తెలుగు ప్రేక్షకులు ఎంతగానో ఎదురుచూస్తున్న ప్రతిష్టాత్మక మూవీ RRRని వీలైనంత త్వరలో రిలీజ్ చేయాలని షూటింగ్ పనులు వేగంగా చేస్తున్నారు రాజమౌళి. ఈ మేరకు ఏ మాత్రం గ్యాప్ ఇవ్వకుండా నటీనటుల డేట్స్ తీసుకొని సన్నివేశాల చిత్రీకరణ ఫినిష్ చేస్తున్నారు. ఇప్పటికే ఈ సినిమాకు సంబంధించి తన పార్ట్ షూటింగ్ కొంతమేర కంప్లీట్ చేసిన ఆలియా.. మరోసారి జక్కన్న టీమ్తో జాయిన్ కాబోతోంది. గతంలో ఆలియా వచ్చినప్పుడు కేవలం ఆమె సోలో సన్నివేశాల చిత్రీకరణ చేపట్టిన జక్కన్న.. ఇప్పుడు , ఆలియా భట్ మీద కీలక సన్నివేశాలను చిత్రీకరించబోతున్నాడని సమాచారం. అలాగే ఈ ఇద్దరితో ఓ రొమాంటిక్ డ్యూయెట్ కూడా ప్లాన్ చేశారట. ఈ మేరకు హైదరాబాద్ అన్నపూర్ణ స్టూడియోలో వేసిన భారీ సెట్ వేశారని, ఇందులోనే రామ్చరణ్, ఆలియా భట్లపై సన్నివేశాలు చిత్రీకరించి వీరిద్దరికి సంబంధించిన పార్ట్ షూటింగ్ ఫినిష్ చేయబోతున్నారని తెలుస్తోంది. ఫిక్షనల్ పీరియాడికల్ మూవీగా 1920 బ్యాక్డ్రాప్లో రాబోతున్న ఈ సినిమాలో రామ్ చరణ్, ఎన్టీఆర్ హీరోలుగా నటిస్తున్నారు. కొమురం భీమ్గా ఎన్టీఆర్, అల్లూరి సీతారామరాజుగా రామ్చరణ్ కనిపించబోతున్నారు. బాలీవుడ్ స్టార్ అజయ్ దేవగణ్ కూడా కీలక పాత్రలో నటిస్తున్నారు. రే స్టీవెన్ సన్, అలిసన్ డూడి, ఒలివియా మోరిస్ వంటి హాలీవుడ్ స్టార్స్ కూడా ఈ చిత్రంలో భాగమవుతున్నారు. భారీ బడ్జెట్ కేటాయించి పాన్ ఇండియా సినిమాగా డి.వి.వి.దానయ్య నిర్మిస్తోన్న ఈ చిత్రాన్ని అక్టోబర్ 13న విడుదల చేయబోతున్నారు. ఈ మూవీపై దేశవిదేశాల్లో ఉన్న ఆడియన్స్ ఓ రేంజ్ అంచనాలు పెట్టుకున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3rvtmbb
No comments:
Post a Comment