పరేషాన్ చేసిన విజయ్ దేవరకొండ.. ఇదెక్కడి స్టైల్ బాబోయ్! అందుకోసమేనా..?

టాలీవుడ్ రౌడీస్టార్ తన లుక్‌తో మరోసారి వార్తల్లో నిలిచారు. తాజాగా కొత్త అవతారంలో కనిపించి పరేషాన్ చేశారు. తన తండ్రి గోవర్ధన్ రావుతో, తమ్ముడు ఆనంద్ దేవరకొండతో విజయ్ దేవరకొండ దిగిన కొన్ని ఫొటోలు సోషల్ మీడియాలో వైరల్ అవుతున్నాయి. వీటిలో ఆయన లుక్ చూసిన నెటిజన్స్.. ఇదెక్కడి స్టైల్ బాబోయ్! అంటూ ఆశ్చర్యపోతున్నారు. ఫాదర్స్ డే సందర్భంగా విషెష్ చెబుతూ తన కొత్త లుక్‌లో తండ్రితో కలిసి దిగిన పిక్స్ షేర్ చేశారు విజయ్ దేవరకొండ. ''నేను తీసుకునే నిర్ణయాలు, చేసే తప్పులు, నష్టాలు, సాహసాలు అన్నింటా ఆయనే ముందుంటారు. ది ఫస్ట్ దేవరకొండ.. హ్యాపీ ఫాదర్స్ డే. ఐ లవ్ యూ'' అని పేర్కొంటూ తండ్రి పక్కనే తాను హ్యాపీ మూమెంట్‌లో కూర్చున్న పిక్ పోస్ట్ చేశారు విజయ్ దేవరకొండ. అయితే ఈ ఫొటోలో విజయ్ ఫ్రెంచ్ కట్ లుక్‌లో డిఫరెంట్‌గా కనిపించడంతో అంతా షాకయ్యారు. ప్రస్తుతం ఈ పిక్ సోషల్ మీడియాలో వైరల్ అవుతోంది. వరుస సినిమాలతో బిజీగా ఉన్న విజయ్ దేవరకొండ లాక్‌డౌన్ కారణంగా గత రెండున్నర నెలలుగా ఇంట్లోనే ఉంటున్నారు. ఈ క్రమంలోనే ఈ లుక్ లోకి వచ్చారా? లేక ఆయన లేటెస్ట్ మూవీ 'ఫైటర్' సినిమా కోసమే ఈ లుక్ లోకి వచ్చారా? అనేది మాత్రం సస్పెన్సుగా మిగిలింది. Also Read: ప్రస్తుతం పూరిజగన్నాథ్ దర్శకత్వంలో ‘ఫైటర్’ మూవీ రూపొందుతోంది. ముంబై బ్యాక్‌డ్రాప్‌లో బాక్సింగ్ నేపథ్యంలో తెరకెక్కుతున్న ఈ సినిమాను పూరి, ఛార్మి, కరణ్‌ జోహార్‌లు సంయుక్తంగా నిర్మిస్తున్నారు. ఈ చిత్రంలో విజయ్ దేవరకొండ సరసన బాలీవుడ్ బ్యూటీ అనన్యపాండే హీరోయిన్‌గా నటిస్తోంది. లాక్‌డౌన్ కారణంగా ఆగిపోయిన ఈ సినిమా షూటింగ్ అతిత్వరలో తిరిగి రీ ఓపెన్ కానుంది.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2YjdrjW