ఏడాది 2021 పూర్తి కావస్తుంది. అందరూ కొత్త ఏడాది 2022కి స్వాగతం పలకడానికి రెడీ అయ్యారు. ప్రతి ఏడాది ఒక్కొక్కరికీ ఒక్కో రకమైన అనుభూతిని మిగులుస్తుంది. తాజాగా 2021 మీకెలా గడిచింది అని స్టార్ హీరోయిన్ సమంతను ప్రశ్నిస్తే చాలా కష్టంగా గడిచింది అనే సమాధానం చెప్పింది. నిజంగా ఆమెకు వ్యక్తిగతంగా ఈ ఏడాది కష్టమైన ఏడాది అనే చెప్పాలి. ఆ మాటనే ఆమె చెప్పారు. హీరో నాగచైతన్యను పెళ్లి చేసుకున్న తర్వాత నాలుగేళ్లకు ఇద్దరూ వివాహ బంధానికి ఈ ఏడాదిలోనే ముగింపు పలికారు. అక్కినేని అభిమానులను, ఫ్యాన్స్ను ఈ విషయం షాక్కు గురి చేసిన విషయమిది. రెండు నెలలుగా నాగ చైతన్య, సమంత ఇద్దరూ సోషల్ మీడియాలో వార్తల రూపంలో వైరల్ అవుతూ వచ్చారు. అయితే ఎక్కడా నేరుగా ఒకరి గురించి ఒకరు కామెంట్ చేసుకోలేదు. ముంబై చెందిన ఓ సంస్థ సమంత సహా కొంత మంది బాలీవుడ్ స్టార్స్తో ఇంటర్వ్యూలను నిర్వహించింది. దీనికి సంబంధించిన ప్రోమో ఒకటి నెట్టింట తెగ వైరల్ అవుతుంది. ఇందులో 2021 మీకెలా గడిచింది. అని ప్రశ్నిస్తే తాప్సీ, విక్కీ కౌశల్, సమంత తదితరులు తమ అభిప్రాయాన్ని చెప్పుకొచ్చారు. వీరందరిలో సమంత మాత్రం తనకు 2021 చాలా కష్టంగా గడిచిందని చెప్పుకొచ్చింది. నెట్టింట్లో వైరల్ అవుతున్న ఈ ప్రోమోను చూసిన సమంత అభిమానులు ఆమెకు అండగా నిలబడుతున్నారు. ఇప్పుడు చైతు, సామ్ ఇద్దరూ వరుస సినిమాలు చేయడానికి గ్రీన్ సిగ్నల్ ఇచ్చేస్తున్నారు. చైతన్య విషయానికి వస్తే తను థాంక్యూ సినిమాను పూర్తి చేసి బంగార్రాజు చిత్రీకరణలో బిజీగా ఉన్నారు. ఈ సినిమాలతో పాటు విక్రమ్ కుమార్ దర్శకత్వంలో ఓ హారర్ వెబ్ సిరీస్లో నటించడానికి ఓరెడీ అయ్యారు. ఇక సమంత విషయానికి వస్తే ‘పుష్ప ది రైజ్’ చిత్రంలో ఓ స్పెషల్ సాంగ్లో నటిస్తుంది. దీంతో పాటు రెండు ద్వి భాషా చిత్రాల్లో నటించడానికి ఆమె ఓకే చెప్పిన సంగతి తెలిసిందే. ప్రస్తుతం ఫిజికల్ ఫిట్నెస్పై ప్రత్యేకమైన శద్ధ పెట్టిన సామ్, మానసికంగా ఉల్లాసంగా ఉండటానికి స్నేహితులతో కలిసి ఎంజాయ్ చేస్తోంది. ఈమె ఓకే చెప్పిన రెండు ద్వి భాషా చిత్రాల్లో( తెలుగు, తమిళ) ఓ చిత్రాన్ని డ్రీమ్ వారియర్ పిక్చర్స్ సంస్థ నిర్మిస్తుంటే మరో మూవీని శ్రీదేవి మూవీస్పై శివలెంక కృష్ణ ప్రసాద్ నిర్మిస్తున్నారు. ఈ రెండు చిత్రాలను డెబ్యూ డైరెక్టర్సే తెరకెక్కిస్తుండటం విశేషం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3cV3q2R
No comments:
Post a Comment