ప్రభాస్, మధ్య ఉన్న స్నేహం గురించి అందరికీ తెలిసిందే. వర్షం సినిమాతో ఈ ఇద్దరూ స్నేహితులుగా మారారు. ఇక అప్పటి నుంచి అదే స్నేహబంధం కంటిన్యూ అవుతూ వచ్చింది. గోపీచంద్ సినిమాలకు మాట సాయమందిస్తుంటాడు. మళ్లీ కలిసి నటించే ప్రయత్నం జరుగుతుందో లేదో తెలియదు గానీ.. ఈ ఇద్దరి స్నేహబంధం మాత్రం అందరినీ కట్టిపడేస్తుంటుంది. ట్రైలర్ చూసి ప్రభాస్ ఫోన్ చేశాడంటూ నిన్న (సెప్టెంబర్ 08) జరిగిన ప్రీ రిలీజ్ ఈవెంట్‌లో గోపీచంద్ చెప్పుకొచ్చారు. ‘అందరికీ నమస్కారం.. ఈ ఈవెంట్‌ను ఇంత ఘన విజయం చేసినందుకు అందరికీ థ్యాంక్స్. మా టీంను అభినందించిన చిరంజీవి గారికి ప్రత్యేకంగా ధన్యవాదాలు. నా ఫ్రెండ్ నాకు ఫోన్ చేసి చెప్పారు. ఈ ట్రైలర్ బాగుందిరా అన్నారు. నా ఫ్రెండ్ అంటే ఎవరో మీకు తెలుసుననుకుంటా.. వేరే చెప్పాల్సిన పని లేదు. 2019 డిసెంబర్‌లో ఈ సినిమాను ప్రారంభించాం. యాభై శాతం షూటింగ్ పూర్తయిన తరువాత కోవిడ్ మొదలైంది. తొమ్మిది నెలలు అందరం ఇంట్లోనే కూర్చున్నాం. మళ్లీ గత ఏడాది నవంబర్‌, డిసెంబర్‌లో షూటింగ్ ప్రారంభించాం. ఇక త్వరగా ఫినిష్ చేసిన థియేటర్లోకి వద్దామని అనుకున్న సమయంలో సెకండ్ వేవ్ వచ్చింది. నిజంగా ఈ విషయంలో నిర్మాతలను చూస్తే పాపం అనిపించింది. నా నిర్మాతలు అనే కాదు.. మిగతా వారు, టెక్నిషియన్స్, థియేటర్ల ఓనర్లు ఇలా అందరూ చాలా కష్టాలు పడ్డారు. కానీ గత నెల రెండు నెలల నుంచి పరిస్థితులు మారాయి. మార్కెట్లు ఓపెన్ అయ్యాయి.. జనాలు కూడా బయటకు వస్తున్నారు.. కానీ మొదటి సారి పెద్ద సినిమా.. మంచి కమర్షియల్ సినిమా వస్తోంది. మిమ్మల్ని ఇంట్లోంచి బయటకు లాక్కొచ్చే సత్తా ఉన్న సినిమా సీటీమార్. ఇది సక్సెస్ అయితే ఇంకా చాలా సినిమాలు రెడీగా ఉన్నాయి. కథ నచ్చింది ఖర్చు ఎక్కువైనా పర్లేదు అని నిర్మాతలు పవన్, శ్రీను అన్నారు. గౌతమ్ నందా సినిమాను సంపత్ నందితో ఎంతో బాగా చేశారు. కానీ ఈ సినిమా అనుకున్నంతగా రీచ్ కాలేకపోయాం. కానీ ఈ సారి మాత్రం అలా కాదు. కచ్చితంగా అనుకున్న దాన్ని సాధిస్తాం. మణిశర్మకు ఇది వరకు చేసిన సినిమాలన్నీ దాదాపు హిట్. ఆ లిస్ట్‌లో ఇది కూడా చేరుతుంది. మిమ్మల్ని కచ్చితంగా డిసప్పాయింట్మెంట్ చేయదు.. ఇది థియేటర్లో చూసే సినిమా’ అంటూ గోపీచంద్ తన చిత్రం గురించి గొప్పగా చెప్పుకొచ్చారు. సెప్టెంబర్ 10న ఈ మూవీ థియేటర్లో విడుదల కానుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3hdUOqG
No comments:
Post a Comment