4 కంటెస్టెంట్ అభిజీత్ ఫిజికల్ టాస్క్ల్లో సరిగా ప్రభావం చూపలేకపోతున్నారనేది చాలా మంది వాదన. కాకపోతే తన మైండ్ గేమ్తో అవతల వారిపై పేచేయి సాధిస్తున్నారు. అయితే, అభిజీత్ ఫిజికల్ టాస్క్ల్లో వెనకబడటానికి కారణాలను ఆయన స్నేహితుడు, నటుడు సుధాకర్ కోమాకుల చెప్పుకొచ్చారు. ప్రేక్షకులకు తెలియని సీక్రెట్స్ను ఆయన బయటపెట్టారు. అభిజీత్ మంచి క్రీడాకారుడని సుధాకర్ చెప్పారు. క్రికెట్, బాస్కెట్ బాల్తోపాటు చాలా స్పోర్ట్స్ అభిజీత్ ఆడతాడని వెల్లడించారు. అయితే, అభిజీత్ భుజానికి గతంలో గాయమైందని.. అందుకని బిగ్ బాస్ హౌజ్లో కొన్ని ఫిజికల్ గేమ్స్ను అతను సరిగా ఆడలేకపోతున్నాడని సుధాకర్ వివరించారు. ఆ గాయం లేకపోయుంటే ఫిజికల్గా అభిజీత్ చాలా దృఢంగా ఉంటాడని అన్నారు. అభిజీత్ గతంలో సిక్స్ ప్యాక్ ఫొటోషూట్ చేశాడని.. అది అతని తొలి సిక్స్ ప్యాక్ ఫొటోషూట్ అని.. దానిని తానే తీశానని సుధాకర్ వెల్లడించారు. ఈ ఫొటోషూట్ కోసం అభిజీత్ చాలా కష్టపడ్డాడని.. మూడు రోజులు ఏమీ తినకుండా, తాగకుండా ఎంతో శ్రద్ధతో చేశాడని సుధాకర్ తెలిపారు. Also Read: అభిజీత్ చాలా ప్రతిభావంతుడని, కష్టపడేతత్వం అతని సొంతమని సుధాకర్ అన్నారు. అయితే, కొన్ని కొన్ని ఫిజికల్ టాస్క్ల్లో అభిజీత్ సత్తా చాటలేకపోవడం తనకు కూడా బాధనిపిస్తోందని సుధాకర్ చెప్పారు. అయినప్పటికీ ముందు ముందు తన శక్తిని కూడగట్టుకుని సత్తా చాటుతాడని తనకు అనిపిస్తోందని సుధాకర్ ఆశాభావం వ్యక్తం చేశారు. అభిజీత్ను ప్రోత్సహించాలని.. ఆయన ఎలిమినేషన్కు నామినేట్ అయిన ప్రతిసారి ఓటు వేసి గెలిపించాలని.. బిగ్ బాస్ 4 విన్నర్గా అభిజీన్ను నిలబెట్టాలని ప్రేక్షకులను సుధాకర్ కోరారు. ఇదిలా ఉంటే, శేఖర్ కమ్ముల ‘లైఫ్ ఈజ్ బ్యూటీఫుల్’ సినిమా ద్వారా అభిజీత్, సుధాకర్ కోమాకుల వెండితెరకు పరిచయమయ్యారు. ఈ సినిమాలో సుధాకర్ పోషించిన నాగరాజు పాత్రకు మంచి గుర్తింపు లభించింది. తెలంగాణ కుర్రాడిగా సుధాకర్ యాస, నటన అందరినీ కట్టిపడేసింది. అలాగే అభిజీత్ కూడా తన సెటిల్డ్ యాక్టింగ్తో ఆకట్టుకున్నారు. ఈ సినిమాతో అభిజీత్, సుధాకర్ మంచి స్నేహితులయ్యారు. అయితే, తొలి సినిమాతోనే హిట్ అందుకున్న ఈ హీరోలిద్దరూ టాలీవుడ్లో నిలదొక్కుకోలేకపోయారు. కాగా, నేడు అభిజీత్ బర్త్డే.. ఈ సందర్భంగా ఆయనకు ఇన్స్టాగ్రామ్ ద్వారా సుధాకర్ శుభాకాంక్షలు తెలిపారు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3iRkJ5z
No comments:
Post a Comment