బిగ్ బాస్‌లో మసాలా కంటెంట్ ఉంటేనే ప్రేక్షకులు చూస్తారని అనుకుంటున్నారో ఏమో కానీ.. బిగ్ బాస్ నిర్వాహకులు ఆడియన్స్ సహనానికి పరీక్ష పెడుతున్నారు. ప్రతి సీజన్‌కి ఓ రెండు మూడు జంటల్ని ఎన్నుకోవడం.. వాళ్ల మధ్య బలవంతంగా ఎఫైర్లు పెట్టడం.. వాళ్లు దగ్గరయ్యేలా పరిస్థితుల్ని కల్పించడం.. చివర్లో వాళ్లకు వాళ్లే కొట్టుకుని తిట్టుకునేట్టు చేయడం.. ఫైనల్‌గా బిగ్ బాస్ నుంచి బయటకు వచ్చేసరికి ఆ జంటలను క్యారెక్టర్ లేకుండా చేయడం ఆనవాయితీగా వస్తోంది. దీక్షాపంత్ , దీప్తి సునయన, నందిని, తేజస్విని, తనీష్, సమీర్ రెడ్డి, గీతా మాధురి ఇలా చాలా మంది మధ్య రొమాంటిక్ యాంగిల్‌ని నడిపించి చివర్లో అంత తుస్ అనిపించేవారు. అయితే గత మూడు సీజన్లలలో ఆటతో పాటుగా ఎఫైర్లు, రొమార్స్‌లు, సొల్లు కబుర్లు ఉండేవి. కానీ ఇప్పుడు ఈ సొల్లు కబుర్లు, ఎఫైర్ల, రొమాన్స్‌లతోనే ఆట నడుస్తోంది. పైగా ఈ సీజన్‌లో బరితెగించిన జంటలు చాలానే ఉండటంతో బిగ్ బాస్ వాళ్లు 20 శాతం అడల్ట్ కంటెంట్ కోరుకుంటే దానికి పదిరెట్లు ఎక్కువ ఇచ్చే గజ్జర్, , అభిజిత్, హారిక లాంటి వాళ్లు దొరకడంతో బిగ్ బాస్ హౌస్ లవర్స్ పార్క్ మాదిరి తయారైంది. ఇంతకు ముందు బిగ్ బాస్ అంటే ఫ్యామిలీ ఆడియన్స్ టీవీలకు అతుక్కుపోయేవారు.. మహాతల్లి, బిగ్ బాస్ దత్త పుత్రిక మోనాల్ గజ్జర్ ఎఫైర్లు, ఆమె వస్త్రధారణతో ఇది A సర్టిఫికేట్ షో అనే అభిప్రాయానికి వచ్చేలా చేశారు. మొదట్లో మోనాల్ కోసం అఖిల్, అభిజిత్‌లు కొట్టుకుచచ్చేంత పని చేసేవారు.. ఈ మధ్య అభిజిత్.. హారికకు దగ్గరైన తరువాత అఖిల్-మోనాల్‌లు మరింత దగ్గరౌతున్నారు. బిగ్ బాస్ ఛాన్స్ ఇవ్వాలే కాని బిగ్ బాస్ హౌస్‌లోనే కాపురం పెట్టేసేటంత నీఛాతి నీఛంగా ప్రవర్తిస్తున్నారు. ఖాళీ దొరికితే పాపం అన్నట్టుగా ముద్దులు, హగ్గులతో షోని చెత్త చెత్త చేస్తున్నారు. అఖిల్, అభిజిత్‌లు సరిపోలేదు అన్నట్టు.. ఈ మధ్య అవినాష్‌తో కూడా కనెక్ట్‌ అయ్యి పనికిమాలిన రొమాన్స్‌కి తెరతీస్తోంది మోనాల్. ఇక అవినాష్ అయితే మరీ కక్కుర్తి బ్యాచ్ సంఘం అధ్యక్షుడి పాత్ర పోషిస్తూ మోనాల్‌ని చూసి తెగ సొల్లు కార్చుకుంటున్నాడు. అటు అరియానా కూడా తహతహలాడుతూ అవినాష్‌ను కావాలని రెచ్చగొడుతూ కనిపిస్తోంది. ఇదిలాఉంటే.. మోనాల్-అఖిల్‌లు కావాలని ఇలా చేస్తున్నారో బిగ్ బాస్ వీళ్లని కేవలం బోల్డ్ కంటెంట్ ఇవ్వమంటున్నారో తెలియదు కానీ.. నాగార్జున మొదటి నుంచి వీళ్లని కావాలని రెచ్చగొడుతూ కనిపిస్తున్నారు. నీ మనసులో A ఉన్నాడు అంటూ మోనాల్‌ని కావాలని