పునర్నవికి పెళ్లి కాబోతుంటే రాహుల్ సిప్లిగంజ్‌కి ఏం సంబంధం.. అన్నయ్యా!! వదినకు పెళ్లంట అంటూ రాహుల్ సిప్లింగజ్ ఫ్యాన్స్ ఒకటే మెసేజ్‌ల బాదుడు బాదుతున్నారు. దీంతో చెర్రెత్తికొచ్చిన ఓరి బాబోయ్.. ఆ ఆపండ్రోయ్.. ఎవరిదో ఎంగేమ్ మెంట్ అయితే నన్నెందుకు ట్యాగ్ చేస్తుర్రూ రా భై.. ఉన్న పోరీలతోనే సరిపోతలేదు నాకు.. ఇంక ఎక్స్ ట్రా ఫిట్టింగ్‌లు నాకెందుకు నాయనా’ అంటూ దండాలు పెట్టేస్తూ ఫేస్ బుక్‌ స్టోరీలో ఫన్నీ పోస్ట్ పెట్టాడు. అయితే రాహుల్ సిప్లిగంజ్ ఇప్పుడు ఎన్ని దండాలు పెట్టినా ఏం ప్రయోజనం.. బిగ్ బాస్ హౌస్‌లో ఉన్నన్నాళ్లూ పునర్నవితో గట్టిగానే పులిహోర కలిపాడు. ఇద్దరూ రొమాన్స్‌లు ముద్దులు అబ్బో హౌస్‌లో వీళ్ల బంధం ఫెవికాల్ కంటే బలమైనదే. ఇక రాహుల్ సిప్లిగంజ్ బిగ్ బాస్ టైటిల్ గెలిచాక.. తన విజయంలో పునర్నవికి భాగస్వామ్యం కల్పించాడు. బయటకు వచ్చిన తరువాత కూడా ఈ ఇద్దరి మధ్య ఏదో నడుస్తుందన్న వార్తలకు బలం చేకూర్చుతూ ఎక్కడ చూసినా ఈ ఇద్దరే కనిపించేవారు. ఏ టీవీ షోలో చూసినా ఈ ఇద్దరే. దీంతో ఈ ఇద్దరూ లవ్‌లో ఉన్నారని త్వరలో పెళ్లి చేసుకోబోతున్నారని అటు రాహుల్ ఫ్యాన్స్‌తో పాటు ఫ్యాన్స్ కూడా ఫిక్స్ అయ్యారు. రాహుల్ సిప్లిగంజ్ విన్నర్ అయిన తరువాత ఏర్పాటు చేసిన స్పెషల్ మ్యూజికల్ షోలో పునర్నవి-రాహుల్‌లను అన్నయ్య వదినా అంటూ వాళ్ల ఫాన్స్ ఫ్లెక్సీలు ఏర్పాటు చేసి హంగామా చేశారంటే వీరిద్దరి బంధాన్ని ఎంత బలంగా నమ్మారో అర్థం చేసుకోవచ్చు. అయితే ఆ తరువాత కాలంలో ఏమైందో ఏమో కానీ.. పున్నూ-రాహుల్‌ల మధ్య గ్యాప్ వచ్చింది. హౌస్‌లో ఎవరూ లేక పునర్నవితో ఉన్నా.. ఇప్పుడు ఎవరి లైఫ్ వాళ్లది ఆమె ఫ్రెండ్ సర్కిల్ వేరు.. నా ఫ్రెండ్ సర్కిల్ వేరు అంటూ రాహుల్ షాకింగ్ కామెంట్స్ చేశాడు. ఇక పునర్నవి కూడా ఇదే తరహాలో స్పందించి రాహుల్ జస్ట్ ఫ్రెండ్ అని రూమర్లను కొట్టిపారేసింది. అయితే వీళ్లిద్దరూ విడిపోయినా.. ఫ్యాన్స్ మాత్రం వెంటాడుతూనే ఉన్నారు. ఈ ఇద్దరూ ఎక్కడ కనిపించినా లవ్, మ్యారేజ్ ప్రశ్నలు ఎదురయ్యేవి. ఇదిలా ఉంటే.. పునర్నవి భూపాలం తనకు పెళ్లి కుదిరినట్టు నిన్న సోషల్ మీడియా ద్వారా వెల్లడించిన విషయం తెలిసిందే. తనకు నిశ్చితార్థం అయినట్టు తెలియజేస్తూ ఉంగరం వేలును చూపుతూ ఇన్‌స్టాగ్రామ్‌లో ఒక పోస్ట్ పెట్టారు పునర్నవి. తన కాబోయే భర్తను పున్ను పరిచయం చేశారు. అతని పేరు ఉద్భవ్ రఘునందన్. ఆయన కూడా సినీ పరిశ్రమకు చెందినవారే. నటుడు, స్క్రీన్ రైటర్. ‘నేను అవును అని చెప్పాల్సి వచ్చింది. ఉద్భవ్ రఘునందన్, నేను మా బిగ్ డే గురించి రేపు చెబుతాం’’ అంటూ సస్పెన్స్ క్రియేట్ చేసింది పునర్నవి. అయితే ఇదంతా పునర్నవి అప్ కమింగ్ ప్రాజెక్ట్ ప్రమోషన్స్‌లో భాగం మాత్రమే అని.. నిజమైన పెళ్లి, నిశ్ఛితార్థం కాదని తెలుస్తోంది. ప్రముఖ తెలుగు ఓటీటీ ప్లాట్‌ఫాం ‘ఆహా’ కోసం వీళ్లిద్దరూ ఒక వెబ్ సిరీస్‌లో నటించారు. ఇటీవలే వీరిద్దరూ డబ్బింగ్ కూడా పూర్తిచేశారు. హిందీ వెబ్ సిరీస్ ‘పర్మనెంట్ రూంమేట్స్’కు ఇది రీమేక్. ఈ వెబ్ సిరీస్ ప్రచారంలో భాగంగానే పున్ను ఈ ఎంగేజ్‌మెంట్ ప్లాన్ వాడుతున్నట్టు సమాచారం.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3kKnKqe
No comments:
Post a Comment