అక్కినేని కోడలు కాకముందే సమంతకు స్టార్ స్టేటస్ ఉంది. అయితే నాగ చైతన్యను పెళ్లాడాక అమ్మడి క్రేజ్ అమాంతం పెరిగింది. అందుకు తగ్గట్టు అక్కినేని వారింట అడుగుపెట్టాక జోష్ కూడా మరింత పెంచేసింది. ఓ వైపు సూపర్ డూపర్ హిట్ సినిమాలు తన ఖాతాలో వేసుకుంటూనే మరోవైపు వ్యాపార రంగం లోనూ రాణిస్తోంది. మోడ్రన్ కల్చర్‌కి యాప్ట్ అయ్యేలా వినూత్నంగా ఆలోచిస్తూ సరికొత్తగా బిజినెస్ ప్లాన్స్ చేస్తూ తన లోని మరో కోణాన్ని బయటపెడుతోంది. ఈ క్రమంలో తాజాగా ఆమె షేర్ చేసిన ఓ వీడియో నెట్టింట వైరల్ అవుతోంది. పెరుగుతున్న టెక్నాలజీ, ఆధునికతను క్యాష్ చేసుకునేలా సమంత ఆన్‌లైన్ ఫ్యాషన్ స్టోర్ స్టార్ట్ చేసింది. '' పేరుతో తన కలల ప్రపంచాన్ని జనం ముందుకు తెచ్చింది. రీసెంట్‌గా మొదలైన ఈ వ్యాపారం సమంతకు మంచి లాభాలు తెచ్చిపెడుతోందట. సామ్ స్టోర్ కావడంతో జనం ఫుల్ అట్రాక్ట్ అవుతుండటం బాగా కలిసొస్తోంది. ఆన్‌లైన్ స్టోర్ కావడంతో దేశంలోని పబ్లిక్ మాత్రమే కాదు విదేశాల జనం సైతం ఆర్డర్స్ ఇస్తున్నారట. ఈ విషయాన్ని తెలుపుతూ తన ఇన్స్‌స్టాగ్రామ్‌లో వీడియో పోస్ట్ చేసింది సమంత. ఈ విషయం తెలుసా..? ''సాకీ స్టోర్ దుస్తులను అమెరికా, సింగపూర్, మలేషియా దేశాలకు కూడా పంపిస్తున్నాం'' అని పేర్కొంటూ పోస్ట్ పెట్టింది సామ్. ఈ మేరకు ఆమె ట్యాగ్ చేసిన వీడియోలో అద్దం ముందు నిలబడి చకచకా దుస్తులు మార్చుకుంటూ కనిపించింది సామ్. మోడ్రన్ జనాన్ని ఆకర్షించేలా తన బ్రాండ్‌ని తానే ప్రమోట్ చేసుకుంటూ చిందేసింది ఈ బ్యూటీ. దీంతో 'ఎంతైనా అక్కినేని కోడలు కదా! ఆ బిజినెస్ ఆలోచనలు అలాగే ఉంటాయిలే' అని కామెంట్స్ చేస్తున్నారు ఈ వీడియో చూసిన నెటిజన్లు. ఈ వీడియోకు లైకులైతే లక్షల్లోనే వస్తుండటం గమనార్హం. సమంత కెరీర్ విషయానికొస్తే.. ఈ మధ్యకాలంలో తనకంటూ ప్రత్యేక గుర్తింపు తెచ్చే హీరోయిన్ ఓరియెంటెడ్ సినిమాలు సెలక్ట్ చేసుకుంటోంది ఈ అందాల తార. ప్రస్తుతం ఆమె గుణశేఖర్ దర్శకత్వంలో రూపొందుతున్న 'శాకుంతలం' సినిమాలో నటిస్తోంది. సమంత మొదటిసారి పౌరాణిక పాత్ర పోషిస్తున్న ఈ మూవీ రెగ్యులర్ షూటింగ్ అతిత్వరలో ప్రారంభం కానుంది.
from Telugu Cinema News | తెలుగు సినిమా న్యూస్ | Latest Telugu Cinema News in Telugu https://ift.tt/3c867P5
No comments:
Post a Comment