ఆది పురుష్ షూటింగ్ పూర్తయిన సంగతి తెలిసిందే. ఓం రావత్ చకచకా షూటింగ్ను కానిచ్చేసినట్టున్నాడు. రావణాసురుడిగా సైఫ్ అలీ ఖాన్ పాత్ర, లక్ష్మణుడిగా పాత్రలకు సంబంధించిన షూటింగ్ ముందే పూర్తయింది. ఈ మధ్యే ప్రభాస్ పాత్రకు సంబంధించిన షూటింగ్ పార్ట్ కూడా పూర్తయింది. ఇక రామలక్ష్మణుల ప్రేమ ఎలా ఉంటుందో అందరికీ తెలిసిందే. తెరపై ఆ పాత్రలను పోషించడంతో ప్రభాస్, సన్నీ సింగ్ల మధ్య అంతే బంధం ఏర్పడినట్టు కనిపిస్తోంది. సన్నీ సింగ్ ప్రతీ సారి ప్రభాస్ గురించి ఎంతో గొప్పగా చెబుతుంటాడు. నా పెద్దన్న అంటూ సంబోధిస్తుంటాడు. ప్రభాస్తో షూట్ పూర్తయినా కూడా ఇంకా అదే మూడ్లో ఉన్నట్టు కనిపిస్తోంది. షూటింగ్ మొదలై వంద రోజులు అవుతున్న సందర్భంగా సన్నీ సింగ్ ఓ పోస్ట్ వేశాడు. మొదట ఇన్ స్టాగ్రాంలో ఓ పోస్ట్ పెట్టాడు. ప్రభాస్చకు ఇన్ స్టా అకౌంట్ ఉంది. కానీ ట్విట్టర్ అకౌంట్ లేదు. ఈ విషయం అందరికీ తెలుసు. కానీ సన్నీ సింగ్కు మాత్రం తెలియదు. ఇన్ స్టాలో షేర్ చేసిన పోస్ట్ను యథాతథంగా ట్విట్టర్లో కాపీ చేసినట్టున్నాడు. అప్పుడు ప్రభాస్ పేరుతో ఎవరో ఒక అభిమాని ట్విట్టర్ హ్యాండిల్ వచ్చింది. దీంతో డార్లింగ్ అభిమానులు కాస్త హర్ట్ అయ్యారు. ప్రభాస్కు ట్విట్టర్ అకౌంట్ లేదు.. దయచేసి ఆ ట్వీట్ను తీసేసి.. మళ్లీ కొత్త ట్వీట్ వేయండని కోరుతున్నారు. ఇంతకీ సన్నీ సింగ్ వేసిన పోస్ట్లో ఏముందంటే.. జీవితం ముందుకు వెళ్తుంటే.. మన దారులు వేరు అవుతాయేమో కానీ మన బంధం మాత్రం ఎప్పటికీ బలంగానే ఉంటుంది. నీతో పని చేయడం ఎంతో ఆనందంగా ఉంది సోదరా.. ఆది పురుష్కు వంద రోజులు అంటూ సన్నీ సింగ్ చెప్పుకొచ్చాడు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3mZKyWB
No comments:
Post a Comment