యు/ఎ స‌ర్టిఫికేట్‌ను పొందింద‌ని, 3 గంట‌ల 6 నిమిషాల వ్య‌వ‌ధి సినిమాకు ర‌న్‌టైమ్‌గా ఫిక్స్ అయ్యింద‌ని వార్త‌లు వినిపిస్తున్నాయి. డివివి ఎంట‌ర్‌టైన్‌మెంట్ బ్యాన‌ర్‌పై డివివి దాన‌య్య ఈ చిత్రాన్ని నిర్మిస్తున్నారు. నాలుగు వంద‌ల కోట్ల రూపాయ‌ల బడ్జెట్‌తో సినిమాను వ‌చ్చే ఏడాది జ‌న‌వ‌రి 7న విడుద‌ల చేస్తున్నారు. పాన్ ఇండియా మూవీ కావ‌డంతో ఓవ‌ర్‌సీస్ స‌హా సినిమాను భారీ ఎత్తున విడుద‌ల చేస్తున్నారు. ప్ర‌మోష‌న‌ల్ ప్లాన్ కూడా భారీగానే ప్లాన్ చేశారు. ఇండియాలోని ప్ర‌ధాన న‌గ‌రాల‌కు RRR టీమ్ వెళ్లి ప్ర‌మోట్ చేయ‌నుంది. ఇప్పటి వరకు విడుదలైన ప్రోమోలు, గ్లింప్స్, సాంగ్స్ సినిమాపై అంచనాలను మరింతగా పెంచాయి.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3obL0Bi