కలెక్షన్ కింగ్ మోహన్ బాబు నట వారసుడిగా సుమారు 17 ఏళ్ల క్రితం ‘విష్ణు’ సినిమాతో మంచు విష్ణు పరిచయం అయ్యారు. సొంత నిర్మాణ సంస్థ శ్రీ లక్ష్మీ ప్రసన్న పిక్చర్స్ ద్వారా హీరోగా పరిచయం అయ్యారు విష్ణు. అయితే, తొలి చిత్రం బాక్సాఫీసు వద్ద బోల్తా కొట్టింది. కానీ, ఆ తరవాత ఏడాది వచ్చిన ‘సూర్యం’ సినిమా విష్ణుకు గుర్తింపు తెచ్చిపెట్టింది. ‘ఢీ’ సినిమా స్టార్ డమ్ తీసుకొచ్చింది. అయితే, ఆ తరవాత ‘దేనికైనా రెడీ’, ‘దూసుకెళ్తా’ సినిమాలు మినహా విష్ణు హీరోగా నటించిన ఏ చిత్రాలు ఆకట్టుకోలేదు. చివరిగా ‘ఆచారి అమెరికా యాత్ర’, ‘ఓటర్’ సినిమాల్లో విష్ణు నటించారు. ఇవి కూడా డిజాస్టర్లే. ఇలాంటి డిజాస్టర్ ట్రాక్ తరవాత మంచు విష్ణు హీరోగా, నిర్మాతగా వచ్చిన చిత్రం ‘మోసగాళ్ళు’. విష్ణు కెరీర్లో భారీ బడ్జెట్తో రూపొందిన సినిమా ఇది. విష్ణుకు అక్కగా స్టార్ హీరోయిన్ కాజల్ అగర్వాల్ నటించారు. ఏవిఏ ఎంటర్టైన్మెంట్, 24 ఫ్రేమ్స్ ఫ్యాక్టరీ బ్యానర్లపై విష్ణు ఈ చిత్రాన్ని నిర్మించారు. జెఫ్రీ గీ చిన్ దర్శకత్వం వహించారు. ప్రపంచంలో జరిగిన అతిపెద్ద ఐటీ స్కామ్ ఆధారంగా తెరకెక్కిన ఈ చిత్రాన్ని తెలుగు, తమిళ్, మలయాళం, కన్నడ, హిందీ భాషల్లో నేడు (మార్చి 19న) భారీగా విడుదల చేశారు. ఈరోజు మోహన్ బాబు పుట్టినరోజు కూడా కావడం విశేషం. ఇప్పటికే యూఎస్లో ‘మోసగాళ్ళు’ ప్రీమియర్ షోలను చూసిన వాళ్లు సోషల్ మీడియా ద్వారా స్పందిస్తున్నారు. ప్రస్తుతానికి పాజిటివ్ టాక్ వినిపిస్తోంది. సినిమా బాగుందని అంటున్నారు. విష్ణు, కాజల్, సునీల్ శెట్టి, నవీన్ చంద్ర చాలా బాగా నటించారని టాక్. అయితే, స్లో నెరేషన్ సినిమాకు మైనస్ అని చెబుతున్నారు. సినిమాకు తమన్ నేపథ్య సంగీతం ప్రధాన బలంగా నిలిచిందని అంటున్నారు. జీరో ఎక్స్పెక్టేషన్స్తో వెళ్తే సినిమాను ఎంజాయ్ చేయొచ్చని చాలా మంది అభిప్రాయపడుతున్నారు. ప్రీ ఇంటర్వెల్, క్లైమాక్స్ బాగున్నాయని.. సినిమా మాత్రం ఫ్లాట్గా వెళ్తుందని టాక్. అయితే, కొంత మంది మాత్రం సినిమా బ్లాక్ బస్టర్ అని.. అద్భుతంగా ఉందని ట్వీట్లు చేస్తున్నారు. మొత్తం మీద మంచు విష్ణు గట్టెక్కినట్టే అంటున్నారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2OL21U4
No comments:
Post a Comment