పవన్ కళ్యాణ్ మాజీ భార్య, నటి, నిర్మాత, రచయిత తన సెకండ్ ఇన్నింగ్స్ ప్రారంభించారు. చాలా రోజుల తర్వాత తిరిగి ప్రేక్షకులను పలకరించేందుకు రెడీ అయ్యారు. ఈ మేరకు ఓ పవర్‌ఫుల్ లేడి ఓరియంటెడ్ ప్యాన్ ఇండియా వెబ్ సిరీస్‌కి శ్రీకారం చుట్టారు. మహిళా సాధికారత నేపథ్యంలో రూపొందిస్తున్న ఈ వెబ్ సిరీస్‌ని తన కూతురు '' పేరుతో విడుడల చేయబోతోంది రేణు దేశాయ్. మొత్తం 12 ఎపిసోడ్లుగా ఈ వెబ్ సిరీస్ ప్రేక్షకుల ముందుకు రానుంది. డి.ఎస్.కె.స్క్రీన్, సాయికృష్ణ ప్రొడక్షన్స్ బ్యానర్స్‌పై డిఎస్ రావు, రజనీకాంత్.ఎస్ సంయుక్తంగా నిర్మిస్తున్న ఈ ప్రతిష్టాత్మక వెబ్ సిరీస్‌తో యువ ప్రతిభాశాలి ఎంఆర్. కృష్ణ మామిడాల దర్శకుడిగా పరిచయమవుతున్నారు. యు అండ్ ఐ పద్మనాభరెడ్డి సమర్పిస్తున్నారు. ఇందులో నందిని రాయ్ తోపాటు బాలీవుడ్ హీరో 'వైభవ్ తత్వవాడి' ముఖ్య పాత్రలో నటిస్తున్నారు. నాలుగు భాషల్లో రూపొందనున్న ఈ ఆద్య వెబ్ సిరీస్ విజయదశమి రోజు డిఎస్ రావు కార్యాలయంలో అధికారికంగా ప్రారంభమైంది. Also Read: పూజా కార్యక్రమాల అనంతరం స్క్రిప్ట్‌ను ప్రముఖ పారిశ్రామికవేత్త చింతిరెడ్డి అనంత్ రెడ్డి దర్శకుడు కృష్ణకు అందించారు. అనంతరం రేణు దేశాయ్ పై చిత్రీకరించిన ముహూర్త సన్నివేశానికి ప్రముఖ దర్శకులు నీలకంఠ కెమెరా స్విచాన్ చేయగా.. డిఎస్ రావు క్లాప్ కొట్టారు. ఎంఆర్ కృష్ణ మామిడాల దర్శకత్వం వహించారు. ఈ కార్యక్రమంలో ఛాయాగ్రాహకుడు శివేంద్ర దాశరధి, పిల్ల జమిందార్ ఫేమ్ అశోక్, బివివి చౌదరి, రజనీకాంత్ తదితరులు పాల్గొన్నారు. అనంతరం రేణు దేశాయ్ మాట్లాడుతూ.. దర్శకుడు కృష్ణ చెప్పిన కథ తనను విపరీతంగా ఆకట్టుకుందని, దేశవ్యాప్తంగా చర్చనీయాంశం అయ్యేంత గొప్ప కథ ఇది అన్నారు. మహిళా సమస్యలపై తెరకెక్కనున్న ఈ వెబ్ సిరీస్‌కి ఆద్య అనే పవర్ ఫుల్ టైటిల్ పెట్టుకుందామని నిర్మాత చెప్పడంతో వెంటనే ఓకే అన్నానని చెప్పారు. ఆద్య అంటే మహా సరస్వతి, మహా లక్ష్మి, ఆది శక్తి అని చెప్పిన ఆమె ఈ వెబ్ సిరీస్‌కి అంతటి బలం ఉండాలనే ఆ పేరునే ఫైనల్ చేశామని తెలిపారు. ఇక ప్రొడక్షన్, కథ, డైరెక్షన్ ఈ మూడు అంశాలు కలసి వస్తే తిరిగి కెమెరా ముందుకు రావడానికి తనకెలాంటి అభ్యంతరం లేదని రేణు చెప్పారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3or3psa
No comments:
Post a Comment