ఫ్లాప్ సినిమాల మీదే ఇండస్ట్రీ బ్రతుకుతోంది.. ప్లీజ్! రివ్యూ రైటర్స్‌కి చేతులెత్తి మొక్కిన పూరి జగన్నాథ్

గత కొన్నిరోజులుగా పూరి మ్యూజింగ్స్ అంటూ వరుస ఆడియోలతో హంగామా చేస్తున్న డాషింగ్ డైరెక్టర్ .. తాజాగా 'ప్లాప్‌ సినిమా' అనే టాపిక్‌‌పై మాట్లాడుతూ తన వాయిస్ ఇచ్చారు. ఫ్లాప్ సినిమాల మీదే సినీ ఇండస్ట్రీ బ్రతుకుతోందంటూ సంచలన కామెంట్స్ చేశారు. ఏడాదిలో రెండు వందల సినిమాలొస్తే.. హిట్‌లు, బ్లాక్ బస్టర్‌లు కలిపి పదే ఉంటాయని, మిగితావన్నీ ఫ్లాప్‌లే అని తెలిపారు. ఆయన మాట్లాడుతూ ''ఫ్లాప్‌ని ఎవ్వరూ కోరుకోరు. ఫ్లాప్ అవుతుందని ముందే తెలిస్తే ఎవరూ సినిమా తీయరు. ఏడాదిలో రెండు వందల సినిమాలొస్తే.. హిట్‌లు బ్లాక్ బస్టర్‌లు కలిపి పదే ఉంటాయి. మిగిలిన నూట తొంభై ఫ్లాపులే. జీవితాంతం ఈ ఫ్లాప్ సినిమాలు చూడలేక, వాటిని ఎనలైజ్ చేయలేక.. జర్నలిస్టులకి తిక్కలేసి రివ్యూలతో వాయించేస్తారు. ఎందుకంటే అన్ని సినిమాలూ అలాగే ఏడుస్తున్నాయ్ గనుక‌. ఆ రివ్యూల దెబ్బకి అప్పటికే అన్నీ అమ్ముకున్న ప్రొడ్యూసర్ ఇండస్ట్రీని వదిలేసి వెళ్లిపోతాడు. అతడి స్థానంలో ఇంకొకడు వస్తాడు. ఇంకో ఫ్లాప్‌ సినిమా తీస్తాడు. Also Read: నిజం ఏంటంటే.. ఆ 190 ఫ్లాప్ సినిమాల మీదే ఈ ఫిల్మ్ ఇండస్ట్రీ బ్రతుకుతోంది. ఇక్కడున్న అందరికీ అన్నం పెట్టేవి అవే. ఫ్లాప్ సినిమా వల్ల కూడా దేశానికి ఎంతో మేలు జరుగుతుంది. ఒక ఫ్లాప్ సినిమా కోసం ప్రొడ్యూసర్ కోట్లు ఖర్చు పెడితే.. యాక్టర్లు, జూనియర్ ఆర్టిస్ట్‌లు, సెట్లు, అవుట్ డోర్ యూనిట్, లొకేషన్ల కోసం ఇలా ఎంతో మందికి పని ఇస్తాడు. అందరూ రెమ్యునరేషన్స్ తీసుకుంటారు. గవర్నమెంటుకి టాక్స్‌లు కూడా గడతారు. అందరికీ కవర్లు ఇస్తాడు. హోర్డింగ్‌లకి, పేపర్‌ యాడ్స్‌కి, వెబ్ సైట్స్‌కి, హోటల్‌కి, ట్రైన్లకి, ప్లయిట్స్‌కి ఇలా అందరికీ డబ్బు కట్టే ఉంటాడు. అందరం బెనిఫిట్స్ పొందుతాం. కానీ సినిమా తేడా వస్తే వాడి తాట తీస్తాం. మన రాతలతో, మన ట్వీట్‌లతో మళ్లీ ఆ ప్రొడ్యూసర్‌కి ఇంకెవరు డేట్స్‌ ఇవ్వకుండా.. ఆ ఫ్లాప్ డైరెక్టర్‌కి ఇంకో సినిమా రాకుండా చూస్తాం. సినిమా రివ్యూస్‌ రాసే అందరికీ చేతులెత్తి మొక్కుతూ అడుగుతున్నా.. మీరు కాపాడాల్సింది ఫ్లాప్‌ మూవీస్‌ని.. బ్లాక్ బస్టర్స్‌ని కాదు. ఐ నో యు ఆర్‌ ఆల్ ప్రస్టేటేడ్ విత్‌ బ్యాడ్ మూవీస్‌. బట్‌ ఇక్కడ ఎవరూ జీనియస్ కాదు. తెలిసో తెలియకో.. డైరెక్టర్ ఫ్లాప్‌ తీసి ఉండొచ్చు. కానీ వాడి వల్ల కొంతమందికి తిండి దిరికింది. కాబట్టి వాడిని కాపాడాల్సిన బాధ్యత మన మీద ఉంది. మీకు రేటింగ్ ఒకటే ఇవ్వాలనిపిస్తే రెండు ఇవ్వండి. రెండే వేయాలనిపిస్తే మూడు వేయండి. ఆ ఒక్క స్టార్ పెరగడం వల్ల కొన్ని కుటుంబాలు బ్రతుకుతాయి. Also Read: కళామతల్లి కడుపున ఎక్కువగా పుట్టింది ఫ్లాప్ డైరెక్టర్‌లు, ఫ్లాఫ్‌ ప్రొడ్యూసర్లే. బ్లాక్‌బస్టర్స్‌ తీసే ఆ పదిమంది పిల్లల్ని మీరు ఎత్తుకోనవసరం లేదు. మీరందరూ ఎత్తుకోవాల్సింది వీరినే.. ఎందుకంటే మీరు కూడా కళామతల్లి బిడ్డలే. వాళ్లు మీ అన్నదమ్ములే. దయచేసి ఒకర్నొకరు శత్రువులా చూసుకోవద్దు. నీ తమ్ముడికి ఇంకో సినిమా వస్తే.. మరో సినిమా మొదలవుద్ది. మిగతావాళ్లు చేయలేనిది వాడు చేశాడు. సినిమా తీశాడు. కొన్ని ఫ్యామిలీస్‌కైనా ఫీడింగ్‌ దొరుకుతుంది. ఈ ఫ్లాఫ్ మూవీస్ తోనే, హీరోహీరోయిన్ల ఫొటోలతే కదా ఏడాదంతా వెబ్ సైట్స్, మ్యాగజైన్స్, ఛానెల్స్ అన్నీ రన్ అవుతున్నాయి. వీటివల్లే ఎంతోకొంత ఇన్‌కమ్ అందరికీ ఉంది. ఓ ప్రొడ్యూసర్ ఉన్నదంతా ఊడ్చిపెట్టి ప్రేక్షకుల చప్పట్ల కోసం ఆశగా ఎదురుచూస్తాడు. ఆ చప్పట్లు పడకపోతే జీవితాలు నాశనమైపోతాయి. బిజినెస్ యాంగిల్ లో చూస్తే అసలు సినిమా తీయకూడదు. ఇంత రిస్కీ బిజినెస్ ఎవరు చేస్తాడు? సినిమా అంటే పిచ్చి ఉన్నోడు? వాడే చేస్తాడు. అలాంటి పిచ్చోడు బతకాలి. Also Read: సినిమా రిలీజ్ ముందు బయ్యర్లు కొనక రాత్రిపూట ల్యాబుల్లో పంచాయితీలు జరుగుతాయి. ప్రొడ్యూసర్ ఏడుస్తూ చేతులెత్తేస్తాడు. కాబట్టి మీరు సినిమా చూసేటప్పుడు ఇందులో ప్రాణం ఉందా? లేదా శవమా? దీన్ని నేను ఎలా కాపాడగలను.. అనే చూడండి. దయచేసి ఫస్ట్ డే ఫస్ట్ షో థియేటర్ నుంచి లైవ్ అప్‌డేట్స్ ఇవ్వడం మానుకోండి. ప్రతి ఫ్లాప్ సినిమా వెనుక పదేళ్ల కష్టం ఉంటుంది. ఫ్లాప్ తీసినోడు కనబడితే గట్టిగా ఒక హగ్ ఇవ్వండి. ఎందుకంటే వాడు వంద మందికి తిండిపెట్టిన హీరో. ఆ ఫ్లాపులుగానీ లేకపోతే అందరం అడుక్కుతింటాం'' అన్నారు పూరి జగన్నాథ్.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2SG4Zrg