మెగా కుటుంబానికి చెందిన యువ కథానాయకుడు, సుప్రీమ్ హీరో సాయిధరమ్ తేజ్‌కు యాక్సిడెంట్ అయ్యింది. ఆయ‌న ప్ర‌యాణిస్తున్న స్పోర్ట్స్ బైక్ స్కిడ్ కావ‌డంతో ప్రమాదం పెద్ద‌గానే జరిగింది. అయితే అదృష్ట‌వ‌శాత్తు ఈరోజు పండ‌గ కావ‌డంతో పెద్ద‌గా ట్రాఫిక్ లేదు. వెనుక నుంచి పెద్ద వాహ‌నాలేవీ రాక‌పోవ‌డంతో సాయితేజ్‌కు పెద్ద ప్ర‌మాద‌మే త‌ప్పిందని పోలీసులు అంటున్నారు. షాక్‌కు గుర‌వ‌డంతో అప‌స్మార‌క స్థితిలో ఉన్నారు. ప్ర‌స్తుతం సాయితేజ్‌కు ఎలాంటి ప్రాణాపాయం లేదు. సాయితేజ్‌కు ప్రమాదం జ‌రిగింద‌ని తెలియ‌గానే మెగా హీరోలంద‌రూ మెడికేర్ హాస్పిట‌ల్‌కు చేరుకున్నారు. చిరంజీవి, పవన్కళ్యాణ్, అల్లు అర‌వింద్‌, అల్లు అర్జున్‌, సందీప్‌కిష‌న్‌, వైష్ణ‌వ్ తేజ్ స‌హా మెగా హీరోలు, స్నేహితులు, అభిమానులు హాస్పిట‌ల్‌కు చేరుకున్నారు. సాయితేజ్ మావ‌య్య పవన్కళ్యాణ్ సాయితేజ్ ఆరోగ్యంపై స్పందించారు. ప్ర‌స్తుతం సాయితేజ్ అప‌స్మార‌క స్థితిలోనే ఉన్నార‌ని, హాస్పిట‌ల్ షిప్ట్ చేస్తున్నార‌ని వివ‌రాలు తెలియ‌జేస్తామ‌ని పవన్ అన్నారు. ప్రాథ‌మిక టెస్టులు పూర్తి చేసిన‌ట్లు స‌మాచారం. ప్రాథ‌మిక చికిత్స‌ల్లో వ‌చ్చిన స్కానింగ్ రిపోర్టుల ప్ర‌కారం బ్రెయిన్‌కు ఎలాంటి ప్రమాదం జ‌ర‌గ‌లేద‌ని అంటున్నారు. 180 కిలోమీట‌ర్స్ వేగంతో స్పోర్ట్స్ బైక్‌పై వేగంతో జూబ్లీ హిల్స్ రోడ్డు నెం.45 నుంచి కేబుల్ బ్రిడ్జ్, ఐకియా రూట్‌లో వెళుతున్న‌ప్పుడు బ్రిడ్జ్ దిగ‌గానే అక్కడే బైక్ స్కిడ్ అయ్యింది. సాయితేజ్‌కు ఇంటర్నెల్‌గా ఏమైనా గాయాలైయ్యాయా అని డాక్టర్స్ స్కానింగ్ ద్వారా చెక్‌చేస్తున్నారు. కుడిక‌న్ను, ఛాతీ, పొట్ట‌భాగంలో గాయాలైన‌ట్లు బ‌య‌ట‌కు తెలుస్తున్నాయి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3A1EiSd
No comments:
Post a Comment