బాలయ్య టాక్ షో అంటే ముఖ్యంగా మీమర్స్, ట్రోలర్స్ ఇక మనకి పండగే అనుకుని ఉంటారు. కానీ వాళ్లందరి నోళ్లు మూయించి ‘’ అంటూ తనలోకి కొత్త యాంగిల్ని బయటపెట్టారు నందమూరి బాలకృష్ణ. ‘ఆహా’లో హోస్ట్ చేసిన ‘అన్స్టాపబుల్’ ఫస్ట్ ఎపిసోడ్కి అనూహ్య స్పందన లభిస్తోంది. నిజానికి బాలయ్య టాక్ షో అనేసరికి హేళన.. కామెడీ.. జోక్లు చాలానే వినిపించాయి.. అందులోనూ ఫస్ట్ ఎపిసోడ్కి మోహన్ బాబు గెస్ట్ అనేసరికి ఆ అవహేళనలు మరింత ఎక్కువయ్యాయి. అయితే ‘అన్స్టాపబుల్’ ప్రోమోతోనే దెబ్బకి థింకింగ్ మారిపోవాలంతే అనేట్టు చేశారు బాలయ్య. వీడేం చేస్తాడు లేరా అనే స్థాయి నుంచి వీడే చేయాల్రా అనేట్టుగా ‘అన్స్టాపబుల్’ టాక్ షోని ఆద్యంతం ఆసక్తికరంగా నడిపించారు బాలయ్య. మా నాన్న గారు అనే మాటతోనే షో మొదలుపెట్టిన బాలయ్య.. నేను మీకు తెలుసు.. నా స్థానం మీ మనస్సు అంటూ డైలాగ్లతో అదరగొట్టేశారు. ‘మా నాన్న గారు తొలిసారి తన మ్యాకప్ బ్రష్తో నా కనుబొమ్మలు దిద్దినప్పుడు నాకు తెలియదు.. నటనకు ఓనమాలు దిద్దుతున్నారని.. నా జీవితం నటనకు అంకితం అని.. నటన నా నుదుటిన బ్రహ్మ లిఖితం అని.. మా నాన్న దారి చూపారు.. నడక నేర్పారు.. ఆపై నడత నాది.. ఘనత నాది.. చేత నాది.. చెమట నాది.. చెడైనా మంచైనా ఒప్పుకునే చేవ నాది.. అందుకే నా పేరు పలికేటప్పుడు మీ మొహంలో చిరునవ్వు పూస్తుంది.. నన్ను చూస్తే మీ కళ్లల్లో మెరుపు కనిపిస్తుంది. నేను మీకు తెలుసు.. నా స్థానం మీ మనస్సు’ అంటూ అదిరిపోయే ఎంట్రీ ఇచ్చారు బాలయ్య. నా అంతరాత్మకు అంతరాయం ఉండదంటారు.. నా మనస్తత్వానికి మర్మం లేదంటారు. కోపం ఎక్కువే కానీ కపటం తెలియదంటారు.. లౌక్యం నేర్చుకుంటే ఇంకాస్త బాగుంటానని ఇప్పటికీ అంటారు. కానీ కన్ను కదిపినప్పటి నుంచి కట్టె కాలేదాకా ఈ క్యారెక్టర్ మారదు.. అందుకే మామా ఏక్ పెగ్లా’ అంటూ తన అంతరంగాన్ని ఆహా స్టేజ్పై ఆవిష్కరించారు బాలయ్య. నేను అడుగేస్తే.. షో మొదలెటితే.. గుండీలు తీస్తీ కాలర్ ఎగరేస్తే అంటూ కరెక్ట్ యాప్ట్ సాంగ్తో స్టేజ్ని షేక్ చేశారు బాలయ్య. బాలయ్య పక్కన పూర్ణ చిందులు తొక్కుతున్నా.. అందరి చూపు బాలయ్యపైనే ఉండేట్టు చేశారు.. ఇది బాలయ్య నామసంవత్సర దీపావళి.. అనిపించింది అందాం.. అనుకున్నది చేద్దాం.. ఎవడు ఆపుతాడో చూద్దాం. మ్యాన్సన్ హౌస్ ‘అన్స్టాపబుల్’ అంటూ మోహన్ బాబుతో ఆట మొదలుపెట్టించారు బాలయ్య. ఇక ఈ టాక్ షో కాన్సెప్ట్ కూడా బాగుంది. కేవలం హోస్ట్గా ఉన్న బాలయ్య ప్రశ్నలు అడగడమే కాకుండా.. ఎదుటి వ్యక్తి అడిగిన ప్రశ్నలకు సైతం సమాధానం ఇచ్చారు. రొటీన్ ప్రశ్నలు కాకుండా.. ఎక్కడా ఎవ్వరూ అడగని వారి వారి వ్యక్తిగత విషయాలను బయటపెట్టుకోవడం.. వివాదం అనుకున్న విషయాలపై ఓపెన్ కావడంతో ప్రేక్షకులకు మంచి కిక్ ఇచ్చింది. మొత్తంగా బాలయ్యతో టాక్ షో చేయించాలనే అల్లు అరవింద్ ‘అన్స్టాపబుల్’ ఆలోచనకి ప్రశంసలు దక్కాల్సిందే. మెగా అభిమానులతో ఇతర హీరోల అభిమానులు ఈ షో చూసి అహో బాలయ్య అంటున్నారంటే.. బాలయ్య ఏ రేంజ్లో థింకింగ్ మార్చేశారో అర్ధం చేసుకోవచ్చు.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3GVVQTo
No comments:
Post a Comment