సమంత.. పట్టుకోండి చూద్దాం అనేంత స్పీడుగా వరుస సినిమాల్లో నటించడానికి గ్రీన్ సిగ్నల్ ఇచ్చేస్తుంది. ఇప్ప‌టికే రెండు ద్వి భాషా చిత్రాల‌ను అనౌన్స్ చేసిన సమంత ఇప్పుడు మ‌రో ప్రాజెక్ట్‌ను అనౌన్స్ చేసింది అది ఏకంగా గ్లోబల్ మూవీ. ‘ది అరెంజ్‌మెంట్ ఆఫ్ లవ్’ పేరుతో తెర‌కెక్క‌బోతున్న ఈ మూవీని అవార్డ్ విన్నింగ్ మూవీ డైరెక్ట‌ర్ పిలిప్ జాన్ ఈ సినిమాను తెర‌కెక్కింస్తున్నారు. గురు ఫిలింస్ బ్యాన‌ర్‌పై సునీత తాటి ఈ సినిమాను నిర్మిస్తున్నారు. ఈ సినిమాలో సమంత అను అనే పాత్ర‌లో న‌టించ‌బోతున్నారు. ఈ విష‌యాన్ని ఆమె తెలియ‌జేస్తూ ట్వీట్ చేశారు. ‘‘ఓ స‌రికొత్త ప్ర‌పంచం. ‘అరెంజ్‌మెంట్ ఆఫ్ లవ్’లో భాగం కావ‌డాన్ని థ్రిల్‌గా ఫీల్ అవుతున్నాను. అను అనే పాత్ర‌కు నన్ను ఎంపిక చేసుకున్నందుకు ద‌ర్శ‌కుడు పిలిప్ జాన్‌కు ధ‌న్య‌వాదాలు’’ అని తెలిపారు సమంత. ఇప్ప‌టి వ‌ర‌కు త‌న కెరీర్‌లో చేయ‌న‌టువంటి స‌రికొత్త పాత్ర‌ను అరెంజ్‌మెంట్ ఆఫ్ లవ్ చిత్రంలో చేస్తున్న‌ట్లు సినీ వ‌ర్గాల స‌మాచారం. ప్రస్తుతం సమంత అల్లు అర్జున్, సుకుమార్ కాంబినేషన్‌లో రూపొందుతోన్న పాన్ ఇండియా మూవీ పుష్ప ది రైజ్‌లో ఓ స్పెష‌ల్ సాంగ్ చేస్తున్నారు. ఇప్పుడు ఈ పాట చిత్రీక‌ర‌ణ ప్రారంభమైంది. ఈ పాట కోసం సమంత భారీ రెమ్యున‌రేష‌న్ తీసుకుంద‌ని కూడా సోష‌ల్ మీడియాలో వార్త‌లు వినిపించాయి. దీంతో పాటు రెండు ద్వి భాషా చిత్రాల్లో నటించడానికి ఆమె ఓకే చెప్పిన సంగ‌తి తెలిసిందే. ప్రస్తుతం ఫిజికల్ ఫిట్‌నెస్‌పై ప్ర‌త్యేక‌మైన శ‌ద్ధ పెట్టిన సామ్‌, మానసికంగా ఉల్లాసంగా ఉండటానికి స్నేహితులతో కలిసి ఎంజాయ్ చేస్తోంది. ఈమె ఓకే చెప్పిన రెండు ద్వి భాషా చిత్రాల్లో( తెలుగు, త‌మిళ) ఓ చిత్రాన్ని డ్రీమ్ వారియ‌ర్ పిక్చ‌ర్స్ సంస్థ నిర్మిస్తుంటే మ‌రో మూవీని శ్రీదేవి మూవీస్‌పై శివ‌లెంక కృష్ణ ప్ర‌సాద్ నిర్మిస్తున్నారు. ఈ రెండు చిత్రాల‌ను డెబ్యూ డైరెక్ట‌ర్సే తెర‌కెక్కిస్తుండ‌టం విశేషం. నాగ‌చైత‌న్య‌తో విడిపోయిన త‌ర్వాత సినిమాల ఎంపిక‌లో సమంత వేగం పెంచేసింది. అంతే కాదండోయ్ సోష‌ల్ మీడియాలోనూ యాక్టివ్‌గా ఉంటోంది. హాట్ ఫొటో షూట్స్ చేసి అప్‌లోడ్ చేస్తుంది. హీరోయిన్‌గా త‌న‌కున్న క్రేజ్‌ను అనుస‌రించి వైవిధ్య‌మైన చిత్రాల్లో నటించడానికి రెడీ అవుతోంది. మంచి స్క్రిప్ట్ వ‌స్తే బాలీవుడ్‌లోనూ నటించడానికి తాను సిద్ధంగా ఉన్నాన‌ని రీసెంట్‌గా ఆమె ఓ సంద‌ర్భంలో తెలియ‌జేసిన సంగ‌తి తెలిసిందే.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3pjU6vx
No comments:
Post a Comment