అజానుబాహుడు, భారీ వ్యక్తి అయిన నాగబాబుని కింద పడేయడం అంత సులభమైన విషయం కాదు. కానీ ఆ విషయాన్ని చాలా తేలికగా ఎలాంటి కష్టం పడకుండా సెకన్ల వ్యవధిలో పూర్తి చేసేసింది నటి, యాంకర్ శ్రీముఖి. అసలేం జరిగిందనే వివరాల్లోకెళ్తే.. బుల్లితెర స్టార్ శ్రీముఖి, మెగా బ్రదర్ నాగబాబు ఓ షూటింగ్లో పాల్గొన్నారు. నాగబాబు మిన్నకుండకుండా.. శ్రీముఖిని ఓ పాట పాడమని రిక్వెస్ట్ చేశాడు. నాగబాబు తనకు అలాంటి ఆఫర్ ఎప్పటి నుంచి ఇస్తాడా? అని ఎదురు చూస్తున్న ఒక్కసారిగా రెచ్చిపోయింది. ఇంకేముంది.. నాగబాబు కళ్లు తిరిగి పడిపోయాడు. తట్టి లేపిన లేవలేదు. నిజమేనండి బాబు.. ఈ వీడియో చూస్తే మీరు ఔననకుండా ఉండలేరు. ఇక నెటిజన్స్ కూడా అదే రేంజ్లో కామెంట్స్ పెడుతున్నారు. ఓ మనిషిని ఇలా కూడా వేసేయొచ్చా? అని ప్రశ్నిస్తున్నారు. ఇంతకీ ఈ వీడియోను పోస్ట్ చేసిందెవరనుకుంటున్నారు? శ్రీముఖి. ఆమె తన ఇన్స్టాలో నాగబాబుతో కలిసి చిన్న వీడియో చేసింది. నాగబాబు: శ్రీముఖి నిన్ను ఎప్పట్నుంచో ఒకటి అడగాలని అనుకుంటున్నా శ్రీముఖి : అడగండి బాబుగారు నాగబాబు: నీ నోటి నుంచి చక్కటి పాట వినాలనుంది శ్రీముఖి : తప్పకుండా బాబుగారు .. రెడీయా! అని శ్రీముఖి దర్ దర్ బాద్ తుక్డే .. పాట పాడింది ఇంకే ముంది. నాగబాబు కళ్లు తిరిగి పడిపోయాడు. బాబుగారు అని శ్రీముఖి లేపినా లేవలేదు. నాగబాబు శ్రీముఖిని పాట పాడమని అడగటం.. ఆమె పాడటం. ఆయన కళ్లు తిరిగి పడిపోవడం అన్నీ కనిపిస్తున్నాయి. అయితే అన్నీ సరదాగానే చేశారిద్దరూ. చూసిన వారందరూ వారి కామెడీకి నవ్వుకోవాల్సిందే. వీడియో పోస్ట్ చేసిన శ్రీముఖి బాబు బంగారం.. కాన్సెప్ట్ అండ్ డైరెక్షన్ కూడా స్వీట్ పర్సన్ నాగబాబుగారిదే అంటూ క్యాప్షన్ పోస్ట్ చేసింది. నటిగా, యాంకర్గా బిజీగా ఉన్న శ్రీముఖి బిగ్బాస్ సీజన్ 3లోనూ పాల్గొని రన్నరప్గా నిలిచింది. పలు షోస్కు వ్యాఖ్యాతగా చేస్తూనే వీలున్నప్పుడల్లా సినిమాల్లోనూ నటిస్తుంది. ఇక మెగా బ్రదర్ గురించి ప్రత్యేకంగా చెప్పనక్కర్లేదు. ఒకవైపు సినిమాలు చేసుకుంటూనే మరో వైపు తన యూ ట్యూబ్ ఛానెల్లో కాన్సెప్ట్స్ చేస్తున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3E9iuG2
No comments:
Post a Comment