మెగాస్టార్ నటించిన నరసింహారెడ్డికి టాక్ అయితే సూపర్ పాజిటివ్‌గా ఉంది. చాలామంది అయితే మరొక బాహుబలి అనేస్తున్నారు కూడా. రాజమౌళితో సహా చాలామంది సెలబ్రిటీలు ఈ సినిమాని మొదటిరోజే చూసి తమ ఫీలింగ్స్‌ని సోషల్ మీడియా ద్వారా తెలియజేస్తున్నారు. ఏ సినిమాకి కాస్త మంచి టాక్ వచ్చిన వెంటనే ఆ సినిమా చూసి సోషల్ మీడియాలో స్పందించే కూడా రిలీజ్ రోజే సైరా సినిమా చూసాడు. అయితే మిగతావాళ్లంతా ఆ సినిమాలోని గ్రాండియర్‌ని పొగుడుతున్నారు. మహేష్ మాత్రం 'ఆ సినిమా స్కెల్, గ్రాండియర్, విజువల్స్ కంటే కూడా చిరంజీవి గారి నటన చాలా చాలా గొప్పగా ఉంది' అని ప్రశంసిచాడు. ఇక సైరా సినిమాటోగ్రాఫర్ రత్నవేల్ వర్క్ గురించి మాత్రం స్పెషల్‌గా మాట్లాడాడు. అవుట్ స్టాండింగ్ సినిమాటోగ్రఫీ. ఈ మధ్య కాలంలో ఇది బెస్ట్ అంటూ కాంప్లిమెంట్స్ ఇచ్చాడు. నేచురల్ స్టార్ నాని కూడా సైరా గురించి తన స్టైల్‌లో సెన్సిబుల్ గా ట్వీట్ చేసాడు. అయితే నాని మాత్రం సైరా చూడకుండానే ట్వీట్ చేసాడు. నాని సినిమా చూడకపోవడానికి కారణం వేరు. అతను ప్రస్తుతం తన సినిమా షూటింగ్ కోసం సౌత్ కొరియాలో ఉన్నాడు. అక్కడ సైరా చూడడానికి స్కోప్ లేదట. ''కానీ టాక్ వినపడింది, ఇండియాలో బాక్సాఫీస్ ఘరానామొగుడు ఈజ్ బ్యాక్ అని...ఆగలేకపోతున్నా'' అంటూ ఒక సగటు ఫ్యాన్‌లా తన ఫీలింగ్స్ ని ఇలా సోషల్ మీడియా ద్వారా తెలియజేసాడు. అంతే కాదు అక్కడి నుండే చిరంజీవికి హగ్ అంటూ రాసుకొచ్చాడు. ఇలా సెలబ్రిటీలంతా కూడా సైరా సినిమా గురించి వేస్తున్న ట్వీట్స్ సినిమాకి మరింత బూస్ట్ ఇస్తున్నాయి. ఈ వీకెండ్ దాటే వరకు కూడా టికెట్స్ దొరికే పరిస్థితి కనిపించట్లేదు. సింగిల్ స్క్రీన్స్, మల్టీప్లెక్స్ అనే తేడా లేకుండా అన్ని చోట్లా, ఆల్ షోస్ హౌస్ ఫుల్. మొత్తానికి సైరా సినిమా పెంచిన అంచనాలు అందుకుని వసూళ్ల పరంగా ఒక కొత్త చరిత్ర సృష్టించే దిశగా దూసుకుపోతుంది. చిరంజీవి నట విశ్వరూపాన్ని ఎన్ని రికార్డ్స్ దాసోహం అంటాయో చూడాలి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/2pzUQBv
No comments:
Post a Comment