రెచ్చగొట్టారు. ఆ తరువాత మనసులో ఎవరు ఉన్నారు అదీ ఇదీ అంటూ అఖిల్-మోనాల్‌ల మధ్య ఏదో నడుస్తుందని జనంలోకి బలంగా వెళ్లేట్టు ప్రమోట్ చేశారు. కావాలని వాళ్లిద్దరికీ టాస్క్‌లు ఇవ్వడం.. ఇద్దర్నీ దగ్గర చేయడం.. పదే పదే వాళ్లనే చూపించడం లాంటివి చేస్తున్నారు. తాజాగా ‘ప్రేమ మొదలైంది’ సినిమా టాస్క్‌లో కూడా హౌస్‌లో ఎవరూ లేనట్టు అఖిల్-మోనాల్‌లను హీరో హీరోయిన్లుగా పెట్టి వాళ్ల మధ్య రొమాంటిక్ సీన్లు పెట్టారు. అయినా బిగ్ బాస్ పిచ్చి కాకపోతే.. అఖిల్-మోనాల్‌లు రొమాన్స్ చేస్తున్నట్టు నటించాలా?? రోజూ హౌస్‌లో చేసేది అదే కదా.. సుబ్బరంగా అర్థరాత్రి కెమెరాలు వాళ్లపై ఫోకస్ పెడితే వాళ్లకు కావాల్సిన కంటెంట్ దొరకేసేదే. తాజాగా నాగార్జున ‘వైల్డ్ డాగ్’ షూటింగ్‌కి వెళ్లడంతో అతని ప్లేస్‌లో హోస్ట్‌గా సమంత అడుగుపెట్టింది. వచ్చీరావడంతోనే ‘అఖిల్ నీ డ్రెస్ బాగుంది.. గుజరాతీ స్టైల్‌నా’ అంటూ గుజరాతీ భామ మోనాల్‌పై డైరెక్ట్ పంచ్ వేసింది. ఇక సీతా లవ్స్ రామా.. రామా లవ్స్ సీతా అనే పాటకు మోనాల్-అఖిల్‌తో స్టెప్పులు వేయించారు.. ఇక మా కథ వేరు ఉంటుంది బాబా అంటూ తెగ సిగ్గుపడిపోతుంది మోనాల్.. ఇది కూడా నేషనల్ టెలివిజన్‌లో వచ్చేసింది అనుకోండి అదే వేరే విషయం. ఇక పండుగ పూట సమంత ఇంటి సభ్యులతో ‘స్వయంవరం’ అనే గేమ్‌ని స్టార్ట్ చేసింది. బిగ్ బాస్ హౌస్‌లో ఉన్న అమ్మాయిలు లాస్య మినహా మిగిలిన నలుగురు అరియానా, హారిక, దివి, మోనాల్‌కు స్వయం వరం ఏర్పాటు చేసి.. వాళ్లని ఇంప్రెస్ చేయాలని అబ్బాయిలకు టాస్క్ ఇచ్చింది సమంత. అయితే ఈ ‘స్వయంవరం’లో విన్నర్స్‌ ఎవరో తేల్చే బాధ్యత తన మరిది.. అక్కినేని వారసుడు, మోస్ట్ ఎలిమిజిబుల్ బ్యాచ్‌లర్ అఖిల్‌కి అప్పగించింది సమంత. ఇక్కడ కూడా దరిద్రం ఏంటంటే.. మోనాల్‌ని ఇంప్రెస్ చేయాలని అఖిల్‌కే చెప్పడం. రోజూ అఖిల్ చేసేది ఇదే కదా.. మళ్లీ పండగ పూట కూడా ఇదే దరిద్రాన్ని చూపిస్తున్నారు. అయితే సంతోషించాల్సిన విషయం ఏంటంటే.. అఖిల్ ‘మొన్న కనిపించావు.. మైమరచిపోయాను’ అనే పాటను అందుకోకుండా ఈసారి పాట మార్చడం. మురారి సినిమాలోని ‘బంగారు కళ్ల బుచ్చెమ్మో’ పాట పాడాడు. ఇక సొహైల్‌పై అదిరిపోయే పంచ్ వేసింది సమంత. బనియన్‌తో కండలు చూస్తూ రచ్చ టైటిల్ సాంగ్ రచ్చ లేపే స్టెప్పులు వేశాడు సొహైల్. ‘ఒకే ఇంప్రెస్ అయ్యారా?? లేదంటే ఆ బనియన్ కూడా ఇప్పించాలా? అంటూ హుషారైన పంచ్ వేసింది అక్కినేని కోడలు పిల్ల.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3opADYP
No comments:
Post a Comment