మూవీ ఆర్టిస్ట్ అసోసియేషన్(మా) ఎన్నిక‌లు అక్టోబ‌ర్ 10న జ‌ర‌గ‌నున్నాయి. అయితే మూడు నెల‌ల ముందు నుంచే ఎన్నికల వేడి రాజుకుంది. ఒక‌వైపు మంచు విష్ణు, మ‌రో వైపు ప్ర‌కాశ్ రాజ్ ప్యానెల్స్ ముంద‌స్తు స‌న్నాహాలు చేసుకుంటూ ఎత్తులు పై ఎత్తులు వేస్తున్నారు. ఈ క్ర‌మంలో, ప్ర‌కాశ్‌రాజ్ ఓ అడుగు ముందుకేసి అధ్య‌క్ష బ‌రిలో నిలుచున్న జీవితా రాజ‌శేఖ‌ర్‌, హేమ‌ల‌ను త‌మ గ్రూపులో జాయిన్ చేసుకుని త‌నదే పై చేయి అనిపించుకునే దిశ‌గా అడుగులు వేస్తున్నారు. అయితే ప్ర‌కాశ్‌రాజ్‌కు ఈ ఆనందం ఎక్కువ సేపు నిల‌వ‌లేదు. ప్ర‌కాశ్‌రాజ్ ప్యానెల్‌లో స్పోక్స్ పర్సన్గా ఉన్న బండ్ల గ‌ణేశ్ షాకిచ్చాడు. ‘‘నన్ను స్పోక్స్ పర్సన్గా ఎంచుకున్నందుకు ధ‌న్య‌వాదాలు. అయితే నేను ఆ ప‌ద‌వికి న్యాయం చేయ‌లేను. అందుకు కార‌ణం..నా వ్య‌క్తిగ‌త ప‌నులే. కావున ఆ పోస్ట్‌కు మ‌రొక‌రిని ఎంచుకోవాల‌ని కోరుతున్నాను. ’’ అని బండ్లగణేశ్ ట్వీట్ చేశాడు. అసలు అలా ట్వీట్ ఎందుకలా ట్వీట్ చేశాడ‌న‌డానికి ప్ర‌త్యేక కార‌ణాలేవీ తెలియ‌రావ‌డం లేదు. మ‌రిప్పుడు ప్ర‌కాశ్‌రాజ్ ఎవ‌రిని స్పోక్స్ పర్సన్గా ఎంచుకుంటాడ‌నేది వేచి చూడాలి. ఒక‌నొక ద‌శ‌లో రాజ‌కీయాల్లో చురుకుగా వ్య‌వ‌హ‌రించిన బండ్లగణేశ్, ఇప్పుడు సినిమాల‌కే ప‌రిమితం కావాల‌నుకుంటున్నాడు. అంతే కాదండోయ్‌.. ఏకంగా హీరోగా ఎంట్రీ ఇస్తుండ‌టం విశేషం. త‌మిళ చిత్రం తెలుగు రీమేక్‌లో బండ్ల గ‌ణేశ్ హీరోగా న‌టిస్తుండ‌టం విశేషం. మ‌రి బండ్ల న‌టుడిగా బిజీగా మారాల‌నుకోవ‌డ‌మే కార‌ణ‌మా? అనేది తెలియడం లేదు. అయితే ట్విట్ట‌ర్ నుంచి తాను వెళ్లిపోతున్నాన‌ని రీసెంట్‌గా చెప్పి, మ‌ళ్లీ మ‌న‌సు మార్చుకున్న ఈయ‌న ఈ విష‌యంలోనూ మ‌ళ్లీ మ‌న‌సు మార్చుకుంటాడేమో చూడాలి.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3DLPq7T
No comments:
Post a Comment