బాలయ్యని బాగా దగ్గర నుంచి చూసిన వాళ్లు ఆయన గురించి ఒక్క మాట కూడా చెడుగా మాట్లాడరు. ఆయనది చిన్న పిల్లల మనస్తత్వం అని.. లోపల ఒకటి పెట్టుకుని బయటకు ఒకటి మాట్లాడే ముసుగు కప్పుకున్న మనిషి బాలయ్య కాదని అంటుంటారు చాలామంది. ఏదైనా ముక్కు సూటిగా ఉన్నది ఉన్నట్టు కుండ బద్దలుకొట్టే స్వభావం ఉన్న బాలయ్య దగ్గర నకరాలు చేస్తే మాత్రం దగ్గర దూరం అనే భేదం ఉండదు.. ఎవ్వరికైనా దబిడిదిబిడే. పలు సందర్బాల్లో పలువురిపై చేయి చేసుకున్న సందర్భాలు ఉన్నాయి.. వారిలో కొంతమంది తన అభిమానులు కూడా ఉన్నారు. ఈ ఒక్క కారణంతో బాలయ్యను విపరీతంగా ట్రోల్ చేస్తూ.. ఆయన క్యారెక్టర్‌ని బ్యాడ్ చేసిన బ్యాచ్‌‌లు చాలానే ఉన్నాయి. ఈ తరుణంలో వీటిపై స్పందించారు సీనియర్ దర్శకుడు తమ్మారెడ్డి. ఆయన మాట్లాడుతూ.. బుద్దిలేకుండా మీద పడితే కొడతాడు.. అందులో తప్పేం ఉంది.. అయినా బాలకృష్ణ జనాన్ని కొట్టలేదు.. తన మీద పడ్డవాళ్లని కొట్టాడు. బాలయ్య కొడతాడని తెలిసినప్పుడు ఆయన దగ్గరకు ఎందుకు వెళ్లాలి. పులి కరుస్తుందని తెలిసినప్పుడు వెళ్లి దాని నోట్లో తల పెడతామా?? ఇది కూడా అంతే. బాలయ్య పులి అంటే పులి.. సింహం అంటే సింహం.. కొడతాడంటే కొడతాడు. బాలయ్య ఆయనో పిచ్చి మనిషి.. ఏదోటి చేస్తుంటాడు. ఏం పట్టించుకోడు.. ఆవేశం వచ్చిందంటే ఏదైనా చేసేస్తాడు.. ఆయన్ని సీరియస్‌గా తీసుకోవాల్సిన అవసరం లేదు. ఈ మాట నేను బాగా తెలిసిన బాలకృష్ణగా చెప్తున్నా’ అంటూ ఆసక్తికరమైన వ్యాఖ్యలు చేశారు తమ్మారెడ్డి భరద్వాజ.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3BZmlEp
No comments:
Post a Comment