సైరా, వార్‌లను ఏడిపిస్తోన్న `జోకర్‌`

ఈ వారం ఇండియన్‌ స్క్రీన్‌ మీద రెండు భారీ చిత్రాలు బరిలో నిలిచాయి. సౌత్‌ నుంచి భారీ హిస్టారికల్ డ్రామా సైరా నరసింహారెడ్డి బరిలో నిలవగా నార్త్‌ నుంచి యాక్షన్‌ థ్రిల్లర్‌ వార్‌ పోటిలో నిలిచింది. అయితే ఈ రెండు సినిమాలో ఆడియన్స్‌ సైరా వైపే కాస్త ఎక్కువగా మొగ్గు చూపారు. వార్‌ యావరేజ్‌ టాక్‌తో సరిపెట్టుకోగా సైరా మాత్రం సూపర్‌ హిట్ టాక్‌తో దూసుకుపోతోంది. అయితే ఈ రెండు సినిమాలకు ఓ హాలీవుడ్‌ మూవీ షాక్‌ ఇస్తోంది. గాంధీ జయంతి సందర్భంగా వార్, సైరాలతో పాటు జోకర్‌ అనే హాలీవుడ్‌ మూవీ కూడా ఇండియాలో రిలీజ్‌ అయ్యింది. ఈ సినిమా కారణంగా ఇండియన్‌ సినిమాల వసూళ్లుపై తీవ్ర ప్రభావం పడుతున్నట్టుగా తెలుస్తోంది. జోకర్‌కు అంతర్జాతీయ స్థాయిలో పాజిటివ్‌ టాక్‌ రావటంతో భారత్‌లోనూ ఈ సినిమాకు ఆదరణ పెరుగుతోంది. Also Read: జోకర్‌ అన్ని ప్రాంతాల్లో రిలీజ్ కాకపోయినా రిలీజ్‌ అయిన ప్రతీ చోటా భారీ వసూళ్లనే సాధిస్తోంది. దీంతో వార్‌, సైరాకు వసూళ్లకు భారీగానే గండిపడుతోంది. టాడ్‌ ఫిలిప్స్‌ దర్శకత్వంలో తెరకెక్కిన ఈ అమెరికన్‌ సైకలాజికల్‌ థ్రిల్లర్‌ సినిమా భారత్‌లో దాదాపు 700 థియేటర్లలో రిలీజ్‌ అయ్యింది. ఈ సినిమా ఇండియా రిలీజ్‌ హక్కులు దాదాపు 16 కోట్లకు అమ్ముడవగా మూడు రోజుల్లోనూ ఈ మూవీ 20 కోట్లకు పైగా వసూళ్లు సాధించి సత్తా చాటింది. ఇక మెగాస్టార్ చిరంజీవి హీరోగా తెరకెక్కిన సైరా తొలి మూడు రోజుల్లో దాదాపు 140 కోట్లకు పైగా వసూళ్లు సాధించినట్టుగా తెలుస్తోంది. అయితే అధికారిక వివరాలు వెలువడాల్సి ఉంది. వార్‌ బాక్సాఫీస్‌ లెక్కలు కూడా కాస్త అటు ఇటుగా ఇలాగే ఉన్నాయి. అయితే టాప్‌ పరంగా మాత్రం వార్‌ కన్నా సైరానే కాస్త ముందుంది. Also Read: మెగాస్టార్‌ డ్రీమ్‌ ప్రాజెక్ట్ కావటంతో మెగాఫ్యామిలీ ఈ సినిమా మీద ప్రత్యేక శ్రద్ధ తీసుకొని ప్రమోట్‌ చేస్తున్నారు. రిలీజ్‌ ముందు అన్ని రాష్ట్రాల్లో ప్రమోషనల్‌ ఈవెంట్‌లు నిర్వహించిన చిత్రయూనిట్ ఇప్పుడు సక్సెస్‌ పార్టీలను సెలబ్రేట్ చేస్తూ సినిమా మీద పాజిటివ్‌ బజ్‌ క్రియేట్‌ అయ్యేలా చూస్తుంది. ప్రమోషన్‌ విషయంలో వార్‌ కాస్త వెనకపడిందనే చెప్పాలి. హృతిక్‌ రోషన్‌, టైగర్‌ ష్రాఫ్‌ లాంటి క్రేజీ స్టార్స్‌ ఉన్నా భారీగా ప్రమోషన్‌ కార్యక్రమాలు మాత్రం చేయలేదు. ముఖ్యంగా సౌత్‌లో సినిమాను రిలీజ్‌ చేసినా ప్రచార కార్యక్రమాల మీద దృష్టి పెట్టకపోవటంతో కలెక్షన్లు ఆశించిన స్థాయిలో లేవు. దీనికి తోడు జోకర్‌.. వార్‌తో పాటు సైరాను కూడా గట్టిగానే ఇబ్బంది పెడుతున్నాడు.

from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/31Px6XY