నటుడు నుంచి నిర్మాతగా మారిన బండ్ల గణేశ్కు మెగా ఫ్యామిలీ అంటే చాలా ఇష్టం. తన ఇష్టాన్ని ఆయన బాహాటంగానే చెబుతుంటారు. ముఖ్యంగా పవన్ కళ్యాణ్ నాకు దేవర అని పలు సందర్భాల్లో బండ్ల గణేశ్ చెప్పారు. రీసెంట్గా ఇచ్చిన ఓ ఇంటర్వ్యూలో చాలా విషయాలను మాట్లాడారు. పవన్ కళ్యాణ్ మీకు సినిమా ఇవ్వలేదా? అని ప్రశ్నిస్తే నేనే ఆయన్ని అడగలేదు. ఆయన నన్ను సినిమా చేయమంటే తప్పకుండా చేస్తాను. ప్రస్తుతం ప్రొడక్షన్ చేయాలనుకోవడం లేదు. నటుడిగా మరో జర్నీని స్టార్ట్ చేశానని అన్నారు. ఈ సందర్భంలో తను హీరోగా చేసిన డేగట బాబ్జీ సినిమా గురించి కూడా ఆయన ప్రస్తావించారు. సినిమా చూసిన అందరూ ఎమోషనల్ అయ్యేలా సినిమా ఉంటుందని అన్నారు బండ్ల గణేశ్. ఇంకా ఆయన మాట్లాడుతూ ‘‘నేను మనసులో ఉన్నది ఉన్నట్లుగా మాట్లాడుతాను. సినిమా అనేది నా జీవితంలోఓ భాగం మాత్రమే. అదే జీవితం అయితే కాదు. సినిమాలు ఉంటే చేస్తాను. లేకపోతే నా వ్యాపారాలు నేను చేసుకుంటాను. నాకు సినీ రంగంలోనే కాదు. రాజకీయ రంగంలోనూ స్నేహితులున్నారు’’ అని తెలిపారు. మీరు హీరో రవితేజ, కృష్ణవంశీలను మోసం చేశారని, తప్పుడు డాక్యుమెంట్స్తో వారికి భూములు అమ్మారని వినిపించిన వార్తలపై మీరెలా స్పందిస్తారు? అని అడిగితే. అవన్నీ సాయంత్రం పనీ పాట లేకుండా సినిమా ఆఫీసుల్లో కూర్చొనే బ్యాచ్ క్రియేట్ చేసిన మాటలవి. ఎందుకంటే నేను భూములు అమ్మాను వాళ్లు కొన్నారు. తర్వాత అమ్ముకున్నారు. మేం వ్యాపారాలు చేశాం. మా మధ్య ఎలాంటి వివాదాలు లేవు. వ్యాపారం చేశామే తప్ప మోసాలు చేయలేదు. నేను తప్పుడు డాక్యుమెంట్స్తో భూములు అమ్మినట్లు మీరు రుజువు చేస్తే, మీరు ఏది చెబితే అది చేస్తానని తనదైన స్టైల్లో బండ్ల గణేశ్ సమాధానం ఇచ్చారు. మీరు కంట్రోల్ లేకుండా మాట్లాడటం వల్ల ఇబ్బందులు పడ్డారు కదా! అని ప్రశ్నిస్తే.. నేను విధిని నమ్ముతాను. నేను ఆ సందర్భంలో అలా మాట్లాడాలని దేవుడి విధి ఉంటుంది. అలాగే మాట్లాడుతాను. దాని వల్ల సమస్యలను ఎదుర్కొంటున్నాను. విధిలో నేను భాగం తప్ప.. విధిని ఎవరూ మార్చలేరు అని ఆధ్యాత్మిక కోణంలో సమాధానం చెప్పారు బండ్ల గణేశ్.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3xCGQpl
No comments:
Post a Comment